سلامات يا معاوية يا زول يا مرهف يا جميل
والله الليلة انا اتفاجأت بوجود فنان زي حسن محجوب دا
وما ظاهر زي كتير من الفنانين البقولو عليهم هابطين اضطرارياً
في مطار الفن فالزمن صعب ويا كفر ويا وتر عشان تعيش
المهم هذا الفنان الانيق يملك صوت جميل واحساس عالي جداً بما ينطقه من مفردات
وحقيقة هي المفردات زااااتا مشكلة بالذات مفردات اغنية الكواكب احتفلوا بالقمر بتخلي
الما بحس يتحسس ويتحمس هههههههه
كدي شوفوا زي الكلمات دي بالله
الشعر نزل للردف ستر
وزاحم القدم وفيه كم عثر
الصدير قلع والردف نتر
الضمير تعب حالتو في خطر
ؤ كمان عوض احمودي بابداعه على آلة العود يخليك عايش
جوة اللحن وقلبك يدق مع كل وتر مية دقة
ياخ انعل أبو كدا زاتو والله العظيم دا الفن وللا بلاش
تحياتي ومشكور على الابداع ومتابعين