جدا يا حامد الصاوي.. من حقك تتونس كما تشاء.. هو الكضب كمان بيتشروهو بي قروش..!! بعيدا عن العهر والإبتزاز الذي تحاول ان تمرره لنا جندرمة الحزب الشيوعي(وانت من بينهم ياحامد).. ومن حقنا أن نسأل: لماذا التكالب والتدافع حول فضيلي جماع الآن و من قبل ناس الحزب الشيوعي السوداني؟ يعني فاكرين روحكم انتو انجض واحرف من غيركم؟.. يا حامد الصاوي ، وفي هذا المنبر ، ذات يوم خرجت علينا نخبة صوالين امسودان البتحاول ان تبتز فضيلي جماع بانو كان جند في عصبة مايو.. وانت شخصيا يا حامد الصاوي سكت وعملت نايم ، ومعاك الشيوعيين وناس اليسار الجديد بتاع يا سر عرمان ، أو أي كان اسمو.. فاشمعنا حكاية الونسة اليوم مع فضيلي؟..عشان كتب ليكم شوية مقالات لدعم العصيان المدني؟.. انت كذاب يا حامد ، لأنك لا تعرف فضيلي جماع ، ولن تعرفه الى يوم الدين..ولا يغرنك المجاملة البيسويها معاك فضيلي هنا.. ولو فضيلي عامل فيها جيفارا زمانو..فهو مخير ، ولكنه لن يستطيع ان يمحو محبة الناس العرفت فضيلي قبال الوهم المجوبك الإسمو العصيان المدني بتاع سنة 2016 القام خلا باشبوزك الحزب الشيوعي تتذكر فضيلة القوادة النستها من زمان ودايرة تجددها اليوم وهي تراهن على نسيان الشعب السوداني..!! مش الموضوع ونسة..يا الكضاب حامد الصاوي؟.. ومالو تعال نتونس معاك عن الحاجات القام نساها استاذك فضيلي جماع القاعد تبيع ليهو الوهم ، انت والحزب الشيوعي والعرمانيين الجدد ذاتو..!! منبر عام في سودانيز اونلاين شنو يا حامد الصاوي البتقوم تارخ بيهو حالة ادبية وشعرية وثقافية اسمها فضيلي جماع؟,. ياخي طز في الونسة بتاعتك ، وطز في فضيلي جماع البرقص في نقارتك ويجاملك..!! فضيلي جماع ،يا احمد الأمين احمد (وانت رجل يا صديقي اثق كثيرا في شهادتك حينما يدور الحديث عن فضيلي وعالم عباس ، وجخانين معاوية يسن الما بتعرفها حناكيش العاصمة ، تقرا حناكيش الحزب الشيوعي الدايرين يسرقوا منا امسودان..!!)..فضيلي من كتب اول رواية في غرب امسودان ، بعد اسحق ابراهيم ، وسماها دموع القرية ، وفضيلي الذي كتب اذكي مسرحية في عهد الديكتاتور جعفر نميري وسماها (المهدي في ضواحي الخرتوم) وهي يا حامد الصاوي فكرة العصيان المدني الحايم في اليومين ديل ، مما يبره فضيلي ببعض المقالات من باب التشجيع ، فيستغلها باشبوزك الشيوعيين والعرمانيين بانها النهج الأوحد لخلاص امسودان..!!! والأنكي ، يا احمد الأمين ، يتوه المسرحي الجميل استاذنا السر السيد في جخانين المشقات و التصحيح في موسوعة عبد الله الميري ، عشان يقول ليهو المسرحية اسمها (المهدي في ضواحي الخرطوم) وليس (المهدي في ضواحي العاصمة)..!! عرفت كيف يا حامد الصاوي ليه الناس بتغالطك في فرق التاريخ بين يونيو 2010 وسنة 2011 النجرتها من راسك ، ثم تعود تتعضر للناس ، وانت تغرق في وحل المبرراتية البتقول (شنو يعني الدقسة في التاريخ)؟؟..وين يا وهم يا باشبوزك يا جندرمة.. اذا كان المسرحي العظيم السر السيد بيتحسس في الخطأ في توثيق اسم مسرحية فضيلي جماع ، البتقوم الجندرمة تسميها (المهدي في ضواحي العاصمة ) بدل اسمها الحقيقي (المهدي في ضواحي الخرطوم)..