Quote: و نحن في المتوسط في مدرسة حي العرب طلبة مدرسة الدوش طالعين مظاهرة و جو غاشيننا عشان نطلع معاهم و قامو يضربونا بالحجارة و نحن جوه الفصول
انشاء الله ما انفلقت!!!
Quote: طلع لينا المدير عايزين تطلعوا معاهم و ل عايزين تقرو الاغلبية قالو عايزين يقروا فتح الباب و قال لينا طيب امشوا اطردوهم طلعنا سكيناهم لغاية ما اتخارجو و جينا راجعين كملنا حصصن
يشهد الله دا مدير ديمقرااااااطى شديد
Quote: كل شي كان بي فهم و حسب الرغبة ما كان في شي غصب
اللخو مكتشف الربيع العربى من دغشا بدرى خلاس
Quote: ثورة ابريل لا تلفونات لا فيس بوك لا واتساب و لا كل السبل المتوفرة الان تطلع المظاهرة من اخر الثورة بالنص كل شوية ماشين زيادة و كل ما يصلو حتة يستقبلوهم النسوان بالزغاريد و جرادل المويه الباردة الناس تروى و تواصل
قااادر الله غايتو
Quote: و دا كلو كان عن قناعة ما بالغصب ..... حليل ايام زمان وسط الحبايب و الأهل ..
القناعة ذنبا لا يختشى
Quote: في ابريل قاعدين في الحوش و معانا اصحابنا بعد الغدا و بنشرب في الشاي قلنا نعمل لينا مظاهرة طلعنا الشارع عندنا صاحبنا خفيف الوزن كبير الصوت وصلنا شارع الردمية شلنا صاحبنا دا فوق و قلنا بسم الله ستة او سبعة انفار
جيفارا دا!!!!
Quote: دخلنا جوه امبده و كل شويه العدد زايد جينا راجعين لقينا امبده كلها في الشارع و المظاهرة اصبحت حاجة كبيرة شديد وصلنا لغاية العرضة قبل الأوسط لقينا ناس الشرطة لابدين لينا .. قبل ما يصلونا شبكناهم البنمبان سلاح نسوان ما اشتغلو بينا و فكو فينا كم واحد و اشتغلو فينا كسر تفرق الجميع
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة