|
Re: ضياء الدين بلال.. التلميذ البليد والصحفي ا (Re: علي محمد الفكي)
|
Quote: ما اكثر العباقرة المنتسبين لسودانيزاونلاين حينما ينصبون انفسهم قيمين على المعرفة ويعطون الحكمة من على منابرهم ولا نقول قلوبهم انتن من الجيف حاشا وكلا كما هو فى الحديث؟؟؟ اتينا بنموذج واحد لمقال كتبه ضياء الدين او حوار اجراه تتبدى فيه محدودية القدرات وتواضعها؟؟؟ معيار الما اكثر العباقرة المنتسبين لسودانيزاونلاين حينما ينصبون انفسهم قيمين على المعرفة ويعطون الحكمة من على منابرهم ولا نقول قلوبهم انتن من الجيف حاشا وكلا كما هو فى الحديث؟؟؟ اتينا بنموذج واحد لمقال كتبه ضياء الدين او حوار اجراه تتبدى فيه محدودية القدرات وتواضعها؟؟؟ معيار ال |
ده ماالو متشنج كده ؟ بالراحة يابوي .. تم انتقاد المتنبي شاعراً ، فما بالك بضياء الدين بلال اقدر اجيب ليك عدة حالات بتوضح ضعف قدرات ضياءالدين وبالذات في مجال التلفزيون الذي اقتحمه اقتحاما .. ، لكن ما حا اتعب نفسي لانو ماعندك استعداد اصلا عشان تسمع وجهة نظر تانية ، ايزي ، الموضوع ما محتاج لعبقرية .. ضياء الدين بلال افضل في كتابة العمود لكنه فاشل بامتياز في اجراء الحوارات لأنها تحتاج لسرعة بديهة وشجاعة والمام بجوانب ثقافية وتاريخية عميقة وليست حدثا طارئا ولا مبراة هلال - مريخ .. ضياء الدين يحاور ضيوفه ، وهم عادة سياسيين كبار ومفكرين ، بطريقة مفيد فوزي ، جمل قصيرة ركيكة خالية من العمق المعرفي ، ودائما يجعلني احس انه يحاور فنانا او ممثلا .. انا متابع جيد للاعلام السوداني من النوع البقرا 3 جرايد ولا اتحدث من فراغ ، لا اعرفه وليس بيني وبينه عداوة ..
Quote: ان كان ضياء الدين على علاقة وثيقة بالسلطة السياسية كما تزعم لماذا تتعرض السودانى بين الفينة والاخرى للتوقيف والمصادرة؟؟صحيح مالكها ينتمى للحزب الحاكم ولكنه لا يقرر سياسة التحرير ويملئ قناعاته...ومن معرفتى اللصيقة بضياء الدين لا يستطيع كائن من كان ان يملئ عليه قناعات وان يشير عليه ان يكتب كذاوكذا |
كل الصحف تتعرض للتوقيف ، اما بسبب او بدون سبب ، ده شغل بتاع امنجية ، لا يمكن لصحيفة يملكها جمال الوالي ان تشكل خطرا على النظام ، لان الوالي ركن ركين فيه ، ربنا عرفوه بالعقل .. من قال لك ان المالك لا يحدد سياسة التحرير ؟ لا يا عزيزي يحددا ونص ، عايز تشتغل معاهو اوكي .. ما عايز اتكل على الله ، دي صحف الدنيا كلها شغالة كده ، انت متخيل الناس دي بتعمل جرايد ليه؟ معرفتك اللصيقة دي اتهنا بيها بعيد مننا ، نحن بنقرا وبنجكم ، انت عضو مجلس ادارة في الصحيفة؟ شفت اي مستند بتكلم عن الخط التحريري للصحيفة؟ يعني جاي ناطي كده اسي عشان "معرفتك اللصيقة" ؟
Quote: يتحدى اى ود مقنعة من اصحاب النفوذ والجاه ان قدم تسهيلات او مظاريف او اى شكل من اشكال الرشوة....كما هو حال كثير من اصحاب الضمائر الخربة فى حقل الصحافة |
