|
|
 Re: احمد ساطور ينادي عبد العزيز عصفور ... يا تر� (Re: Ahmed Yassin)
|
باشمهندس قباني
والدفعة محمد الشيخ ، واستاذي يوسف الموصلي، والأستاذ أحمد ياسين
سعدت كثيرا وانتو بتنفضوا الغبار عن هذا اللحن اللي أخد شنة ورنة في
الزمن الجميل، أما المرحوم عصفور فقد كان دائما فاكهة المجموعة ، خصوصا في رحلة فنية
تعدت السنتين تقريبا ، يعني طلعنا من السودان سنة 83 (طلعنا كيف دي ، دي قصة دايرة صفحة تانية) ورجعنا بعد الانتفاضة 85
في الجولة الطويلة دي زرنا اليمن وكتير من دول الخليج ، ومن ننزل أي مطار ، عبد العزيز كان بيكون عنده شلة جاهزة منتظرنه وياخدوهو من المطار، علاقاته الاجتماعية كانت مهولة
وفي الخرطوم اقدر أقول ليكم في الوكت داك كان تقريبا بيعرف نص الخرطوم وعلاقاته مع ناس في منتهى الرقي. المرحوم دخلني في عالم كبير وإتعلمت منهم كتير ، في لحظات كتيرة كنت بحس إنو عارف أنا عايز أقول شنو وما يدور بخلدي.
إلى جانب العزف ، كان عنده فن إلقاء النكتة ، يعني آخر نكته كنت بتسمعها منو، وأول ما يجي داخل بيت أو محل عام ، الجماعة يشبكوهو ليك يلا يا عصفور آخر نكتة.
الموضوع طويل ومشروع كتاب
التحية لكم جميعا ، وبالله يا قباني تحياتي لكل الأصدقاء في كندا خاصة للصديق العزيز حمد إسماعيل عازف البيز جيتار المعروف حمد ، ده تحفة ولو قربت منو ما بتقدر تبعد منو . ده كمان في رحلة لليبيا كان فاكهة المجموعة كلها ، بما فيهم مش بس الفرقة الموسيقية السودانية بس، بل الجزائريين على التونسيين على الليبين نفسهم . خليهو يحكي ليك المواقف الطريفة واللذيذة جدا اللي مرينا بيها في ليبيا القذافي واللجان الشعبية ، والتحية أيضا للأستاذ عازف البيز المعروف الأستاذ الفاتح ياسين رفيق الدرب في الرحلة الطويلة والاخوة عمر منصور ( شقيق العزيز تمبس) وعمر فتح الله . , وتحية مدبلة للعزيز الجميل الدكتور : زيدان بشير
وكما نقول بالنوبية مخلوطة العربية : أأأأفيلقو
|
|
  
|
|
|
|
|
| العنوان |
الكاتب |
Date |
| احمد ساطور ينادي عبد العزيز عصفور ... يا ترهاقا .. ما هذا الجمال !! | يحي قباني | 11-24-16, 03:19 AM |
| Re: احمد ساطور ينادي عبد العزيز عصفور ... يا تر� | يحي قباني | 11-24-16, 03:23 AM |
| Re: احمد ساطور ينادي عبد العزيز عصفور ... يا تر� | MOHAMMED ELSHEIKH | 11-24-16, 05:05 AM |
| Re: احمد ساطور ينادي عبد العزيز عصفور ... يا تر� | Elmosley | 11-24-16, 09:21 AM |
 Re: احمد ساطور ينادي عبد العزيز عصفور ... يا تر� | MOHAMMED ELSHEIKH | 11-25-16, 12:59 PM |
| Re: احمد ساطور ينادي عبد العزيز عصفور ... يا تر� | Ahmed Yassin | 11-25-16, 03:04 PM |
| Re: احمد ساطور ينادي عبد العزيز عصفور ... يا تر� | ترهاقا | 11-27-16, 06:02 AM |
| Re: احمد ساطور ينادي عبد العزيز عصفور ... يا تر� | يحي قباني | 12-01-16, 05:06 AM |
| Re: احمد ساطور ينادي عبد العزيز عصفور ... يا تر� | حيدر حسن ميرغني | 12-01-16, 06:29 AM |
| Re: احمد ساطور ينادي عبد العزيز عصفور ... يا تر� | Hamid Elsawi | 12-02-16, 05:47 AM |
|
| |
ترهاقا
فيس بوك
تويتر
انستقرام
يوتيوب
بنتيريست