Quote: وحقيقة هي المفردات زااااتا مشكلة بالذات مفردات اغنية الكواكب احتفلوا بالقمر بتخلي
الما بحس يتحسس ويتحمس هههههههه
كدي شوفوا زي الكلمات دي بالله
الشعر نزل للردف ستر
وزاحم القدم وفيه كم عثر
الصدير قلع والردف نتر
الضمير تعب حالتو في خطر
ؤ كمان عوض احمودي بابداعه على آلة العود يخليك عايش
جوة اللحن وقلبك يدق مع كل وتر مية دقة
ياخ انعل أبو كدا زاتو والله العظيم دا الفن وللا بلاش
الغالي يا ود الغالي، حبابك ألف .
ود احمودي دا خبرو براهو، أصلو فات الكُبار والقدرو اما إنتقاء المفردات والوصف
ديّل خلهن لشعراء الحقيبة ؤُ ضيف ليهِن سرعة البديهة كمان .
كدي تعال شوف عمنا ود الرضي وقصتو مع انا انا في التمني .
قالوا لجنة النصوص دعت ود الرضي قبل إجازة الأغنية لأنوا ضمّن فيها بيت عايزين
يناقشوهوا فيه .
يفـر خيـت بسمـه يشبـه .. برقـا ً ليلـو هاجـع
يرفـع لـي رشاشـو .. يسـبـل نـظـره واقــع
دايـر أشوفـو غافـل .. ودايـر أشوفـو جــاذع
محنن دون قنيلا ... وحدو وتوبو واقع
يتغطـى بـي سواعـدو .. ويحنـو كأنـه واجــع
ويلتجـى بـى مرافقـو .. وأطــراف المضـاجـع
وتتلـب فــوق شفاهـهـو .. لـؤلـؤة المـدامـع
يـردد لـي نغيمـا ً .. تشـتـاق لــه المسـامـع
والبيت المقصود هو،
محنن دون قنيلا ... وحدو وتوبو واقع
فبمجرّد ما قالولوا البيت المقصود ردّ عليهم بـقوله،
متلاعب ليس إلا ... ما موضوع مطامع
فردت عليهو اللجنة أنو ده تلاعب وحذفت البيت واجازت بقية القصيدة .
شُفت كيف ؟!.
هآك إستمتع بيها من المبدع حسن شرف الدين،
VIDEO