08:28 AM November, 05 2016 سودانيز اون لاين عبدالمنعم العوض- مكتبتى في الدنيا مافيش مستحيل ياشعب فاق صبرك حدود المستحيل لامتين تنوح لا متين تدوح وحقك يروح وانت الصنعت المستحيل لما الرئيس يخطب يزيد اولاد يزيد بيهللوا ويكبروا يحتفلوا بي قتل الحسين ويقولوا زيد هل من مزيد والشعب راجي المعجزات والمستحيل لمان تمدد لي حبال صبرك يمدلك الرئيس حبل الكضب وتقول قصير يمد لسانو يقول عوير زدناها دي من زمان زدناها من نفس المكان نفس السلع ما قلت لع ايه يعني اختلف الزمان روح يلا صارع المستحيل فجرا صباح شارع الله مليان بالسلاح وكجر الكلاب يهوي صاح ثابت مكانك يا صباح لشمس ما شرقت عديل وين البديل مين البديل كيف البديل داير يوهدبك الكجرصاقع بديل يصيح صياح أرضا سلاح ارمي السلاح والشعب رافع طوبتوفي وجه الرصاص داير القصاص كايس الخلاص مرمي طوبتكم الى يوم القصاص مرمي طوبتكم من الزيف القبيل من يوم كبيركم راح حبيس وفات الرئيس جيهة القصرحيران يواجه المستحيل ايه يعني لو زدنا الرغيف الفرنس ا لبنزين شوية جازولين ا يه يعنى لو اكل البغاث سفوا التراب من الارض وختينا فوقكم دين ودين من اجل شرع الله المتين مكنا دين فوق الارض ضحينا بيكم والعرض والشعب يصحا وينتفض حاشاه شرع الله القويم من الضلال دين الكمال وينهض بلال احد احد يزيح صخور المستحيل ما بتنجا من الموت انا لو نجيت وفي كل بيت يقوم بلال يرفع اذاذين الفلاح الفجر لاح زال الوبال حكم الخبال الله اكبر يلا حي على الكفاح وفي الدنيا ما فيش مستحيل يا شعب فاق صبرك حدود المستحيل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست