ما عارف مفهوم للتراث شنو يا اسماعيل ، ولكن..!! كل الحب للفنانة انصاف فتحي (مكسر فيها ياخي) وهي عندها حاجة ، الشعب السوداني لسع ما جايب ليها خبر ، انصاف صوتها ، ياهو صوت امبلينا السنوسي..!! هذا الشريط.. اداءا لغنية مشهورة ، وهي غنية (مكتول هواك يا كردفان).. ألأداء: نادر خضر ، عمر احساس ، سيدي دوشكا ، عبد القادر سالم ، عاصم البنا ، (الزول اللابس جلابية وكاضم) ثم انصاف فتحي..!!
الفكرة ، في التراث ، مش الغنية ، وانما ملامح اخونا الفنان سيدي دوشكا (المغني الليد في الأداء هنا) ، وهي ملامح المغني الأمريكي استيف وندر..أي والله ، فقط زاد عليها سيدي دوشكا حكاية الجلابية والسديري..!! الملمح التاني.. كل المغنين الرجال كانوا واقفين ، ماعدا الفوكال النسائي (انصاف فتحي) فهي الجالسة ، ولو تابعنا بدقة ، بنلاحظ ان عبد القادر سالم ، سيدي دوشكا ، عمر احساس ، كانوا حريصين ، لحد اللهث ، انو يدوا المايكروفون ، لإنصاف فتحي (الجالسة) يا ترى ليه؟..دي الأخلاق والإتكيت المفقود في امسودان الإستهلاك اليوم ، وللعجب ، ده التراث الغايب عننا..يا اسماعيل..!!
مقطوع طاري الفهم السياسي المجوبك في امسودان ياااااااااااااااااااااااخ..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة