|
|
 Re: طهــور الســــر! (Re: درديري كباشي)
|
(ب) عندما بلغ السر سن الرشد مات أبوه، وترك له ميراثا ضخما من الأراضي السكنية والزراعية والعقارات، فقد كان الوزير شغوفا بنفوذه المحب للامتلاك ، ولم تنج من اسمه في سجلات الأراضي حتى مدرسة الحي وناديه، عشية الوفاة أجتمع أعيان المنطقة ليقرروا بشأن ورثه الوزير الضخمة ، ووجدوا أن نصيب السر سيجعل منه أثرى أثرياء المنطقة، ولكن من أين للسر بالعقل الذي يمتلك أو يدير هذا المال، قال خاله التلب: ( أنا بعرس للسر بتي مريم، عشان هي استاذة وبتقدر تساعده في إدارة الدكاكين والأراضي) ، الشبلي عم السر رد عليه بقوله: ( كان جات للعرس أن بناتي أولى بيه، السر ياهو ولدي، أعرسلو بتي ويقعد معانا في بطن البيت).
شيخ الطاهر امام جامع الحلة كان عنده رأي آخر، قال للقوم (نحن حقو ننادي السر، ونشوفو داير يعرس بت منو ونعقد ليه عليها ونديها ورثته من ابوه).
- السر ، البركة فيكم في ابوك.
- أي زول ما جاب معاهو فطيرة بي لبن مايبارك لي ميتة ابوي .
(ان شاء الله أبوي يموت عشان أشبع فطيرة بي لبن) كانت هذه أشهر أقوال السر المأثورة قبل وفاة والده.
- الفطيرة بتجيك في العشا آ السر، أسع نحن دايرين نشاورك في عرسك.
- أنا ما عندي عرس اسع، أبوي قال لمن يطهرني بعرس لي طوالي .
- خلاص نحن بكره عايزين نطهرك وبنعرس ليك طوالي، رأيك شنو؟.
- أنا الحروم ما بدورن بجيبن لي أخلاقي هنا (وأشار لشلاليفه الكبيرة) .
- يا زول بنسوي ليك حفلة كاربة في العرس ، ونخليك تنطط في نص الدارة مع عروسك.
- كان بتسو لي حفلة حلاس عرسو لي .
- طيب قول لينا داير تعرس بت منو في الحلة دي؟
- داير أعرس زهرة أحوي
(وكان مما زاده عوارة أنه لا ينطق حرفي الخاء والشين)..
- لا لا، أختك ما بتتعرس ليك، شوف أي واحدة تانية في الحلة غير أخواتك.
- حلاس بعرس التاية.
- التاية منو؟
-التاية ام سعرا طوال الكانت بترقص أمبارح في عرس ود الجد.
- المسنوح ده قصده التاية بت شيخ البلد ، الجات امس من المكابراب مع قريبتها العرسها ود الجد.
- ها جنا ات ماك نصيح، التاية شنو البتعرسك ات؟ وبعدين دي زاتها ما من الحلة، البنيه جات ضيفها ورجعت لي حلتها، كدي شوف غيرها.
- لا ماني داير واحدة تانية ، امبارح جيتها قريب وقتلها داير اعرسك ضحكت وقالت لي آآي بعرسك بعد ما يطهروك.
- لاحولا .. انت يا العوير غلفتك دي وصلت لا عند ناس المكابراب؟ ..
|
|
 
|
|
|
|
|
| العنوان |
الكاتب |
Date |
 طهــور الســــر! | عمر التاج | 09-16-16, 02:58 PM |
| Re: طهــور الســــر! | عمر التاج | 09-16-16, 08:38 PM |
| Re: طهــور الســــر! | عبدالعزيز الفاضلابى | 09-16-16, 09:15 PM |
| Re: طهــور الســــر! | عمر التاج | 09-17-16, 06:32 AM |
 Re: طهــور الســــر! | درديري كباشي | 09-17-16, 09:08 AM |
| Re: طهــور الســــر! | عمر التاج | 09-17-16, 01:58 PM |
| Re: طهــور الســــر! | عمر التاج | 09-17-16, 05:53 PM |
| Re: طهــور الســــر! | عمر التاج | 09-17-16, 08:41 PM |
| Re: طهــور الســــر! | عمر التاج | 09-17-16, 10:02 PM |
| Re: طهــور الســــر! | درديري كباشي | 09-19-16, 08:12 AM |
| Re: طهــور الســــر! | عمر التاج | 09-19-16, 10:24 AM |
| Re: طهــور الســــر! | عمر التاج | 09-19-16, 10:33 AM |
| Re: طهــور الســــر! | عبدالله ود البوش | 09-19-16, 10:34 AM |
| Re: طهــور الســــر! | عمر التاج | 09-19-16, 11:02 AM |
| Re: طهــور الســــر! | عمر التاج | 09-19-16, 11:47 AM |
| Re: طهــور الســــر! | عمر التاج | 09-19-16, 11:56 AM |
| Re: طهــور الســــر! | جمال الباقر | 09-19-16, 12:18 PM |
| Re: طهــور الســــر! | عمر التاج | 09-19-16, 07:24 PM |
| Re: طهــور الســــر! | عمر أبوعاقلة | 09-20-16, 07:35 AM |
| Re: طهــور الســــر! | عمر التاج | 09-20-16, 09:54 AM |
| Re: طهــور الســــر! | عمر التاج | 09-20-16, 10:17 AM |
| Re: طهــور الســــر! | عمر التاج | 09-20-16, 12:16 PM |
| Re: طهــور الســــر! | درديري كباشي | 09-20-16, 03:16 PM |
| Re: طهــور الســــر! | عمر أبوعاقلة | 09-20-16, 04:26 PM |
| Re: طهــور الســــر! | عمر التاج | 09-20-16, 06:35 PM |
| Re: طهــور الســــر! | عمر التاج | 09-20-16, 07:08 PM |
| Re: طهــور الســــر! | عمر التاج | 09-23-16, 07:27 PM |
| Re: طهــور الســــر! | عمر التاج | 09-30-16, 10:20 PM |
| Re: طهــور الســــر! | Osman Musa | 09-30-16, 10:55 PM |
| Re: طهــور الســــر! | عمر التاج | 10-01-16, 10:14 AM |
|
| |
عمر التاج
فيس بوك
تويتر
انستقرام
يوتيوب
بنتيريست