الارزقي قور تعال ورينا بتفهم شنو في الفلسفة المسكينة البقت تخصصك !!

Quote: هيثم..حبابك يا صديقي بكل صراحة ووضوح ،يا اخوي ، دعني اسالك: انت جاي هنا لي شنو بالضبط؟.. ابوبكر عباس يا هيثم ، واحد من اذكياء التفاهم الحايمين في المنبر ، والمنابر السودانية الأخرى ، وقد فهم ما كتبنا من قبل في مواضيع لم تكن تسترعي انتباهك انت والجوقة الحايمة هنا..! وعشان ما نتغالط ساكت يا هثيم ، وحتى لا نحرج البعض هنا ، اكترمن اثق فيهو هو صديقنا سناري ، وهو يعرف يقرا الحاجات بصدق ووضوح وحيادية ، ودعنا نحتكم ليهو ، يقرا مداخلة ابوبكر عباس ويقرا مداخلتي الأولى ، لو خرج بنتيجة كما تذهب انت ، فليكن هو الحكم بيننا يا صاحب.. بخلاف ذلك ، يا هيثم ، لازلت اثق في رؤيتك للأشياء ، فلا تدع قناع الفاشست يتحكم فيك.. اهو انا رصدت ليك اسماء (استاذنا عبد الله الشيخ ، معاوية المدير ، طه جعفر ، عبد اللطيف حسن علي ) كلهم كتبوا بوستات باسم ابو القاسم قور..ليه ما سألت نفسك لماذا كل البوستات دي باسم قور وفي اقل من اسبوعين؟.. ده ترصد يا هيثم ، وشغل عنصرية فاشست بالباب العديل ، عنصرية لا يهمها ماذا يعرف ابو القاسم قور ، بقدر ما يهمها ان تسحله وتطلع عينو عشان يحرد ويمشي كما مشى الأخرون..!! هل سألت نفسك يا هيثم ، ليه ، سناري ، رجع وقال ابو القاسم قور شنو كده ما عارف..؟.. يا حبيب ، الموضوع ، هنا ، موضوع فلسفة بحتة ، نظرية فلسفة تجريبية ضد فلسفة تلفيقية بتجمع بين التجريبية والعقلانية.. عندك مفاهمة في الحتة دي حبابك عشرة ، ما عندك مفاهمة.. عليك الله ساعدهم بالسكات والموية الباردة..!!! فشنو ما تقعد تتشعلق لينا في كبر غلطان وكبر ما فاهم التكتح.. حكاية فهم كبر وغلط كبر خلي الجمهور يحكم فيها.. بخلاف ذلك عنصرية الفاشست دي لن تسكتنا يا هيثم غالي..!! امشي اقرا هجايص طه جعفر ، مرة سوانا (عبيد مطاليق من غير اسياد ) ومرة سوانا ( اغبياء ) بالباب العديل ، ومعاوية المدير يشيل ويكسر نفس الغنية ناس كبر عنصريين وما ح يتخلوا عن العنصرية ، وهو شغل يشبه شغلك هنا.. وشغل غيرك.. ! سنكتب ، ونظل نكتب ، يا هيثم غالي وهويتنا وحقيقتنا ليست منحة من احد عشان يمارس علينا الطنقعة عشان يقول لينا انتو فهمتو ولا ما فهمتو...!!! عيب يا هيثم البتسوي فيهو ده..!! عبد الله الشيخ ، انا وابو القاسم قور ، بنقرا مقالاتو قبال اختراع النت..!! شفت نحن بنزعل لياتو ناس وقدر شنو يا هيثم..؟!! عمرك يا هيثم غالي لن تطول ابوبكر عباس ، ياخي ابوبكر سنيري في الجامعة..!! شرحو يا هيثم: بي طريقتك دي انت ما عارف ابوبكر عباس قال شنو وقاعد يقول شنو..!! وانا ، العفين الهوين ده ، بعرف مزاج ابوبكر عباس ، و بعرف قاعد يقول في شنو وماشي علي وين..!! امثال ابوبكر عباس يا هيثم هم هبة امسودان ، وما اكثر ان تضيع امسودان هباتها الجميلة العظيمة..!! انساك من مفاتيح الغضب العاطفة: ياهم ديلك قدامك/ عبد اللطيف زول فلسفة تجريبية ، ابو القاسم قور بتاع تلفيقية ، زي بتاعة كانط عليهو السلام ، سناري ، حكم في الوسط (وهو بالمناسبة مدرس اتخرجت علي اياديهو خلق كتيرة ).. سؤال الإله يا هيثم غالي ، كيف نقدر نقنع عبد اللطيف انو هناك معرفة ووجود اكبر من طاقة تصورنا للأشياء (وفق القوانين الإخترعناها نحن معشر البشر في هذا الكوكب)..! دي المخاضة يا هيثم غالي ، الأكبر منك ومن كبر ، عندك ما يفيد فيها تعال قولو ، ما عندك فدعك عن حركات الفاشست عشان تطلع كبر ولا علان غلطان..!! دي مخاضة كبيرة يا هيثم ، ما مابينفع فيها حكاية (ديشااااااااااااااااك ارفع الأبنص) ولا حكاية الإسقاط بتاع انو واحد يطب علينا بليل ويحاول يقنعنا انو فاهم ابوبكر عباس بيقول في شنو..! داير الصاح ولا الجنبو يا هيثم؟ قرايتك لأبي بكر عباس مغلوطة للطيش..!! اما فيما يخص كلام عبد اللطيف وسناري وقور ، فانت يا صاحب محتاج سنوات ضوئية عشان تعرف الخلق دي بتقول شنو بالضبط..!! علي بالحلال يا هيثم ، اخط راسي مع عبد اللطيف القدامك ده ، نجهجه ليك حنان الفلسفة من الألف للياء..!!!!!!!!!!!!!..مش فلسفة السودانيين الماجايبين خبر لناسهم ، وانما فلسفة العالم في مشهدها الحالي..! الله يرحمك يا اللمين كعورة ، بعدك ممكن نمد كرعينا قدر ما نمد..!! هيثم غالي ، اكتب ليك مقالة من مية سطر عن الأمين كعورة ، وبعد داك يحق ليك تطلع ناس كبر كانت غلطانة وين..!! شرحو: الموضوع فلسفة بالباب العديل يا هيثم غالي ، عندك فكرة عن الموضوع حبابك عشرة ، ما عندك فكرة.. ساعدهم بالسكات والصفقة والموية الباردة..!! كبر