# التويتر - مطلوب إرشادات وتثقيف

Quote: الشعب السوداني اغلبو فاهم الهاشتاق (غلللللط) الفائده الوحيده في هاشتاق الفيس بوك انو وحد افكار الناس .. لكن الترتيب حق الهاشتاقات البتجيبو فيه دا الاول عربيا والكم عالميا دي كلها ترتيبو في تويتر م في الفيس بوك .. من بدينا هاشتاق الفيس بوك م وصل للمليون عالميا حتى .. عارفين ليه ؟ لانه الناس فاهماه غلط .. اول شي (ماف هاشتاق في كومنت بتحسب) .. بتتعب في روحك ساي 26 الف كومنت هاشتاق موحد دا خسارة وقت ساي م محسوب ولا واحد منو غير الفي البوست فوق .. كتبتو في بوست مفروض تعمل الخصوصيه للعامه م يشوفوه اصدقائك بس .. قبل تنزل البوست تضغط في المربع الفوق وتعملو للعامه اغلبنا بنسخ فيه في التعاليق ولا بكتبو بوست وبعملو للاصدقاء .. انت كاتبو لاصدقائك عايزو يصل للعالم كيف ؟ هاشتاقاتنا الفي الفيس بوك دي كلها رابطين بيها المواضيع وموحده افكار الناس لكن م تتعب وتنسخو في الف كومنت ولا تكتبو في كومنت زاتو لانو م محسوب .. جميع القنوات الاخباريه والاعلاميه الاتحدثت عننا اتكلمت عن الهاشتاق في تويتر لانو وصل الاول عربيا 3 مرات ومراكز متقدمه عالميا .. بتاع الفيس بوك ولا الطيش عالميا ما جا .. بتحير لمن اشوف بوستات فيها 26 الف كومنت كلهم نفس الهاشتاق وكلها زي الزول البنفخ في قربه مقدوده بدون اي فايده .. ال 26 الف ديل لو كانو تغريدات في تويتر كفيله بانو الهاشتاق يبقى الاول عربيا .. لانو اغلب الهاشتاقات المتصدره تويتر م بتفوت من ال 100 الف دا في حالات نادره انو يكون في موضوع قوي مثلا في المواضيع العاديه اغلب الهاشتاقات المتصدره تويتر بتكون 30 الف تقريبا .. يعني عدد ساهل جدا بالنسبه لعدد الاعضاء الفي الفيس بوك ديل البنسخو في التعاليق والبنزلو بوستات .. فعلو حسابات في تويتر وامشو هناك صدقوني لو اي زول عمل 3 تغريدات في تويتر في هاشتاقنا دا يوميا بالعدديه الشايفها في الفيس بوك دي بتبقيه الاول عالميا م عربيا بس نحنا كتار وحابين صوتنا يوصل بس مشكلتنا فاهمين غلط حاجات كتيرة .. الناس م تضيع مجهودها وتنفخ في قربه مقدوده ساي .. يا تمشي تويتر يا تنزل بوست بالهاشتاق بالشروط الذكرتها ليكم فوق واللي هي فتح خصوصيه البوست عشن يشوفو اي زول م بس اصدقائك .. غير كدا مضيعه زمن ومجهود في الفارغ .. السودانيين في تويتر م مقصرين شغالين صح لانهم عارفين مسبقا كيف بفعلو الهاشتاق بطريقه صحيحه وكيف بدعمو وقدرو يلفتو انتباه العالم كلو .. ف رجاءا وقفو حنك نسخ الهاشتاق في التعاليق لانو م منو اي فااااااائده وما محسوووب .. شاركو البوست لتعم الفائدة منقول من الإعلامي محمد مكاوي