شوبير مان معلم كلو...!

Quote: البوست رائع ، وأسلوبه جميل ، ولا أرى أنه " مطاعنة " نسبة إلى ان خلاف الأخ ناصر مع الأخ حاتم ظاهر للجميع ومن السهل معرفة المقصود ..

السعودي ذاتو جا يبكي معاكم

يا الصامت، خلاف شنو القاصدو الممكن يكون بيني وبين الخامل دا؟ والله قاعد هنا يعمل في شنو ما عارفو، اللهم ورانا حاجة من الذاكرة وجاء شرح لينا آية (بماء تيسر) بيقولوا الورل أخو التمساح، الأول نفاخ والتاني لفاخ. يا ناصر، البوست بتاعك دا ذكرني قصة الزول اليائس: قال ليك واحد تاجر محتكر شحن سكر من كوستي موديهو الجنوب، أها في الطريق لاقاهم خور ناشف قالو يبيتوا في الخور والصباح يتحركوا، قوم يالسيل شيل الوادي وموص السكر والناس نايمين، زولك صحي الصباح لقى الشوالات فاضية في ضهر اللوري، (موية المطرة بتموص السكر، دي معلومة إضافية مني) أها بقى يمشي مباري الموية الجارية في الخور ويدخل صباعو ويمصو ويقول (لحد هنا طاعم والله) وفاااااات بوشو السيل شالك ياخوي، فانت هسع بتمص في صباعك وماشي، ومحل ما تصل حلو ليك براك هههههه _____ القمحان بيكتل الورل ويغازل الإتان