|
|
 Re: نمشي الخرطوم .. نخرطمها ..!! (Re: وضاح عبدالرحمن جابر)
|
سلامات وضاح ... وصفك للحاصل في الخرطوم يشهي الزول يقوم يمشي ... :) بس سؤالي يا وضاح ... كم من الناس العايشة هناك بتقدر تعمل القالوا بكري ؟ و كم من الناس شايفه بعيونها و ايدها ما طايلة الكلام ده ...
الخرطوم اتغيرت كتير عن زمان يا هندسة
الخرطوم الان زيها زى اى عاصمة لدولة منفتحه متعدده الثقافات والاعراق .. لاتخطئ العين فيها الوجود الاجنبي البارز جدا
كل الناس متعايشة بسلام وتبادل للمصالح والمنافع .. والجو العام ودى جدا ... وقصة الانفتاح دى ممكن المسببه بعض الازعاج للناس البتشتكى من وجود الاجانب
واعتقد معظمهم ماشاف دول اخري وعاش التمازج فى عواصمها والتداخل ..
بعد فتره كساد كبيره شايف انه الناس اتجهت تانى للخروج والتنزه والسهرات وتغيير الجو
واصبحت المواقع الممكن تزورها كتيره جدا ومميزه جدا وفيها شي من الاحترافية فى التعامل وفى الديكور واشياء كتيره
تستطيع انك تتجول فى الخرطوم 24 ساعه من غير ما يعكر مزاجك اى شي .. الشوارع واصلة لكل الضواحى ولكل الاحياء .. لا توجد نقاط تفتيش او مناطق مقفله او حراسات فى شوارع
اللهم الا رجال المرور فتواجده زائد عن المعقول وفيه تضييق كبير على الناس ..
بطلع من الخرطوم الساعه 10 مساء مشيت ام بده شارع الجميعاب اخر محطه قعدت اتونس مع شباب فى المحل حقهم لحدى الساعه 1 صباحا ... الناس شغاله ومتحركه
الخرطوم الان ليست الخرطوم زمان ..
زرت تقريبا معظم المطاعم الكبيرة والصغيرة محلات السمك محلات الشيه .. وصولا الى جبل اولياء
ما وجدت محل ما ممتلئ بالزبائن .. ما وجدت محل ما شغال .. مع انه الاسعار قياسا بمتوسط الدخل تعتبر عالية جدا
لكن لاحظت ثقافه شبه بقت منتشره .. انه لازم الاصحاب .. او الاسره او المعارف .. يطلعوا ويتلاقو فى محل
وبتكون تابعت مع الاهل فى الفيس والواتس صورهم وطلعاتهم وهم بيوثقوا لسهره او عشوه فى مكان ما ..
الفنادق الصغيره (ما دخلت الكبيره) حفلات مسائية شبه يومية مع العشاء والمشروبات فى الحدائق المفتوحه .. اتعزمت كذا مره .. حاجه تبهج الروح وتشرح النفس
وتعيد للانسان ادميته مع روعه وجمال تعامل السوداني مع السوداني .. بشاشة فى التعامل وظرف فى ا لحديث . ..
بكل تاكيد ما كل الناس بتقدر تخلى ده برنامجها الثابت .. ولا اعتقد ربع الناس او اقل
لكن بكل تاكيد برضو انه بين كل فتره وفتره بروحوا عن نفسهم وبطلعوا يتفسحوا
تطلع وتقضي سهره كامله فى عبارة فى شارع النيل وممكن ما تصرف ليك 50 جنية .. كباية القهوه ولا العصير .. ما بتتجاوز 15 جنية عشان كده يوميا شارع النيل مليان من اوله لاخره
اسر مع بعض .. اصدقاء محتفلين بى صديقهم .. بنات محتفلات بعيد ميلاد صاحبتهم .. ضيف جاى من بره السودان اصحابه ولا اهله عازمنه ..
شارع النيل بالليل عباره عن تجمعات بشرية ممتده من بري الى المقرن .. فى احترام كبير بين الناس نادر ما تشوف عسكرى ولا شكلة ولا صةت عالى ولا صراخ ولا ولا ولا .. احترام والتزام بحقوق الغير
يندر انك تشوفه فى مكان تانى ..
مشيت مع ناس اقل من عادييين بفتشوا فى حق اكلهم يومي
مشيت مع ناس افضل حالا وبفتشوا فى حق اكلهم للشهر او السنه ..
ومع ناس مابحسبوا طلعوا كم من جيبهم كلهم مستمتعين وعايشين نفس العيشه
|
|
 
|
|
|
|
|
| العنوان |
الكاتب |
Date |
| نمشي الخرطوم .. نخرطمها ..!! | يحي قباني | 01-29-17, 04:35 PM |
| Re: نمشي الخرطوم .. نخرطمها ..!! | يحي قباني | 01-29-17, 04:41 PM |
| Re: نمشي الخرطوم .. نخرطمها ..!! | يحي قباني | 01-29-17, 04:42 PM |
| Re: نمشي الخرطوم .. نخرطمها ..!! | وضاح عبدالرحمن جابر | 01-29-17, 05:04 PM |
| Re: نمشي الخرطوم .. نخرطمها ..!! | يحي قباني | 01-29-17, 05:34 PM |
| Re: نمشي الخرطوم .. نخرطمها ..!! | معاوية الزبير | 01-29-17, 05:48 PM |
| Re: نمشي الخرطوم .. نخرطمها ..!! | وضاح عبدالرحمن جابر | 01-29-17, 05:57 PM |
| Re: نمشي الخرطوم .. نخرطمها ..!! | وضاح عبدالرحمن جابر | 01-29-17, 06:24 PM |
| Re: نمشي الخرطوم .. نخرطمها ..!! | يحي قباني | 01-29-17, 05:59 PM |
| Re: نمشي الخرطوم .. نخرطمها ..!! | عماد الشبلي | 01-29-17, 06:16 PM |
| Re: نمشي الخرطوم .. نخرطمها ..!! | يحي قباني | 01-31-17, 05:01 AM |
| Re: نمشي الخرطوم .. نخرطمها ..!! | جلالدونا | 01-29-17, 06:23 PM |
| Re: نمشي الخرطوم .. نخرطمها ..!! | ياسر السر | 01-30-17, 08:28 AM |
| Re: نمشي الخرطوم .. نخرطمها ..!! | عبدالحفيظ ابوسن | 01-30-17, 09:16 AM |
| Re: نمشي الخرطوم .. نخرطمها ..!! | يحي قباني | 01-31-17, 05:10 AM |
| Re: نمشي الخرطوم .. نخرطمها ..!! | يحي قباني | 01-31-17, 05:05 AM |
| Re: نمشي الخرطوم .. نخرطمها ..!! | يحي قباني | 01-31-17, 05:03 AM |
| Re: نمشي الخرطوم .. نخرطمها ..!! | محمد الأمين موسى | 01-31-17, 06:17 AM |
| Re: نمشي الخرطوم .. نخرطمها ..!! | يحي قباني | 01-31-17, 05:16 PM |
| Re: نمشي الخرطوم .. نخرطمها ..!! | يحي قباني | 02-02-17, 05:28 AM |
|
| |
وضاح عبدالرحمن جابر
فيس بوك
تويتر
انستقرام
يوتيوب
بنتيريست