|
|
 Re: جمهوريات السودان المائة وعشرة..!! (Re: Kabar)
|
محمد سليمان..حبابك يا صديقي
كتر خيرك على المرور هنا..
يا زول هوي بطل الدغمسة..
ابدا يا صاحب ، كبر ماسك العصاية من طرفها وبيلبع في الناس اللسع مصره تدفن روؤسها في الرمال وتتماهي للوهم والأحلام الفارغة..
هل تنكر ان البلد مليانة سلاح ؟..
مناطق الثروات يا محمد ، اشتعلت فيها الحروب ، ليس بامر البشير وحده ، وانما بامر القوى الدولية التي خلقت لها الفموية مخلب حايم في افريقيا كلها خليك من السودان..!
وليه ما يكون السودان زي الدول المذكورة؟..الحركات المسلحة لا احد يفرض عليها ان تضع سلاحها ، وليس لها الضمير الوطني الذي يجعلها تترك سلاحها ارضا ، وناس حميدتي بنفس القدر..!
امبارح ، العصيان المدني في الخرتوم ما تم تسع ساعات ، خرج علينا صديقنا الهادي بيحرش ياسر عرمان انو البلد محتاج (القائد الملهم ، واشار نحو ياسر عرمان) ، اخونا منان قال تفعيل منبر الهامش لأنو هو المفروض يمسك البلد ، ناس حزب الأمة تووشك خشوا شمال انو النساء ح تعتصم لغاية سقوط النظام ( فقام الصادق المهدي جهز بدلة رئيس الوزراء)..منفستو المعتصمات تسعين في المية منو موجود في الوثيقة الوطنية بتاعة الحوار الوطني..!!
وانت هنا تنادي بحكم ذاتي لدارفور وجنوب كردفان والنيل الأزرق ..ومالو المافي شنو يا محمد سليمان؟..
نادوكم للحوار الوطني ، قمتوا زغتوا ، والناس مشت واتحاورت وثبتت حق الحكم الفيدرالي وحق الأقاليم في التحكم في ثراوتها عبر استقلال نسبي عن حكومة المركز (الحكومة الفيدرالية)..يعني ما جبت حاجة من عندك..!!
الأقاليم في السودان كانت محكومة بولاة يتم اختيارهم بانتخابات حرة مباشرة ، وقامت القبائل اصطفت ، كل قبيلة دايرة ابنائها يحكموا..!
واهو مافي مشكلة يا صديقي ، انتو ناس دارفور لو اتوحدتوا السودان ده ح يتوحد في عشرة دقايق (مع انو غالبية اقاليم السودان ما عندها مشكلة فيمن يحكم)..ناس دارفور يا محمد سليمان هم من فرضوا الردة والقبائلية..وعادي ممكن تاخدوا حكم ذاتي زي الترتيب..وح تسوطوا الإقليم زي سواطتكم بتاعة الطلطاشر سنة الفاتت..!
قبل شوية كنت بتابع ردود افعال اهل كوبا في وفاة فيدل كاسترو..اكثر موقف ادهشني واستغرقني بالتأمل ، ان هناك مجموعة من النساء ، كانت تسير مظاهرات بصورة دورية ومستمرة في كوبا احتجاجا عن قتل ابائهن وازواجهن او وضعهم في السجون ، هذه المجموعة اعلنت بانها لن تظاهر ايام الحداد على كوبا..!
طبعا لو كانوا مثل منطقك ، مفروض يزغردوا ويمرقوا مسيرات الفرح الهادرة ، ولكن لم يفعلوا؟.. تفتكر ليه يا محمد؟..
هذا هو الفرق بين الوطنية والإنتقام ..!
مافي مشكلة تب يا صديقي ، اهو السكة قدامك: انصب مشانقك في الشوارع والأشجار والجبال والعمارات ، والصحراء..اضبحهم من الأضان للأضان..فهل هذا سيحل مشاكل السودان؟..
العدالة ليست قطع رقاب وسجن المجرمين ، والسوداني يا صديقي هو الكائن الوحيد الما بتركب في راسو حكاية العدالة التي تفكر فيها ، لأنو الموضوع عندو بيكون حكاية مراجلة ساكت ، وهنا تحدث الحماقات..!!
خلينا في الأهم : البلد مليانة سلاح يا محمد ، ولو هذا الكلام غير واقعي ، فارجو ان اسمع افادتك..!
