إطلاق سراح الدفينة و الوليد إمام

Quote: جادات عملتها ظاااااهرة أنا بدافع عن مواطن سودانى معتقل في دولة أجنبية سُلبت حقوقه في التعبير عن رأيه بصورة سلمية وحضارية. بدافع عنه وعن زميل البورد القاسم وعن المواطن السودانى الوليد إمام طه. هل إنت بتسمي الدفاع عن سودانيين معتقلين في دولة أجنبية جقلبة؟؟!! خلي يعتقلوك في نايروبي حتلقانى اول واحد أدافع عن حقك في التعبير عن رايك. بالبوست بتاعك إنت حاولت تقنع الناس إنه علاء الدين الدفينة غواصة من تسجيل صوتى ساهم في حشد الناس للعصيانى المدنى يطالبهم بالسلمية ويفضح خطة الامن في محاولة إحداث الشغب المتعمد لإستباحة دماء الشعب السودانى. وتسجيله حقيقة كان ليهو دور في تنوير الشعب السودانى للإلتزام بسلمية العصيان المدنى لذلك تم إستقصاده منك إنت شخصيا بتحليلات فطيرة جدا عشان تصل لهوايتك المفضلة لدمغ الشرفاء بالغوصنة في دور ابسط مايمكن وصفه مخذل جدا للعمل المعارض. انا فقط بدافع عن شخص معتقل أيا كان إتجاهه السياسي او دينه أو عرقه. لكن لأنك بتأدي في رسالة واضحة ومعروفة ومكشوفة جات مداخلتك معبرة جدا عن الخط الامنى لجهاز الانقاذ وحاولت التحدث بلسانه. قلت لي علاء الدين الدفينة عايز يلحق جوازات أمريكا ويكسب تنظيم العالمية جواز؟؟؟ ههههههه هههههههه ياخي انت والله زول لقطة...إيه الشطارة دي كلها. بسحروك كلامك ده مافي أية فرق بينه وبين كلام الكوز تيتاوي. تيتاوي سمي مناضلي الكيبورد في السعودية بالدواعش وإنت الحقتهم بالتنظم العالمي. إنت بوعي كامل جدا بتكتب رسالتك بالطريقة التى تخدم خطاب الانقاذ. بعدين يا الفالح ليه الناس تاخد اللفة الكبيرة دي عشان تستلم جواز أمريكي لكي تلتحق بالتنظيم العالمي؟ ياخي هو تنظيم السجم والرماد العالمي ده، ما وجد بين عشرات الآلاف من السودانيين حملة الجوازات الامريكية ناس عشان يجندهم او من غيرهم؟ إنت بتفتكر إنه الناس البتقرأ دي ما فاهمة ولا بتصدق خزعبلاتك دي؟؟!! فعلا البوست حقك أدي إلي إعتقال علاء الدين الدفينة لانه بتسجيل فضح خطة جهاز الامن لإغتيال المعتصمين. إنت الكلام ده زعلك جدا، وبوعي جيت تحاول إثبات (كذب) إدعائه إختراق الامن. ليك حق. كيف جهاز الامن يتم إختراقه اذا انت المدافع عنه؟ بعدين نفترض إنه الدفينة فبرك هذا التسجيل لضرب جهاز أمن الانقاذ؟ إنت يا المتنوضل زعلان مالك؟ لكن زي ما قلت ليك انت بتدافع عن وعي عن جهاز امن الانقاذ عشان كده دافعت عن جهاز الأمن وليس عن الدفينة.. بعدين إنت حاسدنى علي البلد الديمقراطي إلانا عايش فيه ده؟ ما فضل ليك إلا تقول لو كنت عايش في السعودية كان لحقناك الدفينة والقاسم ووليد ومن قبلهم وليد الحسين. طبعا الكلام ده سمعنا كثير جدا من أمنجية الإنقاذ. لكن ياهو لسانهم واحد.. جادات أخجل...أخجل.. عملتها ظاهرة...إختشي شوية... أمشي افتح ليك بوست طالب بإطلاق سراحهم يوم احتمال الكينين يكرفسوك ويلحقوك جيمس كاديت وتحتاج للناس دي تدافع عنك أنا غايتو ما بقصر معاك.... أسمع قول معاي: الحرية للقاسم.. الحرية للوليد.. الحرية للدفينة... [quote/]