|
Re: تسجيل تلفزيوني نادر لشاهدة عيان تروي احدا (Re: ombadda)
|
من التراث (مناحة المتمة ) مناحة المتمة هي إحدي أشهر المناحات في منطقة الجعليين (تحديداً منطقة كلي) وقد قيلت في أحد عشر فارساً لبوا نداء القائد عبد الله ود سعد بعد أن حاصرت جيوش محمود ود أحمد حاضرة غرب الجعليين (المتمة) .. والقصة معروفة ونتائجها اشتهرت (بكتلتة المتمة) في تراث الجعليين .. والتي قال فيها ود سعد .. عندما أرسل له بعضهم بعض النصائح وطالبوه بالاستسلام وإخلاء المتمة ومما قيل له أنك تلقي بنفسك وأهلك للتهلكة وبالتالي (كلامك دة أعوج عديل) فقال قولته المشهورة : من الله خلق عيال جعل .. بسهووها عوجة .. وربنا بعدلها .. وبعدها إتفشق فوقها وإضكر ..
أما هؤلاء البواسل فقد ماتوا مع قائدهم وجاءت هذه المناحة التي أتمنى أن تعجبكم :
مناحة المتمة طال الشوق على فارس أم دروع ولجام وفي رأس الدريس أسد الهشاب الزام وين عريس الدندر الرزام
الدنقر ضرب مرق الأمير قدام وبرزوا عيال جعل الكلهم كُزام الموت أصلو دين سمح العمر ينسام وطلعت ذكرتهم حد اليمن والشام
الدنقر ضرب شمس نحاسو هدر ولامن ركب فوق قارحو شدَّ دَفَـر الموت أصلو دين الحديث أب نفل وطلعت ذكرتهم للجامع الأزهر
الدنقر ضرب المدفع اترزّم ولامن كان رِكب فوق قارحو يتجزَّم اتعقدوا اليمين العامل اتوهم وقالوا نوجبن لامنم نخوض الدم
الدنقر ضرب حِس السلام رزّا ولامن كان ركب فوق قارحو يتمزّا اتعقدوا اليمين ما نووا بى فــزة لامن وجبوهن رقدوا فوق عِـزة
الدنقر ضرب حِـس السلام وقَّ عبد الله أب سعد للحارة بتلقى استعزا ودخل فارس الخيول شـقَّ وجزم قول البنات استاهلو وحـقَّ
عيال جعل الأُصال نسبتم عباس ولامن كان ركب فوق قارحو شدًّ وهاش اتعقدوا الطروف ومرقوا لى الرصاص وطلعت ذكرتهم من برنو لا دار فاس
عيال جعل الأصال البفعلوا الطولة جبخانة السلاح أم قالي برزولا اليوم يا عيال ها العظمة والدولة ومن طرف القبايل تبكي مفلولة
عيال جعل الأصال الحرو في لقاهن هدفيب الجلل م ا خافو ضلاهن والخواض ركب فوق قارحو شقاهن وشقيش ما ضرب بى كفو آذآهن
عيال جعل الأصال أكانو أسودة وروس وركبوا وشددوا أمات دروع ولبوس اتعقدوا الطروف ودخلو القنا المانوس يا ربي نجوهن في جنة الفردوس
عبد الله أب سعد اسد الخلا أب عاجات عريس أمات لبوس وكتين يجن حافلات اسعزا ودخل وسط الجلل فايرات سيفو يلهبن يستعزا لمان مات
اللدر المربعن في الجزيرة أم هيل عبد الله أب سعد سموه فشق الفيل استعزا ودخل شق القنا أب ضليل وسمح العدو يومن فوق ضهور الخيل
أخواني الأسود الليلة ما حليلن ويا حليل عظمتن ويا حليل ركوب خلين ويا حليل صولتن الفوق قتاهيرن طش اليوم عقابن وواجعي من ميلن
في أخواني الأسود الليلة بتهجا وقت الليل برد وجعاً علي وجا هدف لي بشير أخوي ود عيني حاس لجَّ اليوم نجري ونكوس ضاقت بنا الفجة
حليل بهجة بيوتنا الشوفتو تهجاني أنا الشوق والحنين لا ديمة لأخواني بشير دود الكواني أب كرقا ياني مسمار الحديث الما بدور تاني
أبكن يا بنات الليلة قولن دوب على أسياد السبيل والجامع المنصوب الحسن ماصع التلوب الما بقوم مغلوب وقبال لا تميل يبقى الدهر مقلوب
|
|
|
|
|
|
|
العنوان |
الكاتب |
Date |
تسجيل تلفزيوني نادر لشاهدة عيان تروي احداث "كتلة" المتمة | ombadda | 01-06-17, 08:12 AM |
Re: تسجيل تلفزيوني نادر لشاهدة عيان تروي احدا | ombadda | 01-06-17, 08:13 AM |
Re: تسجيل تلفزيوني نادر لشاهدة عيان تروي احدا | ombadda | 01-06-17, 08:18 AM |
Re: تسجيل تلفزيوني نادر لشاهدة عيان تروي احدا | د.محمد بابكر | 01-06-17, 08:28 AM |
Re: تسجيل تلفزيوني نادر لشاهدة عيان تروي احدا | ombadda | 01-06-17, 08:56 AM |
Re: تسجيل تلفزيوني نادر لشاهدة عيان تروي احدا | د.محمد بابكر | 01-06-17, 09:11 AM |
Re: تسجيل تلفزيوني نادر لشاهدة عيان تروي احدا | abubakr salih | 01-06-17, 11:19 AM |
Re: تسجيل تلفزيوني نادر لشاهدة عيان تروي احدا | د.محمد بابكر | 01-06-17, 08:31 PM |
Re: تسجيل تلفزيوني نادر لشاهدة عيان تروي احدا | اسماعيل عبد الله محمد | 01-06-17, 08:59 PM |
Re: تسجيل تلفزيوني نادر لشاهدة عيان تروي احدا | أنور أدم | 01-07-17, 02:59 AM |
Re: تسجيل تلفزيوني نادر لشاهدة عيان تروي احدا | أنور أدم | 01-07-17, 03:17 AM |
Re: تسجيل تلفزيوني نادر لشاهدة عيان تروي احدا | باسط المكي | 01-07-17, 04:20 AM |
Re: تسجيل تلفزيوني نادر لشاهدة عيان تروي احدا | abubakr salih | 01-08-17, 01:05 AM |
Re: تسجيل تلفزيوني نادر لشاهدة عيان تروي احدا | abubakr salih | 01-08-17, 01:12 AM |
Re: تسجيل تلفزيوني نادر لشاهدة عيان تروي احدا | عادل الباهي عبدالرازق | 01-08-17, 06:13 AM |
Re: تسجيل تلفزيوني نادر لشاهدة عيان تروي احدا | abubakr salih | 01-08-17, 09:05 PM |
Re: تسجيل تلفزيوني نادر لشاهدة عيان تروي احدا | ياسر منصور عثمان | 01-08-17, 07:24 AM |
Re: تسجيل تلفزيوني نادر لشاهدة عيان تروي احدا | ود الباوقة | 01-08-17, 10:10 AM |
|
|
|