إمتداد بوست الموسيقى

Quote: والإعلان المبكِّر عن لغة وسطى، هو كما قال د. صديق: "خطوة استباقية" ، لتبرير ما سيأتي من لغة فصحى مليئة بالثقوب. +++ ثانياً: في الأوساط "الأكاديمية " العربية، اللغة المستخدمة هي الفصحى. وطالما صاحب البوست يدَّعي "الأكاديمية"، ويلبس ثوبها، فعليه الالتزام بقواعدها ومعاييرها. +++ أن يورد نسبة كل من اللغة الفصحى والعامية، مثلا ما يقارب 30 % فصحى، و70% عامية،

عتيق كيفك؟

عارف شغل صيد الورلات بتاعك دا ذكرني نكتة قالها أبو الريش: أيام عبد الرحمن المهدي قال جاهم المفتش الإنجليزي (هو ليه دايمن إنجليزي؟ يوناني مافي؟) المهم قال جمعوا ليهو الأنصار وخطب فيهم بالعربي المكسر في موضوع وطني، فبدل ما يستمعوا ويفهموا المطلوب قال قعدوا يتضاحكوا ويتلاكزوا: هاي عاين كسر الفاعل هاي عاين نصب المبتدأ فهسع انت ورغيب شغلكم دا بتاع أهالي ساي، راجلين بشنباتكم متفرغين للكسرتين والفتحتين، هسع سيد اللغة مبسوط منكم يعني؟ هاي عاين نسى الفتحتين +++ إذا دا بقى وسط أكاديمي بعدين حتلقى اللغة اختلفت وبقت مليانة تنوين بتاع منونين ما "ملونين" يا أسامة +++ أول ما ننتهي إن شاء الله أقدم ليك الاحصائية دي. +++ صديق الكيك خليهو في الكهف بتاعو، ليوم الليلة ما عارف إنو الكلمات المفتاحية ممكن تصاحب خبر صحفي في موقع إلكتروني، شغال منقح بالطريقة بتاعة التيمز الإنجليزية. هسع أنا راجيهو يوريني الغرف وين ويترجم لينا المصطلحات الموسيقية. _______ وبرضك بتتسائل ليه الجامعات العربية برة التصنيف! هاي عاين أسامة بقى مترجم