|
Re: إنْتَ آ عُثْمَانْ مِنْ وِينْ جَابُوكَا.. ا (Re: أبو الحسين)
|
أها طبعاً الزمن داك... تنقاسي لي هسع الكهرباء ما جاتها... والراجل بالرغم من روقتُو الزايدي لكن البلد عموماً حالها زي القُرى وكدي... أها بقت طوااااااالي مرَتُو تنَقْنِقْ فُوقُو... هسع دي بلد دي؟؟... بلد لا نُور ولا كهرباء... ولا مروحة ولا مُكيف؟؟؟ إشمَعْنَا إخوانك يرسلُوك للبلد إنت... ما يجُو هُنْ مالُو؟؟؟ والمِسكين الظاهر عليهُو قاعِد يريييييييييدَا صابر ومتحمِّل نقْنَقَتَها دي!!! أها مرة كدي في يوم نقَّتْ فيهُو شديييييييييد مع الصباح وهُو مندَلِّي لا تِحتْ علي الساقي... وقَفَلَتها معاهُو ومرَق طَقْ قَفَل الباب وراهُو يطنطِن ماشي لا تحت... وهُو يحُشَّلُو في قَشْ جاتُو عمَّتُو (شاعرة قصتنا الما معروفة دي) قالَتْلُو عليك الله يا عُثمان يا ولدي أنا ماشَالِي مشوار كدي... حُشَّلِي قبضَة قَشْ معاكْ ودِّيها لي غنيماياتِي لا فُوق... أها هُو حسب زهْجَتُو... قام شخَتْ المُنجَلْ كدي وقال ليها وهُو يطنطِن يَحُشُّو ليك كمان يَوَدُّو؟؟؟!!! وطبعاً يا حليلو حالة لا شعورية... إتلَفَت علي عمتُو لقاها واقفِي وتبكي... مشى عليها... قال ليها يا عمَّتِي مالِك تبكي... ردَّت عليهُو بي قصيدتنا الأُولى وقالتْلُو: بكِيت آ صَبَاحِي طِرِيتْ أبُوكَا وُطِرِيتْ حِنُّو المَعَانَا المِنْ زَمانْ قُبَّالْ يَلْدُوكَا وُطِرِيتْ بقَرُو الكُتَار الماهِن رُوكَا وُطِرِيتْ وِيكْتُو البِي تِحِتْ قَاجِّي وُمَشْبُوكَا وُطِرِيتْ قَدَحُو المَوَهَّطْ في الدَرِبْ يَجِي شَايْلُو اخُوكَا وُطِرِيتْ سِعْنْ أُمَّك الكَانَتْ مَبْرُوكَة وُطِرِيتْ اخْوَانَكْ المَابْ يَشْبَهُوكَا إنْتَ آ عُثْمَانْ مِنْ وِينْ جَابُوكَا الزُولْ يَلُوكْ السِمْ كَلِمْتَكْ مَا يَلُوكَا؟؟؟ . . .
|
|
|
|
|
|
|
العنوان |
الكاتب |
Date |
إنْتَ آ عُثْمَانْ مِنْ وِينْ جَابُوكَا.. الزُولْ يلُوكْ السِمْ كِلِيمْتَك ما يَلُوكَا - قصة وقصيدة | أبو الحسين | 06-28-16, 10:01 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 06-28-16, 10:03 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 06-28-16, 10:04 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 06-28-16, 10:06 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 06-28-16, 10:07 AM |
Re: إنْتَ آ عُثْمَانْ مِنْ وِينْ جَابُوكَا.. ا | محمد البشرى الخضر | 06-28-16, 10:21 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 06-28-16, 10:32 AM |
Re: إنْتَ آ عُثْمَانْ مِنْ وِينْ جَابُوكَا.. ا | معاوية المدير | 06-28-16, 10:53 AM |
Re: إنْتَ آ عُثْمَانْ مِنْ وِينْ جَابُوكَا.. ا | د.محمد حسن | 06-28-16, 11:09 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 06-29-16, 08:06 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 06-28-16, 11:18 AM |
Re: إنْتَ آ عُثْمَانْ مِنْ وِينْ جَابُوكَا.. ا | مامون المعتصم أحمد | 06-28-16, 12:16 PM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 06-30-16, 08:28 AM |
Re: إنْتَ آ عُثْمَانْ مِنْ وِينْ جَابُوكَا.. ا | باسط المكي | 07-10-16, 11:31 AM |
Re: إنْتَ آ عُثْمَانْ مِنْ وِينْ جَابُوكَا.. ا | sadig mirghani | 06-28-16, 12:30 PM |
Re: إنْتَ آ عُثْمَانْ مِنْ وِينْ جَابُوكَا.. ا | احمد حمودى | 06-28-16, 01:25 PM |
Re: إنْتَ آ عُثْمَانْ مِنْ وِينْ جَابُوكَا.. ا | علي محمد الفكي | 06-28-16, 01:31 PM |
Re: إنْتَ آ عُثْمَانْ مِنْ وِينْ جَابُوكَا.. ا | Mohammed Alhasan Mohammed | 06-29-16, 08:22 AM |
Re: إنْتَ آ عُثْمَانْ مِنْ وِينْ جَابُوكَا.. ا | Yasir Elsharif | 06-29-16, 08:40 AM |
Re: إنْتَ آ عُثْمَانْ مِنْ وِينْ جَابُوكَا.. ا | معاوية المدير | 06-29-16, 09:10 AM |
Re: إنْتَ آ عُثْمَانْ مِنْ وِينْ جَابُوكَا.. ا | ناصر حسين محمد | 06-29-16, 09:24 AM |
Re: إنْتَ آ عُثْمَانْ مِنْ وِينْ جَابُوكَا.. ا | ابو جهينة | 06-29-16, 09:56 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 07-13-16, 07:50 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 07-11-16, 11:06 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 07-10-16, 10:39 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 07-03-16, 08:34 AM |
Re: إنْتَ آ عُثْمَانْ مِنْ وِينْ جَابُوكَا.. ا | mahmed alhassan | 07-10-16, 11:39 AM |
Re: إنْتَ آ عُثْمَانْ مِنْ وِينْ جَابُوكَا.. ا | أبو الحسين | 01-08-17, 11:28 AM |
|
|
|