|
|
 Re: الدونكى........................................ (Re: munswor almophtah)
|
تحياتي ومعزتي الأخ منصور المفتاح
وسلااااام من الحنايا، وتحياتي للأخ كبر
الله الله الله
الدونكي وما أدراك ما الدونكي! عالم بحاله
أكثر القري في بوادي كردفان ودارفور، كان سببها
إنشاء دونكي
الدناكيج "الدنكوج" أكبرها حول الدونكي
الدكاكين حول الدونكي
الدونكي عالم تاني من الجمال والعادات والإجتماع و.....الخ
"كلِّموا لي أبويا
عشان نشيل الدونكي ونجيب شوية موية"
ما أجمل يوم الضِّمي في الدونكي
الأبقار والإبل والأغنام والماعز والرَّي و....الخ
وقول تاريخ وأدب وجغرافيا وإجتماع..الخ
الدونكي الغزل الشفيف:
فوق الدونكي جات أم نايط
وشالت الكاس ب دبورة وتلاتة شرايط
ياعبلوجة الإنقيبها جكّا بعايط
لغبك خضرة القايم دقاق موشايط
الدونكي الإبل والمباها ب "حضم المال"
أهل تقلية المو خميلة في الحاروك
واردة الليلة سهريج ناس حسين مدروك
والدونكي الكعّة والدَّية والحيصة:
فوق الدُّونكي حصلت كعِّي
لو ضرب سوط ولو شايباً مفالت يدِّعي
...... بي الرصَّاصتو ما بتوعِّي
تجيهو مشاترة نامت الزول بياخد نعِّي
الدونكي الدونكي أمم من الإنسان والحيوان
أنظر لهذه البدوية، وسخريتها من كاتب الدونكي ، حتي سمته
"أبوحديبي"، تندرا:
أبوحديبي جانا إنْزَف
قال لينا: أقيفن صَفْ
بجينا البتور الغف
وننزل بعيد في القف
ياخ المزاج مورايق والمنبر "وجَّاج سمومو مسمِّي"
|
|
 
|
|
|
|
|
| |
عبيد الطيب
فيس بوك
تويتر
انستقرام
يوتيوب
بنتيريست