|
|
 Re: بلقيس بنت سالم الحكمانية؛ بوست وناسة للأع (Re: MOHAMMED ELSHEIKH)
|
قال الأعشى الأكبر:
وقد غدوت الى الحانوت يتبعني شاو مشل شلول شلشل شول
ونسة عن فن الميدان:
كنت قاعد افتش للخيط ده وراح مني في ذات صرة مصرورة صرا صريرا في ذات صر صراي..!
ول ابا ابكر ، مع ان عنوانو بيخلي بعض الناس تتحسس شوية ، قام ذكر كلمة مفتاحية (وناسة) أي ونسة..أي سمر..يعني صاحبنا عندو شوية فكرة عن الموضوع لكن عامل شغلانة الفكي الحسود الذي يفك بعض الأشياء ويعمل نايم بالبعض الآخر..
ولأول مرة يا ابوبكر اسمع العمانيين..وكل ما اغمض عيني واسمع تعليقات الأخ المذيع ورد البنية بلقيس..كأني في كيلك ام زقاف..بعيد هناك في الفرقان..!
النوع ده من الشعر هو فن الميدان العماني ، وسموه الميدان لأنو بيتقال في ميدان فسيح بعيد شوية من الحلة أو الحي.. يعني مكان السمر وتشترك فيهو النساء والرجال..وفي الثقافات السودانية توجد فكرة المدى..أي المكان الذي يتجمع فيهو الشبان (نساءا ورجالا) بعيدا ويقولون الشعر المنظوم..وكذا مجلس البرامكة (مجلس شرب الشاي)..وايضا يقولون فيه الشعر..!
العمانيون يعرّفون هذا النوع من الشعر ..فن الميدان..ويقولون عنه التلاعب بالفاظ وكلمات اللغة العربية..!
نفس النمط ، نمط التلاعب بالألفاظ ، موجود برضك في الثقافات السودانية..مثلا المسيرية عندهم مقولة:
كن بتط اط ، وكن ما بتط قول ابط..!!..
وهي كلها كلمات ذات معاني..ندي الناس فرصة..تجتهد في اكتشاف المعاني..!
مثلها مأثورة: طبقنا طبق طبقكم يقدر طبقكم يطبق طبقنا ، زي ما طبقنا طبق طبقكم؟
اما اوضح نموذج لفن الميدان ، رمية مشهورة في السودان ، اداها بابكر ود السافل ، ثم قلده المقلدون فيها..ولأن نسخة ود السافل الأصلية ليست معي..فاني اقتبس اخر نموذج باداء الفنان طه سليمان..والرمية طويلة ولكن نختار منها ما يطابق فكرة فن الميدان العماني.. بتاع ناس بلقيس الحكمانية.. فتقول الرمية السودانية:
شبكتينا ،
يا آمنة ،
وشبكتي ،
الناس معانا ،
بي شباك ،
شبك ،
شبكة ،
شبايكو،
معانا ،
لبست توب شبك ،
في شبايكا ،
مشابكانا ،
والداير الشبك ،
يشبك ،
شبكتو ،
معانا..!!
الملاحظ يا ابوبكر ، العمانيين ما قاعدين يستخدموا حرف الشين في فن الميدان ، ومعظم النماذج التي اطلعت عليها ، لاحظت غياب الشين فيها..!!
يعني رمية شبكتينا يا امنة ، اقرب الى نموذج الأعشى..يعني الأعشى استخدم (الشين) ست مرات ، ورميتنا السودانية فيها استخدام الشين اطناشر مرة..!!!
شراح الأعشى قالوا كلماته تلاعب بالألفاظ ، زي الوصف الوصفو بيهو فن الميدان العماني..ولكني اذهب لخلاف ذلك ، فالسياق الإجتماعي والثقافي والتاريخي الذي تولدت فيه مثل تلك المفردات مؤكد عندها معانيها ، كما هو الأمر في القصيدة التي القتها بلقيس الحكمانية ، والنماذج السودانية..يعني مافي حاجة مجانية..!
هل خرجت عن النص؟
وكل سنة والجميع بخير..!
