حبيبنا عادل .. تحياتي ..عابدين درمة إستضفناه في منتدى الاربعائية لابناء دنقلا في جدة
فكان الحوار معه ممتعاً جداً ..
نحن كسودانيين لدينا تراث خاص بنا في الحكاوي والجلسات الاخوانية ..
فتجد الناس في حلة ومكان الشغل مجموعة أنس بها تنوع خاص ..
لكل مجاله .. الحالم .. والمتكبر .. وصاحب المبالغات .. حتى الكذاب الغير مضر ..
والانيق .. ومبهدل .. والسكران .. والمسطول .. والمجنون .. والمخرف ..
تجد كل منهم له دور في الجلسة والحكاوي .. وإذا غاب أحدهم ترك فراغ ..
وتدور الاسئلة .. يا أخي زول ده وينو ؟ ما يجي يدينا دراريب كده ؟
دي شخصيات موجودة عندنا .. تجدهم في موقف البصات ومشرع المراكب وبرندات الدكاكين والمناسبات
ومحبوبين من المجتمع على الشرط يكون طيب وحسن السلوك
مودتي عادل .. صدقني درمة زول ود بلد وناس لآخر درجة ويجيد فن الحكي ..
رغم أني غير مديني وزول جاي من ضواحي الدنيا آخر دنقلا هناك .. عابر سبيل
وجدت أن هناك في مجتمعنا أمثال درمة بس ( بالنوبية ) ..
تحية لدرمة .. وأتمنى أن يأتي في الحج القادم .. لنسمع منه ..
وعلى الصحفيين التركيز على مواضيع أهم ..
حبيبنا عادل معليش طولت عليك ..