|
|
 Re: (Re: nour tawir)
|
عيبى لى الكلام دا يا أستاذة ..
ــــــــــــــــــــــــــــــــــــــــــــــــــــــــــ
عيوبو كتيرة ،منها إنو بأسس لهبوط ناعم محمي بالدستور ..
أنا غايتو مالقيت أي إشارة للتبعات القانونية لأخطاء ال27 سنة الفاتت..
إلاّ دي
(يتولى القضاء الوطني المستقل قضايا الجرائم المعرفة دوليا, وتقضى فيما يمكن التراضى عليه بالتسوية وجبر الضرر والتسامح سدا للتدخلات الأجنبية التى تنتقص من سيادة الدولة ,)
يعني كان مادار تسامحونا الدستور بسامحنا..
ودي
(ترفض لجنة السلام والوحدة ملاحقة السيد/رئيس الجمهورية حتى لا تعيق دوره الكامل في تحقيق السلام، وكذلك عدم توقيف أى سوداني ومحاكمته خارج السودان .)
ودي بالذات تفسيرا مافي ملاحقة للبشير كرئيس ولا كمواطن عادي..يعني الرئيس القادم دستوريا ما ح يقدر يسلم أي مواطن للخارج .
*باختصار المؤتمر الوطني ماحزب أبله وللا ساذج وللا بدي حاجة لله..وأي زول بفتكر خلاف كدا يكون زول بتوهم ساكت..
وهو عارف إنو الإمور تغيرت ومابقت زي زمان،و لو استمر الوضع كدا لغاية انتخابات 2020 ــــ خاصة من دون البشير ـــ
هو يسقط أو بالأصح ح يصعب عليه التزوير..ولو سقط المحاسبة ح تكون عسيرة جدا..
عشان كدا المستفيد الأول من الحوار دا هو المؤتمر الوطني..
لأنو حتى في النهاية لو فقد السلطة العليا،برضو بكون محتفظ بمفاصل الدولة..
القضاء ..الاقتصاد..القوات النظامية..الخدمة المدنية..دي كلها ح تكون مشبعة بعناصر المؤتمر الوطني لفترة طويلة،
طالما أن هذا هو السيناريو الذي سيتبع..
لكن..
دا مابيمنع إنو السحر ممكن ينقلب على الساحر،وح تكون في فرص كويسة لاستغلال الوضع من قبل
الباحثين عن العدالة والتقدم..
يعني زي دي مثلا
( الموافقة علي الإقرار بوجود المعارضة بمشاركتها الفاعلة فى عملية التداول السلمي للسلطة بإنتفاء وسائل القمع والإقصاء )
*الموقف باختصار،المؤتمر الوطني اضطر لتقديم هذا التنازل،وسيسعى ـــ لو وجد طريقة ــــ للزوغانات والالتفافات..
يكون كويس،لو الأحزاب الموقعة على الوثيقة دي ،فكرت بهدوء،ولقت ليها طريقة اتكتلت بيها خلال الفترة الانتقالية ضد المؤتمر..
طالما في هامش حريات ولو بسيط،في أهداف كتيرة ممكن تُحرز..
|
|
 
|
|
|
|
|
| |
عليش الريدة
فيس بوك
تويتر
انستقرام
يوتيوب
بنتيريست