[صور حصرية من دول الساحل]

ول ابا بريمة..حبابك يا صديقي

ده شنو يا بريمة ياخي؟..

المطامير يا ولد ابوك بيحفروها في الأرض (نظام تخزين تحت الأرض ، وشغالين بيهو اهلنا ناس شمال كردفان)..

الكول حاجتين ، يا مدفون تحت الأرض يا في برمة..!

لا اعتقد انو البرام دي كلها بتاعة كول..!!!

كنت متوقع منك يا بريمة وانت زول زراعي ، وكذا صديقنا سيف اليزل ، تركزوا لينا على صورة الهشاب..

هل تصدق يا بريمة الخلق الحايمة هنا دي عمرها ما شافت شدرة هشاب ، وفي نفس الوكت البعض بيقيف مع عقوبات امريكا الإقتصادية على امسودان ،

وبينسى انو واحدة من الموارد الإقتصادية التي استثنتها امريكا من العقوبات على امسودان هي مادة الصمغ العربي..!

نظريتي قلتها من قبل ، وانتبه ليها صديقنا محمد ادم ، أنو اكبر منطقة لإنتاج الصمغ العربي في امسودان هي منطقة شمال كردفان ،

وهذه منطقة تخلو تماما من النزاعات..!!..لأنو ببساطة امريكا أيتها حتة بتضرب مصالحها بتقيف فيها الف احمر..!!

هذه النظرية ستؤكدها صور صديقنا سيف اليزل ، لو انو قال لينا محل اشجار الصمغ العربي في تشاد أو النيجر هي مناطق خاليه من النزاعات الدموية..!!!

يا ترى كم في هذا المنبر شاف شدرة الهشاب البتنتج الصمغ العربي ؟..و يا ترى كم منهم عندو فكرة عن شدرة الهشاب: هل هي طبيعية أم تزرع بفعل الإنسان؟..

هل بيحدث فرق لو قلنا للناس هنا: انو شدرة الهشاب شدرة طبيعية وبتقوم براها لله ورسولو كده؟..

ويا تري كم زول/ة ح يجوعر حسرة على ثروات امسودان الكتيرة والناس ما جايبة ليها خبر؟..

ودمتم..

كبر