فهنا يحق لي عمكم كبر ان يمد كرعيه ويفتي ويقول للخلق: شنو اللآزمة لوجود شيوعيين كضابين بكل بؤس بيحاولوا يستغلوا الفرقات (تقرأ الإصطياد في الماء العكر يا حامد الصاوي)..!! انت كضاب يا حامد.. في هذا المنبر ، الناس اتهمت استاذك فضيلي جماع بالتواطؤ مع ديكتاتورية جعفر نميري (بتاع مايو الخلاص ، يا جدارا من رصاص ، الكان بيغنيها ووردي من كلمات محجوب شريف) ومافي شيوعي ود مقنعة قال بغم دفاعا عن فضيلي جماع ، يعني جاين الليلة يا شيوعيين ياوهم تركبوا في اكتاف فضيلي جماع وتتدهنسوا عليهو من شاكلة يا استاذنا دايرين نتوس معاك؟..وين يا حامد الصاوي ، تلقوها عند الغافل يا شيوعيين يا وهم..!! فضيلي جماع ثروة قومية ، وحتى لو هو عامل نايم من القيمة دي ، فعليه ان يقنع شعوب امسودان الأخرى يا حامد الصاوي..!!أ شعوب امسودان التي تقرا فضيلي في (دموع القرية) ، (الغناء في زمن الخوف) والأخير عنوان ديوان شعر ، كتبه فضيلي جماع ، ثم نقرا من بعد، صداه في الشاعر الياس فتح الرحمن الذي كتب ديوان (صوت الطائف في اخر الليل) فاحتفل شيوعي امسودان لحظة بديوان الياس وتناسوا الأصل ، ديوان فضيلي جماع ، ليعودوا اليوم عاملين فيها صحاب فضيلي جماع ، عشان كتب ليهو شوية مقالات في شان العصيان المدني ( وليت فضيلي يعلم ، لو كان الأمر هو مجرد ذهاب البشير عن السلطة ، فهناك العشرات التي يمكن ان يسلمها البشير السلطة ويذهب لحاله ، وصدقني يا فضيلي ليس من بينهم باشبوزك ياسر عرمان أو جندرمة الحزب الشيوعي السوداني..!!)..!! مش الموضوع ، ونسة ساكت..! فضيلي جماع ، يقع في حادث حركة ، فيفقد الذاكرة لأيام ، الكلام ده كان في مدينة ألأبيض في ثمانينات القرن الماضي ، ثم يصحو ويفيق ولم يجد امامه غير خلاصة الأصفياء التي ترتل عليه كلمات قصيدة (شارع في حي القبة)..!! وترتل عليه اشياء اخرى..اشياء اخرى لا يذكرها فضيلي جماع بتاع اليوم..ولا يذكرها باشبوزك الحزب الشيوعي التي تحاول ان تصطاد في الماء العكر..وتحاول ان تخلق صنم اسمو فضيلي جماع ، وعلى طريقتها الخاصة ، كما هو دأبها في تصنيم الناس لكي تفرضها على الناس..!! مش هي مجرد ونسة ساكت يا حامد الصاوي..؟.. فضيلي الذي نعرف ، وهو لا يعرف بعد نفسه ، فهو فضيلي الذي يبقى بيننا ويمشي بين ذاكرتنا..!!
(ردي القليب جيبي ، وما تسوي ليك وسادة) ، وبالعدم ( كلم قمارينا)، وبتغنيها بتنا الجميلة اميرة عمر في معية فرقة اوربية ، لم تسمع عنها بعد (طقطاقات زمن عاصمة عمر البشير، التي يطرب لها تحت تحت كذبة الحزب الشيوعي السوداني ، بما فيهم الكضاب حامد الصاوي..!!)..!!
مهما اختلفنا ، واشتطينا في الخصومة ، ولكن دوما يظل فينا فضيلي التاني ، فضيلي الأخر الذي عرفته شعوب امسودان ، وتحتفظ به كذاكرة جميلة ، وهي ذاكرة اكتر من يستخف بها باشبوزك الحزب الشيوعي السوداني.. مش هي ونسة ، ومجرد ونسة ياحامد؟ جيب فيديوهات فضيلي ، ونحن بنجيب فيديوهات فضيلي..!!
ده فضيلي ، يا حامد الصاوي ، اوعك تطلعني عنصريين وجهوين وشنو ك\ه ما عارف..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست