معادلة مولانا "ابيل الير" !!!

Quote: شكرا أستاذ عادل آرجو مواصلة التنويـر أحمد الشايقي

يا احمد الشايقي
سلام
زمن في مداولات الاستقلال الامريكان الصعاليق قالو بواسطة سفيرهم في القاهر مستر جيفرسون للانجليز استقلال شنو العايزين تدوهو لي (خدم.) خلوهم تحت مصر بس"..وغضب الانجليز وقبلو التحدي صنعو احزاب ومؤسسات وديموقراطية جيدة جدا..
وطبعا مصر عشان تؤكد النظرية الامريكية فكت لينا الصاغ صلاح سالم ينشر الاوبئة المصرية والضباط الاحرار في المركز من ولاد السرارة ومشى رقص عريان مع الجنوبيين وكرس الاعلام المصري للاساءة للسودانيين الاذكياء الما عايزين يقعدو تحت جذم المصريين الا (الخدم)
الموهوم صلاح سالم كان قايل الجنوبيين متخلفين واقل منه ذكاءا بينما كانت قياداتهم الوطنية في المركز تطرح الفدرالية كنموذج لحكم السودان ناس بينجامين لوكي او الاب بنيامس والفدرالية دي لحدي هسة مصر ما بتعرفا ولى العرب ولا خدم المركز المشو بينا بي الانقلابات والنموذج المصري والافكار المنتبة من قوميين وشيوعيين واخوان مسلمين...
وهسة امريكا عايزة تفكك السودان وتمسحو من الخارطة..بسبب خدم المركز ديل بي كافة انواعهم والتتار على الابواب
ومافي طريقة غير استعادة الهوية السودانية والقوة الحضارية للسودانيين عبر استعادة الاقاليم والقبائل والادارة الاهلية والمشي في خارطة الطريق الوحيدة نيفاشا ودستور 2005
الخدم الاخوان المسلمين لوثو حزب الامة من 1964 بسبب السيد الصادق المهدي زول عنده حزب ديموقراطي بجي بصناديق الاقتراع الوداه لي الكيزان شنو؟
الحزب الوطني الاتحادي او الاشقاء جماعة الهندي معظما احزاب فرخت في بيت الرئيس محمد نجيب لا رؤية ولا وعي وخطاب غث بس. وهم شبه كيزان . اندمج مع حزب الشعب الديموقراطي 1967 وعطلو لي يوم الليلة
الششيوعيين الما خدم..جو بي انقلاب مع القوميين العرب وحدث ما حدث ثم لمن جاءت االحركة الشعبية اتسللو ليها بفضل ياسر عرمان وبعد مات جون قرنق بقت كمونية جديدة اسماها الجبهة الثورية لمت حتى كلاب الجزارة في العدل والمساواة عشان تستمر الكمونية الامريكية وتسقط البلد في الفوضى ويجي التتار عبر الفصل السابع خاصة والراسمالية لاحتكارية تعيش في مازقها الاخري الان في الاتحاد الاوروبي وامريكا نفسها
كلام ابيل الير ده وكتابه مهم جدا لبحث عن مسارات جديدة معتمدين بس على وعي الناس والبرنامج في غاية البساطة
1- استعادة الاقاليم باسس جديدة
2- اعادة هيكلة المحكمة الدستورية العليا باسس جديدة 11 قاضي 2 من كل اقليم واحد بس من الخرطوم
3- الادارة الاهلية والقبائل واحصاء الحركة الشعبية القائم على القبائل ودين وده مهم جدا جدا
4- تفعيل كافة الاتفاقيات الموقعة مع المركز عبر الحكومات الاقليمية المنتخبة
5- تفعيل الحريات الاربعة مع دولة جنوب السودان
الشيء بسوو فيه خدم المركز ده فعلا يخدم الرهان الامريكي في السودان ولو انت في لندن فتش لينا بالله الانجليز الجيدين والمحبين للسودان والسودانيين وساعد السودان بدعم من برطانيا لانها الدولة الوحيدة الممكن تساعد السودان على استعادة الديموقراطية والتحرر من الشعور بالدونية حيال مصر وغيرها من دول المنطقة خلينا نلحق الحبشة على الاقل وسفيرهم في السودان درسنا في الدامر زول راقي جدا جدا ومحب للسودان