وده الفرق البينا وبينك: نحن بنفكر فيما بعد البشير ، وانت لسع واقف في حتة البشير؟..
خليك مستقبلي شوية يا صديقي..
بس اوعى بعدين ، بعد ذهاب البشير ، تجي جاري تتراجاني انو اشوف ليكم استراتيجية لجمع السلاح الحايم في البلد..!!
واسعة شديد مش؟..
بسيطة ، السلاح قام بتوزيعه فرد ، البيمنع شنو يجي فرد احرف منو ويجمع السلاح؟..
الغابئن يا صاحب ما بتبني بلد..
كبر
|
|
  
|
|
|
|
|
| العنوان |
الكاتب |
Date |
| جمهوريات السودان المائة وعشرة..!! | Kabar | 11-28-16, 07:50 AM |
| Re: جمهوريات السودان المائة وعشرة..!! | Kabar | 11-28-16, 07:54 AM |
| Re: جمهوريات السودان المائة وعشرة..!! | Kabar | 11-28-16, 07:57 AM |
| Re: جمهوريات السودان المائة وعشرة..!! | Kabar | 11-28-16, 07:58 AM |
| Re: جمهوريات السودان المائة وعشرة..!! | Kabar | 11-28-16, 08:02 AM |
| Re: جمهوريات السودان المائة وعشرة..!! | Kabar | 11-28-16, 08:07 AM |
| Re: جمهوريات السودان المائة وعشرة..!! | Kabar | 11-28-16, 08:12 AM |
| Re: جمهوريات السودان المائة وعشرة..!! | عمار قسم الله | 11-28-16, 09:21 AM |
| Re: جمهوريات السودان المائة وعشرة..!! | doma | 11-28-16, 12:12 PM |
| Re: جمهوريات السودان المائة وعشرة..!! | doma | 11-28-16, 12:17 PM |
 Re: جمهوريات السودان المائة وعشرة..!! | munswor almophtah | 11-29-16, 00:57 AM |
| Re: جمهوريات السودان المائة وعشرة..!! | د.محمد بابكر | 11-29-16, 01:27 AM |
| Re: جمهوريات السودان المائة وعشرة..!! | Mohamed Suleiman | 11-29-16, 02:13 AM |
 Re: جمهوريات السودان المائة وعشرة..!! | munswor almophtah | 11-29-16, 07:53 AM |
| Re: جمهوريات السودان المائة وعشرة..!! | munswor almophtah | 11-29-16, 07:53 AM |
| Re: جمهوريات السودان المائة وعشرة..!! | بله محمد الفاضل | 11-29-16, 08:11 AM |
| Re: جمهوريات السودان المائة وعشرة..!! | Kabar | 11-29-16, 09:08 AM |
| Re: جمهوريات السودان المائة وعشرة..!! | Kabar | 11-29-16, 09:11 AM |
| Re: جمهوريات السودان المائة وعشرة..!! | Kabar | 11-29-16, 09:12 AM |
| Re: جمهوريات السودان المائة وعشرة..!! | Yasir Elsharif | 11-29-16, 09:16 AM |
| Re: جمهوريات السودان المائة وعشرة..!! | Kabar | 11-29-16, 09:21 AM |
| Re: جمهوريات السودان المائة وعشرة..!! | Kabar | 11-29-16, 09:35 AM |
| Re: جمهوريات السودان المائة وعشرة..!! | Kabar | 11-30-16, 06:17 AM |
| Re: جمهوريات السودان المائة وعشرة..!! | Kabar | 11-30-16, 06:19 AM |
| Re: جمهوريات السودان المائة وعشرة..!! | Yasir Elsharif | 11-30-16, 08:12 AM |
| Re: جمهوريات السودان المائة وعشرة..!! | Kabar | 11-30-16, 09:17 AM |
| Re: جمهوريات السودان المائة وعشرة..!! | Kabar | 11-30-16, 09:20 AM |
| Re: جمهوريات السودان المائة وعشرة..!! | عماد الشبلي | 11-30-16, 09:40 AM |
| Re: جمهوريات السودان المائة وعشرة..!! | Kabar | 11-30-16, 11:36 AM |
|
| |
Kabar
فيس بوك
تويتر
انستقرام
يوتيوب
بنتيريست