(كوشيب قيل انه كان لاعبا ماهرا ,, واشتهر بطرفته اكثر من مهارته في اللعب , وقد صار كهلا الآن سألتو مرة ولا علاقة لي بالرياضة لا سابقا ولا الآن قالو لي كنت لعاب ,,فقال لي تعرف مرة وذكر لي اسم لاعب عاصمي مشهور ,, كنا لاعبين وفلان ده جننا جن ,, بلعب فوق وحريف ,, قلت اعطلو ,, الكورة كورنر ,, وقفت قريب ليهو ,, شاتو الكوره ,, داير يقوم معاها ,, بس بطرف الكداره عفصتو ليك في محل مصبعو الكبير ,, تسمع رضضض ,, الجسم فيهو كم مفصل؟ ,, قلت ليهو ما عارف والله ,, قال 360 مفصل ,, فكيت مفاصلو من مصبعو لي رقبتو و.. له غيرها سأحكيها ) اقتباس من بوست (كوستي / الناس التنضح سكر) لصاحبه أبو سن الله يرحم كابتن كوشّيب بقدرما أدخل البهجة في نفوس الناس التنضح سُكّر
|
|