|
Re: شوال الدقيق .. (Re: عبدالحفيظ ابوسن)
|
عارف يا مشرف .. الكلام ده مرات بيكون مرات حاصل .. يعني تكون مداخله حمّالة اوجه .. صاحبها يقوم يزوغ مع اول مزنق .. ويلبس جناح جبريل ويقول انا ما قاصد الفهموهو الناس .. ومرات بيكون فاتح لي مداخلته دي منفذ طوارئ .. وفي اعتقادي ده منتهى الخبث وسوء الطوية .. اها ده بيكون زايد من رفيقه الجاي مدماكـ .. ومرات المنفذ بيكون موجود عفوياً .. أها هنا الموقف بيعتمد على امانة الزول مع نفسه .. يا يختار رضا نفسه وربه .. يا يقوم جاري على رضا شيطانه وهوى نفسه وارضاء الناس .. ويتلحّف بي حسن ظن الآخرين فيه .. ويتنصل من عملته .. لحظتها نحن بنكون محتاجين شوال دقيق حقيقي .. وقد لايجدي شوال الدقيق الداخل كل واحد منا نفعا .. ومرات كتيرة بيكون شوال الدقيق الجواني داكـ .. نافد وعديم الصلاحية .. ومرات في ناس ما عندهم شوال دقيق أصلاً .. وعادمين نفاخ النار .. أها زي ديل أكيد إنت محتاج لي شوال دقيق حقيقي تقرعهم بيهو .. وكل زول وقتها يشيل شيلته ..
ــــــــــــــــــــــــــــــــــــــــــ
قبيل ما حبيت أرد بي غادي .. لكن والله الذي لا إله إلا هو .. حبيبنا طلحة عبد الله ده .. من اكثر الناس جمالاً وصدقاً في هذا المكان .. فاعتبر كلامه من باب النصح لكـ ليس إلا .. ولا تعتبر موقفه نوع من الاصطفاف المحض .. بعدين أنا بعرفه في السايبر المطلوق ده من بدري .. زول ولا أروع وحقاني .. وارجو إنه شهادتي في حق طلحة عبد الله ما تكون مجروحة ..
ولكما محبتي الأكيدة ..
واخيراً إن تصادف لرؤيتي بعاليه أي ( تناص موقفي ) في أرض الواقع .. لا اعتبار لذلك البته لانه غير مقصود .. فأنا بتكلم بشكل عام وحسب فهمي لمقصدكـ .. فالعفش داخل البص على مسؤولية صاحبه .. لأني ممكن اكون غلطان في تحليلي .. وإلا الناس وقتها حيكونوا محتاجين لي شوال دقيق للعبد لله يغمسوهو هو ذاتو فيه .. خخخخخخخخ او كما يقول طلحة في نهاية كل مداخله من نفس الشاكله ..
|
|
|
|
|
|
|
العنوان |
الكاتب |
Date |
شوال الدقيق .. | محمد حيدر المشرف | 09-23-16, 10:58 AM |
Re: شوال الدقيق .. | مني عمسيب | 09-23-16, 12:19 PM |
Re: شوال الدقيق .. | Hani Arabi Mohamed | 09-23-16, 12:40 PM |
Re: شوال الدقيق .. | عبدالحفيظ ابوسن | 09-23-16, 02:01 PM |
Re: شوال الدقيق .. | مصعب عوض الكريم علي | 09-23-16, 02:21 PM |
Re: شوال الدقيق .. | حمد عبد الغفار عمر | 09-23-16, 02:35 PM |
Re: شوال الدقيق .. | محمد حيدر المشرف | 09-23-16, 02:56 PM |
Re: شوال الدقيق .. | عبدالحفيظ ابوسن | 09-23-16, 03:22 PM |
Re: شوال الدقيق .. | جمال ود القوز | 09-23-16, 04:47 PM |
Re: شوال الدقيق .. | جمال ود القوز | 09-23-16, 05:26 PM |
Re: شوال الدقيق .. | عبدالحفيظ ابوسن | 09-23-16, 05:32 PM |
Re: شوال الدقيق .. | جمال ود القوز | 09-23-16, 05:50 PM |
|
|
|