انا مع رفع الحظر

Quote: مرحبا الهادي وحبابك احكي ليك .. قبل سنوات صحبي عندو بوكس مرايتو بالجمب اتكسرت .. مشينا المنطقة .. الاصلية بي 500 ج و الفشنك بي 40 ج شوف الفرق اكتر من 1000% الزيادة والاصلية بتجي بشكل ملتوي ليس من المصدر ولا توكيل . اشترينا التقليد ! اهو تاخد عمرها الداير اقولو الشركات الصينية شركات كثيرة وغير معروفة .. واكيد فتح الاسواق بجيب توكيلات من الشركات المعروفة الكانت خايفة من الحظر انا ماعندي مانع اشتري حنفية اصلية بي 30 ج واتاكد انها بتعيش معاي زمن مناسب .. وحتي البقولو اصلي مافي ضمان ليهو سوي كلام التاجر تعرف يا الهادي البضايع المضروبة دي والوكالات الشغالة تسفير للصين دي بدون ضوابط استيراد وتصدير غير خسارة المستهلك الزي دة فيها كوارث صحية فتح السوق للعالم من مصلحة المواطن وخت في بالك مش استيراد حتي تصدير سمسم ولا كركدي ولا غيرو بقينا مقفولين مع الصين وامريكا عندها القدرة للتأثير علي الشركات الكبيرة الما امريكية زاتو وزي ما قلت ليك رجالات السلطة ما فارق معاهم ديل عملو حتي الجاكوزي وحمام السباحة ونحن بنكابس في حنفية ما تؤثر في الميزانية