|
|
 Re: الصيادلة .. يكونون لجنتهم .. (Re: Elbagir Osman)
|
الصيادلة كالعهد بهم خرجوا اليوم دفاعا عن حق المرضى في الدواء
وعن زملاءهم المعتقلين .
الصيدلي المعتقل دكتور بهاء الحاج قبل ايام قال لوزيرة الدولة بالصحة سمية اكد بكل شجاعة وامام الناس ما تغشي الناس طالما في تحرير لسعر دولار الادوية مافي حل .
وفعلا الوزير غبيانة وكلام بهاء صحيح ، لانو قبل قليل فشل اجتماع امين عام مجلس السموم الجديد مع شركات الادوية لانو قال ليهم تبيعوا الدواء بالسعر القديم قالوا ليهوا مافي مشكلة بس السعر القديم كان الدولار بي 6 جنيه وحاليا انت عملت الدولار بي 16 جنيه ونحن بنشتريهو بالسوق الاسود بي 20 جنيه. قدامك خيارين يا ترجع الدولار بي 6 جنيه يا نوقف استيراد الادوية
وانتهى الاجتماع برفض حكومة المؤتمر الوطني ارجاع سعر الدولار الى 6 جنيه وتمسكهم بتحرير الصرف لارضاء اسيادهم في البنك الدولي
وتمسك مستوردي الادوية بوقف استيراد الدواء .
وسيدفع كل مريض الثمن وكل بيت سوداني الثمن
والمتوقع خلال الايام القادمة انعدام عدد كبير من الادوية من الصيدليات وامتناع المرضى الفقراء من شراء الدواء مجبرين لعدم قدرتهم على مجارات الاسعار الخرافية ونسأل الله اللطف بهم وندعو كل سودانية وسودانية على اسراع الخطى نحو الخلاص من نظام تجار الدين والخبز والدواء الآيل للسقوط.
من ص Said Eltayb
|
|
  
|
|
|
|
|
| |
Elbagir Osman
فيس بوك
تويتر
انستقرام
يوتيوب
بنتيريست