الشاعر علي محجوب فتح الرحمن. الملحن الفنان بابكر الذكار . غناء البلابل. ------------ أغنية – قطار الشوق – فيها شجن وحميمية دافقة، تبث دفء مشاعر إنسانية شفيفة حد الثمالة. فيها من الصدق والوفاء والشوق الى الحبيب ما يحرك الجبال قبل عجلات القطار؛ يقصر عنه منطق المعقول، ويسخر اللامعقول كي يتخطي محطات واقع منظور ليمتلك الحقيقة والحبيبة المتيقظة في كبد العاشق المتيم المبذول.
(حمد) ******
**قطار الشوق** ****** قطار الشوق متين ترحل تودينا... نشوف بلدا حنان اهلا ترسى هناك ترسينا.. *** نسايم عطبره الحلوه..تهدينا وترسينا.. نقابل فيها ناس طيبين ..فراقهم كان مبكينا.. *** يا قطار الشوق متين توصل حبيبنا هناك راجينا.. متين نحضن عويناتو ..متين يسرع يحيينا.. *** يا قطار الشوق دا ليل الغربه فيهو ودار.. متين تسرع متين بتكمل المشوار.. *** عشان ما نلقى سيد الناس ونطفي البينا من النار.. نشوف عينيهو نعسانه ولونو زاهي كلو نضار.. *** يا قطار الشوق حبيبنا هناك يحسب في مسافاتك.. ولو تعرف غلاوة الريدة كنت نسيت محطاتك.. *** وكان بدرت في الميعاد وكان قللت ساعاتك.. وكان حنيت علي مره وكان حركت عجلاتك.. *** قطار الشوق متين ترحل تودينا .. نشوف بلدا حنان اهلا ترسى هناك ترسينا..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة