Quote: مما يحكى عن السيد الحسن ان قد اشتهر أحدهم (على زمان السيد الحسن) بكثرة الصوم فأسماه الناس "الصايم ديمة" (دة غير بتاع أم بدة دة) ... يقال - والعهدة على الرواة - أن السيد الحسن نصحة قائلا (بقت ليك شهرة، أحسن تخليها) والمعنى واضح |
تحياتي استاذ عبد الله عثمان..
تلك قمة الورع والزهد من الشيخ الصائم ديمة ..
ولكن ..هل من الحكمة ترك العمل الصالح لو انكشف للناس؟
في السياق ايضا عندنا احد قراباتنا عندو مقولة مشهورة .. حينما يعمل احدهم عملا بقول ليهو : "والله الشغلة دي لو لي الله الله اداك .. واكان لى حاجة تانية الترابة دي في خشمك"..
اعرف احد رجال الاعمال ويدعى قسم الله العقيد من نواحى غرب شندي منطقة الجوير ..هذا الرجل يزوج من حر ماله سنويا 100 شاب وشابة وييسر حج 40 رجلا وامراة ..
ذهبت اليه لاجراء حوار معه فرفض رفضا قاطعا ..وقال : قد سبقك مراسلي الفضائيات السودانية والصحف السودانية فرفضت ..
وكان اثناء احتفالات الزواج الجماعى الذي يموله من الالف للياءلا يتحدث ولا تفرزه من عامة الناس ..
وبخصوص اخونا درمة ارى الا يميز نفسه بزي معين .. ويقلل من تطفل الصحافيين..
ولا نقول له اترك دفن المشاهير ..
فهنالك من غمار الناس المدفوعين بالابواب الشعث الغبر من اقسم على الله لابره..
تحياتي واحترامي