عرس مرة الشـــــــهيد

مرحبا Guest
اخر زيارك لك: 06-13-2024, 02:03 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
12-20-2016, 12:27 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3428

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عرس مرة الشـــــــهيد (Re: عمر التاج)

    قبيل صلاة الجمعة بساعة، كنت ألتف بالعمامة كوزير حقيقي حديث عهد بالتوظيف ، وليس مجرد وزير عريس، حملت مسبحتي وأدرت محرك سيارتي ثم انطلقت نحو مسجد اركويت العتيق، نظرت من فناء المسجد الخالي فلم أر غير مؤذن يتجه نحو المحراب لرفع الأذان الأول ، وعندما اقتربت أكثر شاهدت عصام وعمتي بتول ينتصبان قبيل مدخل النساء.
    - السلام عليكم ياعريس ، ألف مبروك ياعمتي وحمد لله على سلامتك .
    تناولتني العمة بضمة ملؤها الشوق ، وقبلتني مرارا كمن وجد ابنا ضائعا ..
    - الله يبارك فيك يا أحمد وكيفنك أنت يا جنا حشاي ، مالك أتاخرت على أخوك؟
    - لا بدا يا عمة مافي تأخير ، ياهو الزمن المتفقين عليه، وين باقي الجماعة؟
    لم أنتظر منها ردا فالتفت لعصام مخاطبا:
    - عزمت منو من ناس البلد للعقد، وفضل ليك منو من جماعتنا هنا؟
    - من البلد جات أمي دي مع "عثمان" أخوي وبس ، ومن هنا ما عزمت زول غيرك.
    - ده كلام شنو ده يا زول ، ده عرس ولا "سماية بت" البعزمو ليه نفرين بس ده؟
    - والله ده شرط العروس، قالت ما عايزة لمة بتاتا ، طلبت مني اجيب امي والمأذون وشاهدين وبس ،وذكرتك انت بالاسم كشاهد تاني.
    - ذكرتني بالاسم؟ ...الله يستر (الأخيرة قلتها في سري) ، و قالت عني شنو تاني؟
    - لا أبدا، بس قالت لي "جيب أحمد ود عمتك ، وعثمان أخوك" ، وأسع عثمان أخوي مشى يجيب المأذون.
    - وطيب ، أهل العروس مالهم اتأخروا ؟
    - ماعارف والله ، بس العروس قالت بتجي مع أخوها ، وبجي معاها مدير المنظمة ، وقالت نعقد هنا ونحدد باقي الاجراءات لاحقا.
    في الوقت الذي كان فيه عصام يحكي ، كانت رموش عيني اليسرى ترف بشدة ، وفي ذهني يُعرض شريط ذكريات سابقة مع خطيبتي "احلام" ، تذكرت لحظة أن غادرت ميادة بيتها وسط عاصفة من السخط ، كانت تحمل حقيبتها الصغيرة الحمراء باكية وتتجه نحو البص السفري ، وفي تلك اللحظة اقتربت مني خطيبتي "احلام" وطلبت مني أن أرافق أختها إلى العاصمة بحكم ارتيادي للجامعة هناك ، نظرات أهلها وناس الحلة الغاضبة كانت أقوى من توسلات خطيبتي ، وكانت مبعث حيرتي وترددي، وقبل أن أجد ردا خيرتني بحسم بين الاستجابة لطلبها أو فسخ خطوبتها فورا ، فاخترت فسخ الخطوبة وللابد.
    - (مؤكد أن عصام لا يعلم هذه الأسرار، ولا يعلم الاسباب الاخرى لافتراقنا أنا وحبيبتي السابقة احلام ) ، قلتها في نفسي قبل أن يأتيني صوت عصام مشفقا:
    - سرحت وين يا زول.
    - لا لا ما سرحت ، بس كنت داير اقولك لو اتصلنا بجماعتنا هنا عشان يازرونا ويرفعوا راسنا مع نسابنا الجدد و ...
    - كدي خلينا من نسابتنا أسه ، أنا عايزك تسوق أمي دي وتوديها عند ناس خطيبتك سلمى ، خليها تخش الحمام وتغير وتتجهز ، وانتو راجعين جيب معاك خطيبتك "سلمى" عشان تتعرف على مرتي.
    - خطيبتي علاقتها شنو بالموضوع كمان؟
    - أها خطيبتك دي كمان، ذكرتها "ميادة " بالاسم ، وقالت ما عايزة نسوان يحضرن العقد غير أمي وخطيبتك "سلمى".

    (عدل بواسطة عمر التاج on 12-21-2016, 04:23 PM)
                  

العنوان الكاتب Date
عرس مرة الشـــــــهيد عمر التاج12-19-16, 08:31 PM
  Re: عرس مرة الشـــــــهيد اميرة السيد12-20-16, 01:54 AM
    Re: عرس مرة الشـــــــهيد عمر التاج12-20-16, 10:45 AM
      Re: عرس مرة الشـــــــهيد عمر التاج12-20-16, 12:27 PM
        Re: عرس مرة الشـــــــهيد اميرة السيد12-21-16, 00:38 AM
          Re: عرس مرة الشـــــــهيد ياسر السر12-21-16, 06:56 AM
            Re: عرس مرة الشـــــــهيد عمر التاج12-21-16, 10:33 AM
          Re: عرس مرة الشـــــــهيد عمر التاج12-21-16, 11:44 AM
            Re: عرس مرة الشـــــــهيد عمر التاج12-21-16, 01:12 PM
              Re: عرس مرة الشـــــــهيد عمر التاج12-21-16, 09:01 PM
                Re: عرس مرة الشـــــــهيد عمر التاج03-15-17, 05:50 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de