|
|
 Re: دونالد ترمب يختار أول مستشاريه andquot;رينهو� (Re: Kostawi)
|
دي معقوله ي ناس امدرمان.
.مفاجأه من العيار الثقيل جدا جدا !!!!
منقول
#################
قام الرئيس الأمريكي المنتخب "دونالد ترامب" صباح الأمس بتعيين أول مسؤول وأهم مساعديه في إدارته الجديده بالبيت الأبيض السيد/رونالد بريبوس ذو الأصول السودانيه!!!!
وقد خصه بإشاده خاصه في خطابه فور إعلان فوزه بأن طلب منه الصعود للمنصه بجانبه!!!
سيرأس السيد/بريبوس طاقم مساعدي ومستشاري "ترامب"بالبيت الأبيض!!!
السيد/بريبوس مواليد 1972 بنيوجيرسي وأمه السيده/رولا المولوده بالسودان وتحديدا بحي المسالمه بأمدرمان!!!! من أصول إغريقيه!!!!
بعد التحري والتقصي إتضخ أن السيده/رولا هي بنت إخت السيده/عزيزه آدم منديل الشهيره بظبية المسالمه!!!!
وقد كتب فيها شاعرنا الكبير سيد عبد العزيز "بنت النيل" التي تغنى بها عميد الفن السوداني أحمد المصطفى!!!!
كما كتب فيها شاعرنا الفحل عبد الرحمن الريح "لي في المسالمه غزال" والتي تغنى بها أولاد المورده و مبارك حسن بركات!!!!
ومن أجمل ما كتب فيها كان من كلمات فريد عصره ود الرضي "ظبية المسالمه" والتي تغنى بها عدد كبير من السودانيين وأنا منهم!!!!
ظبية المسالمه!!!!
#########
المسالمه!!!! ذلك الحي الأمدرماني العريق فمن هي ظبيته؟؟؟؟
هي عزيزة آدم منديل، اليهودية الأصل المسلمة الديانة، والبالغة أكثر من ثمانين عاما ًهذا العام!!!!!
تقول في أحد حواراتها الصحفية إن عائلتها اليهودية دخلت الإسلام وبنت الخلاوي!!! ووزعت الهدايا وجدها داؤود منديل،كان تاجراً يأتي إلى السودان من الجزائر والمغرب حاملاً معه الحرير والألماس!!!!
و عزيزة آدم منديل كانت ملكة جمال أمدرمان في ذلك العهد وقد كُتبت فيها أغنية"ظبية المسالمه" والتي يقول فيها الشاعر ود الرضي في مطلعها :-
ظبية المسالمة!!!!
يا البي عالمه!!!!
الفي الخمائل حالمة!!!
أبكيك ياظالمة!!!!
من الأغاني التي كُتبت في ظبية المسالمة
تغنى الأستاذ أحمد المصطفى لسيد عبد العزيز الشاعر المرهف الذي كان يسكن بالقرب من منزلها وقد رآها خلسة ذات مره فكتب:-
1/بنت النيل!!!!
$$$$$$$$$$
يا بنت النيل .. النيل
أحب النيل يا جميل
ظبية المسالمة
وفي الخمايل حالمة
وفيك يا ظالمة
يا ظالمة يا ظالمة
تجرحني ليه
وأنا كلّي جراح
لابد يوم ألقاك وأرتاح
آه .. أنا من عيونو الساحرة
آه .. أنا من ضفايرو السادلة
يتعبني تعب شديد
لو حلحلا
ليك من سحر الجنوب قسماتو
ومن طيب زهر الشمال نسماتو
أحبّو وأحب نوناتو
نوناتو الفي وجناتو
أحبّو واحب تقديرو
أحب رمّان صديرو
وسيف لحظو حين ما يديرو
أموت ما بعشق غيرو
المسخت الأعذار
في خدرها قلبي دارا
أريدا وأريد هظارا
يا ناس حلاة بني بارا
قال ليّ صديق خلّيني
صبح الغرام باليني
قت ليهو دا مواليني
وهو المن زمان قاليني
فقدنا الصواب يا شبابنا
يا ابو عبدة وين أحبابنا
لو متنا هم أسبابنا
العودة يا أربابنا
2/ لي في المسالمه غزال!!!!
