الترابي واحد من اعمدة الفكر السوداني هل صادق في قولي؟

كل البتقوله انك شايف الترابي مش مفكر وبس بل من اهم اعمدة الفكر في السودان ان لم يكن في العالم

ودايرنا بدون اي براهين نأييد

يا اخ صديق قلت ليك ارسم لينا ملامح من فكر الترابي هنا

ما دام انت شايفه مفكر واهم مفكر فأكيد قريت منتجاته وكتبه ومقالاته واحاديثه

يلا منها طلع لينا فكرة واحدة أصيلة

وبقول ليك اصيلة لأنه زي ما قلت ليك الترابي كل آراؤه الشاذة اتقالت قبل كدا في الكتب الصفرا

يعني حتى في شذوذه مقلد

وكتاب الشنقيطي كل الحاول يسويه انه ينفي عنه تهمة الكفر بزعم انه دي آراء اتقالت قبل كدا

غير كدا ورينا نظرية واحدة من نظرياته سواء في الاقتصاد او السياسة او حتى القانون تخصصه او في العقيدة او في المجتمع

اما اذا جيت لتربيته لتلاميذه فانت اهو بتحاول تتضارى من نتائج أفعال تلاميذه وبتقول لين لا تزر وازرة وزر أخرى

يعني ما زلت في خانة المدافع فقط وفي خانة اليك

ورينا نظرياته وفكره عشان نتنور معاك