*** أغرب بجاحة ، وقوة عين تفقع المرارة ... ؟!!!

Quote: Mohammed Suliman Khalid · جامعة الخرطوم اليفقع المرارة فعلا هو تعلق بعض الشماليين بالجنوبيين بالرغم من المذابح والكره والحقد تجاه الشمال والانفصال بنسبة 99% والفرح والرقص يوم الانفصال. الناس دي لو م مضطرين ما دايرين يشوفوا اضان حمرا حتى ف الحلم. طبعا الشماليين ديل هم الشيوعيين واليسار اللي م ح تقوم ليهم قايمة في السودان الا على ظهور الجنوبيين. بس المشكلة الحاصلة انو الجنوبيين هم ف كل مرة بركبوا ظهورهم عشان يوصلوا لأغراضهم. سواء الوصول للانفصال أو تدمير الشمال.

أبداً يا محمد مافي تعلّق ولا حاجة ..

وجهة نظري إنه مامن الحصافة ..

إنكـ عشان عايز تكيد لي دولة الجنوب .. وتزيدها فشلا ..

وعشان صوتت للانفصال وبالنسبة المرتفعة دي ..

تقوم تضر بلدك وناسكـ ..

انا بشوف إنه أي محاولة لافشال دولة الجنوب ..

أكتر مما هي فاشلة سينعكس سلباً على الشمال ..

وممكن تحصي سلبيات وضع زي ده لامن تفتر ..

لانه ببساطة دي دولة جارة ليك وملصقة فيكـ ..

والعندهم حيصلكـ كان خير كان شر ..

للعلم فقط ...

عارضت شخصياً وبشدة انفصال الجنوب ..

وهسه بعارض وبرضو بي شدة ..

أي دعوة للوحدة من جديد ..

لسببين إنه ده كان خيار المواطن الجنوبي ..

( رغم علمي التام بإنه تم التغرير به ..

وتسويق الانفصال له بصورة أشبه ما تكون بالخدعة ) ..

وكمان بعتقد إنه الحرب حتعود من جديد في حال الوحدة ..

وبصورة أقوى من الاول ..

يبقى الحل واحد ..

جوار جيد وآمن وتبادل منافع ومصالح اقتصادية بين الدولتين ..

زيهم وزي أي دولتين جارتين بينهم مصالح مشتركة ..

الناس حقو تتخلص من الغبن والاحقاد واجترارها ..

لأن ذلك يفسد أكثر مما يفيد ..

بعدين الناس بدل ترجع لي ورا ..

أخير تمش لي قدام ..

وتتعامل مع الانفصال كامر واقع وتتجاوزه ..

ـــــــــــــــــــــــــــــــــــــــــــــــــــ

اللاجئين واستقبالهم ورعايتهم والمسائل الانسانية دي ..

خارج اطار أي تنظير سياسي ..