|
Re: أها ... انحنا وقفنا وين ؟ (Re: عبدالحفيظ ابوسن)
|
عارف يا قباني أنا ما فيني أخلاق لفتح بوست ومتابعة ردود وكدة لكن في اثنين بجي بفرش لحافي في بوستاتهم وانجدع بالعراقي زي الكأنه بيتنا : قباني واب سن ما عارف ليه الاثنين ديل من دون مخاليق البورد .. يمكن عشان ما حصل هرشوني قبل كدة بإني خربت البوست ولا حاجة بالشكل دة ود أب سن ما مفروض يكون من كتابي ولا اتابعو لأنه بشكل امتداد لشكل حياتي .. بحس فيه شوية تحفظ في الكلام بتخليه بمثل تيار البيئة المحافظة برغم يساريته المفترضة قباني بمثل تيار غريب علي وبجذبني شديد لانه بتكلم عن حاجات بتعجبني بس ما عشتها .. بتلقاني متكيف لمن يتكلم عن الخمر والسينما والكسر يمين وبتاع .. زي البقرأ لي في رواية لماركيز .. والعجب كمان لما يتلم مع محمد المرتضى حامد ويكون الموضوع عن الجمال .. الأيام ديك بجيب معاي غياراتي وبسكن في البوست ومرات كتيرة ما بكتب ولا حرف بس بقرأ واتبسّم
داير اتكلم عن البورد بشكل عام زماااان أول ما جيت البورد يوم كدة كنت في حي الدرجة مدني ومنه مشيت كداري للسوق الصغير قضيت أغراض وكداري برضو مشيت السوق الكبير ولاقيت صاحبي والاثنين مدبرسين وزهجانين شربنا القهوة عند ادروب ولفييييينا السوق الكبير من أقصاه لأقصاه عشان نفرق الزهجة وختمناها بحجر شيشة في حديقة وقيع الله رغم إنها ما كانت فاتحة بس حنسنا الولد عمل لينا حجر .. اتونسنا زييييين ومشيت دردق فتحت سودانيز اونلاين القى ليك كمية من العناوين على شاكلة مدني تحترق والثورة في مدني وبتاع عديت شوية لقيت صور كمان .. اتصلت بصاحبي الكان معاي قلت ليه يا خوي انت مدني دي كان فيها مظاهرات بي ورانا ولا شنو! قعد يضحك قال لي أخوي مغترب ضرب لي متحمس قال لي قالوا حرقتو مباني الحكومة قلت ليه عليك الله امشي واصل حلمتك الحاجة الوحيدة الحرقناها حجر شيشة أنا واحمد
الفترة الفاتت جاني إحباط موش من فشل العصيان وإنما من عدم مقدرة الناس على استيعاب حقيقة حدوث الفشل الفترة اللي سبقت يوم العصيان كان الطموحات اتعلقت حد السماء .. والناس لحدي هسة ما قادرة تتصالح مع حقيقة إنه الموضوع ما ظبط لو جيت في البورد وقلت لأي واحد إنه العصيان على أرض الواقع وفي أماكن العمل ما نجح حيملاك صور وبوستات ويقولوا ليك ياخي الكيزان اعترفوا جاي انت يا غواصة يا بتاع تقول كدة!
يا ربي أعدل الفقرة الفوق دي واقول فلنفرض مجرد فرض إنه العصيان ما نجح !! اتخيل لي التعديل بحميني من تكفير المناضلين واهدار الدم .. مو كدي ؟!
رجوعاً للبوست وقفنا وين! وقفنا في محطة عدم قبول الناس للواقع بسبب واقع افتراضي عاشوهو حقيقة هذا والله أعلم
_________ المداخلة بالكامل مجرد ثرثرة في لحظة قرف فما تشتغل بيها كتير عزيزي القارئ إذا ما عجبتك
|
|
|
|
|
|
|
العنوان |
الكاتب |
Date |
أها ... انحنا وقفنا وين ؟ | يحي قباني | 01-01-17, 05:11 PM |
Re: أها ... انحنا وقفنا وين ؟ | يحي قباني | 01-01-17, 05:36 PM |
Re: أها ... انحنا وقفنا وين ؟ | زهير عثمان حمد | 01-01-17, 05:55 PM |
Re: أها ... انحنا وقفنا وين ؟ | يحي قباني | 01-01-17, 10:38 PM |
Re: أها ... انحنا وقفنا وين ؟ | زهير عثمان حمد | 01-01-17, 11:50 PM |
Re: أها ... انحنا وقفنا وين ؟ | اميرة السيد | 01-02-17, 06:15 AM |
Re: أها ... انحنا وقفنا وين ؟ | Hamid Elsawi | 01-02-17, 06:54 AM |
Re: أها ... انحنا وقفنا وين ؟ | Hamid Elsawi | 01-02-17, 07:18 AM |
Re: أها ... انحنا وقفنا وين ؟ | محمد مجيدو | 01-02-17, 07:23 AM |
Re: أها ... انحنا وقفنا وين ؟ | عبدالحفيظ ابوسن | 01-02-17, 08:12 AM |
Re: أها ... انحنا وقفنا وين ؟ | أحمد محمد عمر | 01-02-17, 08:21 AM |
Re: أها ... انحنا وقفنا وين ؟ | اميرة السيد | 01-02-17, 08:21 AM |
Re: أها ... انحنا وقفنا وين ؟ | اميرة السيد | 01-02-17, 08:41 AM |
Re: أها ... انحنا وقفنا وين ؟ | Hamid Elsawi | 01-02-17, 10:57 AM |
Re: أها ... انحنا وقفنا وين ؟ | اميرة السيد | 01-02-17, 03:24 PM |
Re: أها ... انحنا وقفنا وين ؟ | عبدالحفيظ ابوسن | 01-02-17, 05:30 PM |
Re: أها ... انحنا وقفنا وين ؟ | محمد البشرى الخضر | 01-02-17, 06:19 PM |
Re: أها ... انحنا وقفنا وين ؟ | Hamid Elsawi | 01-02-17, 06:27 PM |
Re: أها ... انحنا وقفنا وين ؟ | عبدالحفيظ ابوسن | 01-02-17, 06:57 PM |
Re: أها ... انحنا وقفنا وين ؟ | أحمد محمد عمر | 01-02-17, 07:07 PM |
Re: أها ... انحنا وقفنا وين ؟ | Fatima Alhaj | 01-02-17, 08:08 PM |
Re: أها ... انحنا وقفنا وين ؟ | زهير عثمان حمد | 01-02-17, 08:58 PM |
Re: أها ... انحنا وقفنا وين ؟ | اميرة السيد | 01-02-17, 09:18 PM |
Re: أها ... انحنا وقفنا وين ؟ | عبدالحفيظ ابوسن | 01-02-17, 09:33 PM |
Re: أها ... انحنا وقفنا وين ؟ | يحي قباني | 01-02-17, 10:38 PM |
Re: أها ... انحنا وقفنا وين ؟ | يحي قباني | 01-03-17, 03:13 AM |
Re: أها ... انحنا وقفنا وين ؟ | عبدالحفيظ ابوسن | 01-03-17, 10:26 AM |
Re: أها ... انحنا وقفنا وين ؟ | معاوية المدير | 01-03-17, 10:50 AM |
Re: أها ... انحنا وقفنا وين ؟ | يحي قباني | 01-04-17, 04:08 AM |
Re: أها ... انحنا وقفنا وين ؟ | يحي قباني | 01-04-17, 01:56 AM |
|
|
|