سلامات يامنى .. حقك علينا ما تزعلى .. تعليقى كان على كلمة الهالك زى ما شايفة .. وحبيت أذكرك كلنا سنهلك .. ويجب أن يبقى الأثر الطيب ..
ربنا ياخد ليك حقك فى الدنيا والآخرة .. ومن حقك كمظلومة تدعى على الظالم .. وأمشى فوق برش الصلاة أدعى ليل ونهار ..
بس برضو أحمدى الله إنك فى خانة المظلوم وليس الظالم وعليك حقوق ناس ..
لأنه للعينى شايفاهو ده أى ابن أنثى لو لقى سلطة لن يرحم مخالفيه .. والحاصل أنو ـــ كما كررت كثيراً ـــ أن معمعة السياسة هذه حتماً تضعك فى خانة قاتل أو مقتول .. ظالم أو مظلوم .. وكمية الهوس والعنف اللفظى الإسفيرى ده لو تنزّل لأرض الواقع لسفكت دماء أكتر من الإنسفكت ..
ومخاطبتى ليك إنت ما تعتبريهو حقارة ، إنما إعتبريهو تقدير .. لأنو باقى الكرور الهايج ما بضيّع معاهو حرف ..
المهم: دى كانت مِنى تذكرة ـــ ليكى ولينا كلنا ـــ يا تفكّرتى فيها يا ضربتي بيها عرض الحائط ..
-----
قلتى لى أنا جيت من هنااااااااااااااااك ؟؟
هههه ضحكتينى .. عبارة سودانية صميمة ..
من هناااك وين يعنى ..؟؟ :)