تعدد الزوجات مقابل تعدد الأزواج... لمن ينسب الأبناء في الحالة الثانية؟!!.

Quote: سلامات الأخ قير تور تعرف.. الزمن ده فى حاجة إسمها so what؟ .. وذلك مفتاح الـacceptance لأى حاجة .. :) غايتو البركة إننا حضرنا زمن الإنترنت ده وبقينا نسمع بحالات زى دى .. حتى أساطير ود أمبعلو والبعاعيت بقت حقيقة !:) (هسه يقوم أنور يجينى ناطى:)).. لكين لو قدرت تحصل مرحلة الـ so what تكون وصلت مرحلة عدم الإندهاش وتقبُّل إى شئ .. فإذا الراجل وجد راجل يعاشر حليلته ويقوم يقول so what ... خلاس تانى مافى شئ فارق فى الدنيا دى .. الحاصل إنو هناك مجتمعات وصلت أبعد من so what .. زى مثلاً واحد أفريقى دعته إمرأة وزوجها فى إحدى دول أوروبا للعشاء .. وأثناء الجلسة قالت له إنها إتفقت مع زوجها على إن تحمل منه لتنجب لهم طفل أفريقى وذلك لرغبتهم فى طفل أسود .. فذُهل الرجل وعاين للزوج لقاهو يبتسم علامة الموافقة .. فصاحبنا قال ليهو.. أياااا الباطل .. وينو سيفك ؟؟ !!!... ده غير البدع بتاعة تبادل الزوجات والسكس الجماعى ووو شايف؟ .. الناس فاتت الـso what بغادى ... هسه السيخ ديل يقولوا عليهم شنو؟؟ .. تكونش هناك نسخة من فطرة بهيمية مخبوءة فى الطبيعة البشرية ؟؟ .. عموماً إذا الناس وصلت من التطور مرحلة so what، فالأولى نسب الأبناء لأمهم .. (سيبك من DNA دى .. أنا شبه متأكد إنو فى يوم من الأيام ستصبح فقاعة مشكوك فى دقتها !!.. زى ما هسة بعد سنين طويلة من بليع الناس لأدوية السكرى ألمانيا وفرنسا سحبت منتجاتها من سوق العلاج لأنهم وجدوا أنها تتسبب فى السرطان .. فتأمَّل ..)