بالله لسة النسوان بتقنعو ؟ ده موضوع مافي زول جاب سيرتو من الاساس .. لكن وريني انت اسي حتثبتو كيف ؟ ومين اصحاب الضمائر الخربة ديل ؟
اما حكاية انو بليد او شاطر ، ياخي نحن بنتكلم عن صحفي مش تلميذ ، دي مرحلة انتهت من حياتو ونحن ما عندنا بيها شغلة .. لكن وريني قاموسو المتفرد ده ابجد هوز بتاعتو نلقاها وين؟ موضوع فساد الوالي ده مجرد تسريب امني جاهو جاهز .. اتحداك لو جمال الوالي يسمح بأي حاجة زي لو بتمسو شخصيا .. خليهو يتكلم عن عقود ومشاريع جمال الوالي مع الحكومة .. خليهو يعمل حوار مع جمال الوالي ويقول ليهو جبت قروشك دي من وين وانت لحد اواخر التسعينات كنت شغال مع صلاح ادريس .. ما تسيبنا بالله ..انت عايش وين ؟
|
|
|
|
|
|
|
العنوان |
الكاتب |
Date |
ضياء الدين بلال.. التلميذ البليد والصحفي الشاطر. | محمد قسم الله محمد | 05-19-16, 11:56 PM |
Re: ضياء الدين بلال.. التلميذ البليد والصحفي ا | بريمة محمد | 05-20-16, 01:42 AM |
Re: ضياء الدين بلال.. التلميذ البليد والصحفي ا | محمد قسم الله محمد | 05-23-16, 09:12 PM |
Re: ضياء الدين بلال.. التلميذ البليد والصحفي ا | محمد قسم الله محمد | 05-23-16, 09:23 PM |
Re: ضياء الدين بلال.. التلميذ البليد والصحفي ا | Abdullah Idrees | 05-23-16, 09:43 PM |
Re: ضياء الدين بلال.. التلميذ البليد والصحفي ا | على تاج الدين على | 05-24-16, 09:09 AM |
Re: ضياء الدين بلال.. التلميذ البليد والصحفي ا | محمد قسم الله محمد | 05-24-16, 11:20 AM |
Re: ضياء الدين بلال.. التلميذ البليد والصحفي ا | علي محمد الفكي | 05-24-16, 02:20 PM |
Re: ضياء الدين بلال.. التلميذ البليد والصحفي ا | Abdullah Idrees | 05-24-16, 10:24 PM |
Re: ضياء الدين بلال.. التلميذ البليد والصحفي ا | على تاج الدين على | 05-25-16, 09:57 AM |
Re: ضياء الدين بلال.. التلميذ البليد والصحفي ا | محمد أبوجودة | 05-25-16, 08:10 AM |
Re: ضياء الدين بلال.. التلميذ البليد والصحفي ا | حيدر حسن ميرغني | 05-25-16, 08:17 AM |
Re: ضياء الدين بلال.. التلميذ البليد والصحفي ا | عمر سعيد علي | 05-25-16, 08:57 AM |
Re: ضياء الدين بلال.. التلميذ البليد والصحفي ا | Abdullah Idrees | 05-25-16, 01:42 PM |
Re: ضياء الدين بلال.. التلميذ البليد والصحفي ا | Abdullah Idrees | 05-25-16, 02:09 PM |
Re: ضياء الدين بلال.. التلميذ البليد والصحفي ا | محمد أبوجودة | 05-25-16, 03:14 PM |
Re: ضياء الدين بلال.. التلميذ البليد والصحفي ا | محمد أبوجودة | 05-25-16, 03:26 PM |
Re: ضياء الدين بلال.. التلميذ البليد والصحفي ا | محمد أبوجودة | 05-26-16, 10:27 AM |
Re: ضياء الدين بلال.. التلميذ البليد والصحفي ا | محمد أبوجودة | 05-27-16, 08:15 AM |
Re: ضياء الدين بلال.. التلميذ البليد والصحفي ا | خضر الطيب | 05-27-16, 11:26 AM |
|
|
|