$$$$$$$$$$$$$$$$
كلمات/عبدالرحمن الريح
لي في المسالمة غزال .. نافر بغني عليه
جاهل وقلبو قاسي وقلبي طائع ليهو
مصباح الظلام الـ ربنا معليهو
زايد في الجمال نور الجمال جاليهو
لو شافو الغزال على نفرتو بواليهو
وإن شافو القمر أنوارو تخجل ليهو
إن جاه النسيم زي الفرع يتنيهو
والثمر الرطيب كذب البقول يجنيهو
باللمي والخدود ياذا العشوق بفنيهو
الصحا والنعاس والسحر في عينيهو
كل من شافوا قال أنا بالنفس أفديهو
هو غصن الرياض الزاهي في واديهو
أزهار الربيع مازج زهور خديهو
وجدلات الحرير ما لينة زي إيديهو
والدو معجنو على فطرتو مربيهو
هو الفرد الوحيد في الدنيا ما في شبيهو
يتجاهل علي وأنا حالي ما غابيهو
سالبني في نار هواه شال قلبي يلعب بيهو
السؤال بقى!!!!
$$$$$$$$$$
هل سيبرنا السيد/بريبوس إكراما لأمه وحبوبته ظبية المسالمه؟؟؟؟ كدي وروني!!!!
منقول
|
|
  
|
|
|
|
|
| العنوان |
الكاتب |
Date |
| ترمب يختار أول مستشاريه "رينهولد بريسبوس" ككبير موظفي البيت الأبيض و هو من أصول سودانية | Kostawi | 11-15-16, 05:40 PM |
| Re: دونالد ترمب يختار أول مستشاريه andquot;رينهول� | Kostawi | 11-15-16, 05:41 PM |
| Re: دونالد ترمب يختار أول مستشاريه andquot;رينهو� | Kostawi | 11-15-16, 05:45 PM |
| Re: دونالد ترمب يختار أول مستشاريه andquot;رينهو� | Kostawi | 11-15-16, 05:46 PM |
| Re: دونالد ترمب يختار أول مستشاريه andquot;رينهو� | Kostawi | 11-15-16, 05:50 PM |
| Re: دونالد ترمب يختار أول مستشاريه andquot;رينهو� | Kostawi | 11-15-16, 06:08 PM |
| Re: دونالد ترمب يختار أول مستشاريه andquot;رينهو� | Kostawi | 11-15-16, 06:13 PM |
| Re: دونالد ترمب يختار أول مستشاريه andquot;رينهو� | Deng | 11-15-16, 06:16 PM |
| Re: دونالد ترمب يختار أول مستشاريه andquot;رينهو� | Kostawi | 11-15-16, 06:37 PM |
| Re: دونالد ترمب يختار أول مستشاريه andquot;رينهو� | Elmoiz Abunura | 11-16-16, 06:11 AM |
| Re: دونالد ترمب يختار أول مستشاريه andquot;رينهو� | مازن فيصل هلال | 11-16-16, 09:26 AM |
| Re: دونالد ترمب يختار أول مستشاريه andquot;رينهو� | حيدر حسن ميرغني | 11-16-16, 09:38 AM |
| Re: دونالد ترمب يختار أول مستشاريه andquot;رينهو� | عصام دهب | 11-16-16, 09:48 AM |
| Re: ترمب يختار أول مستشاريه andquot;رينهولد بريسب� | محمد مجيدو | 11-16-16, 10:02 AM |
|
| |
Kostawi
فيس بوك
تويتر
انستقرام
يوتيوب
بنتيريست