|
|
 Re: وكانت المعارضة هى التى اطالت عمر النظام (Re: Osman M Salih)
|
التنظيم العسكرى الذى قاد 30يونيو هو فى الاصل حركة رد فعل لانقلاب 19يوليو وقد ضم ضباط ما يجمعهم هو العداء للشيوعيين وطبيعى ان يكون بينهم الاخوان المسلمين ولاانفى صلتهم بذلك التنظيم ولكنه لم يكن خالصا لهم وكان على قيادته اللواء الهادى مامون المرضى الذى ابعد من الجيش لاتهامه بالتدبير لانقلاب وهو الذى اصبح اول وزير اشغال فى عهد الانقاذ ثم مالبث ان تحول الى مستشار سياسى لرئيس مجلس قيادة الثورة .......مثلا هل الزبير محمد صالح اخ مسلم وهل بكرى حسن صالح اخا مسلم حتى ابراهيم شمس الدين لم يكن اخا مسلما والقائمة تطول لمجلس قيادة الثورة الاسلاميون شاركوا فيه لكنه لم يكن خالصا لهم وفى اللحظات الاخيرة انضم اليه الكثيرون يعنى عبد الرحمن سر الختم علاقتو شنو بالاسلاميين ولاابوالقاسم ابراهيم ولاحتى الحسينى المعارضة بتصرفاتها ادت الاسلاميين الفرصة لاختطاف الانقاذ والاعتقالات فى ليلة التنفيذ كانت فى منتهى التهذيب لاتتسق مع ما حصل من بعد ومؤتمرات الحوار ولكن اضراب الاطباء ادى فرصة للاسلاميين لاستعجال التمكين الذى قدلاينيسر لهم لو استمر الانقلاب بشكل عادى والسيد الصادق المهدى بعث برسالة الى البشير وهو مختفى حملها العميد عبد الرحمن فرح فى الايام الاولى للانقلاب لكن الجماعة الثوريين المتأثرين باكتوبر استعجلوا التصرف وخلو الامور تمشى فى اتجاه اخر وتتابعت الاخطاء تاخذ برقاب بعضها يعنى عملنا شنو شلنا عبود ولا هو اتنازل براهو وكان اصلا الاحزاب سلمتو السلطة وعمل شعر واغانى تقول عملنا الثورة الفرنية ولا البلشفية ولا الايرانية بعد شوية جونا الشيوعيين ومايو واستمر نميرى 16سنه الامريكان استدرجوا وحبسوا قلنا ثورة ابريل بعد شوية جاء عمر البشير شهر ستة الجايى يتم 28 سنه وبدينا عهد الثورات الاسفيرية يعنى اصبحنا شعب مدمن للثورات والبلد ما فيها استقرار وجنينا فى حق اجيال واجيال فى كلام لابيقدم ولابيأخر الناس دايرة تعيش كويس طعام صحة وتعليم وسكن ولهرباء وموية ومواصلات ليه اى واحد ينصب نفسو متحدث باسم الجماهير وهو لونزل فى بيتو ما بيفوز ..اى واحد يقعد امام الكى بورد ويطرش كل العفن الجواهو مجموعة من المعقدين اذوا البلد دى اذى بليغ انتو قايلين الفرق شنو بين الكيزان الحرامية وعملاء السفارات والمنظمات كلهم وسخ فى وسخ والناس العاقلة ساكتة ومتحيرة وما عارفها تعمل شنو ..الساحة ملانة بالغثاء والرجرجة والدهماء وشذاذ الافاق كلام فارغ وفطير لابيقدم لابيأخر الواحد داير داير يتناقش بى هدوء وعقل مع ناس عقلاء وفاهمين فى المنبر ينطوا ليك ناس ما عارفهم جايين من وين يقعدوا يشتموك وينبذوا فيك زى ما دايرين اى واحد وهمى داير يديك نصايح ويسىء ليك....والله نحنا للمصلحة العامة نتحمل هذا الايذاء ومابنترك الساحة للوهميين والمعقدين البلد ربنا يقيل عثرتها الناس التمام وهم كتار ساكتين ومتمحنيين .
|
|
  
|
|
|
|
|
| العنوان |
الكاتب |
Date |
| وكانت المعارضة هى التى اطالت عمر النظام | عمار محمد ادم | 12-27-16, 08:19 AM |
| Re: وكانت المعارضة هى التى اطالت عمر النظام | عمار محمد ادم | 12-27-16, 08:30 AM |
| Re: وكانت المعارضة هى التى اطالت عمر النظام | عمار محمد ادم | 12-27-16, 08:38 AM |
| Re: وكانت المعارضة هى التى اطالت عمر النظام | عمار محمد ادم | 12-27-16, 09:07 AM |
| Re: وكانت المعارضة هى التى اطالت عمر النظام | عمار محمد ادم | 12-27-16, 09:18 AM |
| Re: وكانت المعارضة هى التى اطالت عمر النظام | Amin Eltaib | 12-28-16, 00:27 AM |
| Re: وكانت المعارضة هى التى اطالت عمر النظام | عمر ادريس محمد | 12-28-16, 02:10 AM |
| Re: وكانت المعارضة هى التى اطالت عمر النظام | Osman M Salih | 12-28-16, 02:55 AM |
| Re: وكانت المعارضة هى التى اطالت عمر النظام | Osman M Salih | 12-28-16, 03:28 AM |
| Re: وكانت المعارضة هى التى اطالت عمر النظام | Osman M Salih | 12-28-16, 05:06 AM |
| Re: وكانت المعارضة هى التى اطالت عمر النظام | عمار محمد ادم | 12-28-16, 10:23 AM |
|
| |
عمار محمد ادم
فيس بوك
تويتر
انستقرام
يوتيوب
بنتيريست