|
|
 Re: انتشار تسجيل بصوت الجميعابي يثبت ان فنيل� (Re: محمد الامين محمد)
|
يا الجميعابي
إخجل انت
ده ما مستوى الدوله الجات بالانقلاب
دي المؤسسات الصنعتها الانقاذ
اولا اعتذر للشعب السوداني انكم بالبندقيه والقمع ختيتةهوا على راسنا...بيعمل البيعملوا بحد السيف....وهو لو دي دوله فيها نصيحه كان ده حالنا. .
وهل في دوله فيها سياده انت بتوجه خطابك للامن عشان يحقق مع الصحفيين الغشوا الرئيس...
وهو الرئيس الدلدول بيسمع للصحفيين ليه....؟ليه ما يحترم موسساته تحدد ليهو يقابل منو وما يقابل منو..
في دولة المؤسسات هناك وزاره خارجيم ومؤسسه للتشريفات ليها بروتكولاتها بتحدد من بيقابل الرئيس..
في دولة المؤسسات بيستقيل وزير الخارجيه...ورئيس المراسم
لكن دي دولة الامن والكيزان...مافيها مؤسسات ولا يحزنون..
ياخ زول جاء في ضهر دبابه مؤسسات شنو البيعرفها
عليك الله ارحمونا..
يا تنظيمكم قال الولاء قبل الكفاءه
شرد الشرفاء
هدم المؤسسات.....تتباكوا على شنو...على الخراب العملتوا
هي بقت على فنيلة ميسي ..دي جيوش من الانتهازيين والحراميه بيستغلوا موارد الدوله..وبيجيبوا سماسره..وشركات يسرقوا وينهبوا....ياخي فنيلة ميسي ولا صقر قريش. ولا خط هيثرو . ولا شركة بيع الاعضاء..ولا وشركة التعدين الروسيه وقائمه ما عندها اول بيدخلوا البلد زي زعماء بحماية المستوزرين ويغادروا ومحملين بخيرات بلدنا...
ياخي قول كلامك لحكومه نزيهه عندها هيبه..وعندها مؤسسات..
ومادام انت جزء من دولة الفساد ده..مستغرب مالك ما صنعت المصيبه دي وساهمت فيها .. بالله ارحمونا....واخجلوا...واقلعوا توب الحرص على البلد.....نحنا ما بنسمع ليك ما عندك لسان معانا....وانت والبشير ونافع ومحمد عطا في كوم واحد..
مجدي اسحق
|
|
 
|
|
|
|
فيس بوك
تويتر
انستقرام
يوتيوب
بنتيريست