كبر
|
|
  
|
|
|
|
|
| العنوان |
الكاتب |
Date |
| بلقيس بنت سالم الحكمانية؛ بوست وناسة للأعضاء من أصول عربية فقط | أبوبكر عباس | 01-18-17, 06:26 PM |
| Re: بلقيس بنت سالم الحكمانية؛ بوست وناسة للأع | محمد المسلمي | 01-18-17, 07:23 PM |
| Re: بلقيس بنت سالم الحكمانية؛ بوست وناسة للأع | sadig mirghani | 01-18-17, 07:29 PM |
| Re: بلقيس بنت سالم الحكمانية؛ بوست وناسة للأع | حيدر حسن ميرغني | 01-18-17, 07:43 PM |
| Re: بلقيس بنت سالم الحكمانية؛ بوست وناسة للأع | أبوبكر عباس | 01-19-17, 03:34 PM |
| Re: بلقيس بنت سالم الحكمانية؛ بوست وناسة للأع | أبوبكر عباس | 01-19-17, 03:51 PM |
| Re: بلقيس بنت سالم الحكمانية؛ بوست وناسة للأع | محمد الامين محمد | 01-19-17, 04:01 PM |
| Re: بلقيس بنت سالم الحكمانية؛ بوست وناسة للأع | adil amin | 01-19-17, 04:05 PM |
| Re: بلقيس بنت سالم الحكمانية؛ بوست وناسة للأع | أبوبكر عباس | 01-19-17, 04:15 PM |
| Re: بلقيس بنت سالم الحكمانية؛ بوست وناسة للأع | Hafiz Bashir | 01-19-17, 05:17 PM |
| Re: بلقيس بنت سالم الحكمانية؛ بوست وناسة للأع | أبوبكر عباس | 01-19-17, 05:54 PM |
| Re: بلقيس بنت سالم الحكمانية؛ بوست وناسة للأع | Hafiz Bashir | 01-19-17, 06:12 PM |
| Re: بلقيس بنت سالم الحكمانية؛ بوست وناسة للأع | أبوبكر عباس | 01-19-17, 07:15 PM |
| Re: بلقيس بنت سالم الحكمانية؛ بوست وناسة للأع | adil amin | 01-20-17, 04:40 AM |
| Re: بلقيس بنت سالم الحكمانية؛ بوست وناسة للأع | muntasir | 01-20-17, 06:53 AM |
| Re: بلقيس بنت سالم الحكمانية؛ بوست وناسة للأع | أبوبكر عباس | 08-22-17, 09:21 AM |
| Re: بلقيس بنت سالم الحكمانية؛ بوست وناسة للأع | محمد على طه الملك | 08-22-17, 05:21 PM |
| Re: بلقيس بنت سالم الحكمانية؛ بوست وناسة للأع | عبدالعظيم عثمان | 08-22-17, 05:27 PM |
| Re: بلقيس بنت سالم الحكمانية؛ بوست وناسة للأع | عبدالحفيظ ابوسن | 08-22-17, 06:04 PM |
| Re: بلقيس بنت سالم الحكمانية؛ بوست وناسة للأع | محمد على طه الملك | 08-22-17, 06:11 PM |
| Re: بلقيس بنت سالم الحكمانية؛ بوست وناسة للأع | MOHAMMED ELSHEIKH | 08-22-17, 06:12 PM |
| Re: بلقيس بنت سالم الحكمانية؛ بوست وناسة للأع | أبوبكر عباس | 08-22-17, 07:34 PM |
| Re: بلقيس بنت سالم الحكمانية؛ بوست وناسة للأع | علي دفع الله | 08-22-17, 08:18 PM |
| Re: بلقيس بنت سالم الحكمانية؛ بوست وناسة للأع | MOHAMMED ELSHEIKH | 08-24-17, 01:57 PM |
| Re: بلقيس بنت سالم الحكمانية؛ بوست وناسة للأع | Kabar | 08-24-17, 06:09 PM |
| Re: بلقيس بنت سالم الحكمانية؛ بوست وناسة للأع | محمد على طه الملك | 08-24-17, 09:28 PM |
|
| |
Kabar
فيس بوك
تويتر
انستقرام
يوتيوب
بنتيريست