|
|
 Re: زراعتنا....والفرص المهدرة (Re: علي الكرار هاشم)
|
والارض السودانية لو نطقت لشكت عن تقاعسنا في تركها هكذا في وقت تزرع بعض الدول علي سفوح الجبال
ـــــــــــــــــــــــــــــــــــــــــــــــــــــــــــــــــــــــــــ
الكلام دا مادقيق 100%...
المشكلة الكبيرة مافي الزراعة،الناس قعد تزرع،المشكلة في التسويق..
أنا قبل كدا زرعت عجور،قدر مايجي زمن اللقطة وأوديهو السوق،ألقى تلاتة دفارات واقفات،
وسعر الشوال 30 جنيه..وبعد دا مافي زول بشتري منك..
في النهاية،أنا والناس الزارعين جمبي ،بعنا العجور قش للبهائم...
لو في شركة سودانية لقت ليها منافذ في الخليج حسب مواسم الخضار والفواكه المعروفة في السودان..
بتستفيد وبتنفع المزارعين..دا خلاف إنو أسواق أوروبا مابنفكر فيها نهائي وشايفنا من سابع المستحيلات..
البصل كان متحرك،لأنو كان بمشي الحبشة،ومنها لعدة دول أفريقية..حصلت مشاكل الحبشة الأخيرة،
وقف الشارع..ووقفت الأسعار..
أسواقنا المحلية،مرات كاروهين بتاعات خضار بكفنها..
النغمة بتاعة إنو مافي زراعة في السودان،دي نغمة ماصحيحة...
مفروض الناس لما تجي تعمل حاجة تبداها من الآخر..
يعني بعد ما أزرع ح أودي محصولي دا وين؟
والسودانيين رجال أعمال بطبيعتم،حاجة خسرانة بتجنبوها بدون أي مجاملة.. عشان كدا وقعوا الدهب..
|
|
 
|
|
|
|
|
| |
عليش الريدة
فيس بوك
تويتر
انستقرام
يوتيوب
بنتيريست