وعليكم السلام والرحمة الأخ محمد التــازي
كلامك جميل ومرتب .. بس ياريت تبتعد عن التجريح والسخرية ...
-----------------------------------
Mohammed Eltaze
السلام عليكم
مشكور لرفع التعليق الثاني لي الي البوست الخاص بك وإليك الجزء الثالث من كشف الدجالين مخربين الدين
طول ما في مغفل النصاب بخير دي مقوله لي أخوانا المصريين وطول ما نحنا بعيدين من القران و من الدين
وماشين بي نظرية النقل قبل العقل فالنصابين بخير وعافية وبانين قصوووور
نفس الشرط القديم يا ترد من القران أو تسكت ساكت حين يتكلم الله عز وجل الكل يصمت
بعد نخلص من القران ونستوفي الأدلة نشوف السنة المطهره بعديها ونقارن بينا وبين القران
نجي نشوف أبسط واحد حيقول لي يا كذاب أنت بتنكر السحر ده ذكر في القران ههههههه حقول ليهو اقيف دقيقه
قبل ما نمشي لي الغريق سؤال من طرف الدولاب كده ربنا بيقول - قلنا لا تخف إنك أنت الأعلى وألق ما في يمينك
تلقف ما صنعوا إنما صنعوا كيد ساحر ولا يفلح الساحر حيث أتى - ده تأكيد من ربنا لايفلح الساحر حيث أتي عمرك شوفته ليك حاوي - لي حاوي؟!
لأنو بتاع لف ودوران وخداع عيون عشان كده سموهو ساحر- بيطلع قروش حقيقية أو حاوي بيعمل شنو ماعارف جد وله هي خفة يد
- عذرا هنا انت حتصدق القران وله حتصدق ناس النقل قبل العقل ؟!!!!!!!!! وناس سيدي الشيخ فلان وشيخ علان ؟!!!!!!!!
ربنا لمن يقول ليك ولايفلح الساحر حيث اتي يبقي الكلام انتهي من وين امو جات ما حيفلح لكن معاكم بيفلح وربنا كضاب طبعا 100%
ربنا كضاااااب لييه عشان عندنا الساحر بيفلح وبيعمل العمل وبيمشي ويوقف الحال صح وله غلطان ياريت تردوا ؟!!!
طيب المعوذتين ديل رايك فيهم شنو ومن شر النفاثات في العقد دي شنو ؟!!!! ويا ويا ويا الخ مسامحكم ماعندكم مشكله
هينه مع اني شرحتها ليكم في الجزو الفوق
لكن برضو من شر النفاثات في العقد نمسكها بالمقلوب العقد هي شنو ؟ .. العقده هي الرابط بين حاجتين ومن هنا جات
كلمة عقد النكاح وجات عقد زواج وعقد شراكة لي دي روابط بين شخصين أو أكتر وجات العقيدة المفروض هي الرابط
بينك وبين المولي عز وجل يبقي النفاثات في العقد ديل شنو هم البيفكو العقد زي شنو النميمه و القطيعه و الخ ديل البينفثو
وربنا قال النفاثات في العقد ده تشبيه لي الكلام الشين البيقولو فيهو زي الدبيب اليقرصكم في كرعينكم عشان يفكو العقد دي
ويقول ليك ديل الساحرات البيعملو العقدات في الحبل طيب لو راجل الايه دي تقعد بي جنبه صح ؟!!!!!!
بعد دا مفروض انو الكلام انتهي لو حابين ننقل لي السنه النبويه عشان الناس تقدر تتكلم ماعندي مانع -ناس النقل قبل العقل
وناس سيدي الشيخ ؟؟!!! وله نقفل الموضوع علي كده حسب رايكم
محمد التازي