الخليفة عبدالله رجل المهديه الاول

Quote: ثالثا البوست ياخ لو انت او الرفعت ليه المشاركة عبر نافذة الفيس بوك بتحدث عن الخليفة عبدالله التعائيشي كرجل ثورة والاب الروحي والمهندس الاول لهبة قادت شعب امة الي دولة وطنية رابعاً الخرطوم مركز قرار ما مركز قرار دي ما تحدثنا عنها اصلاً لانه قبل الخرطوم التي اتخذها المستعمر عاصمة له كانت هناك عاصمة وكانت دار فور مملكة مكتملة الاركان كما ملوك تقلي وغيرهم رابعاً يقين الخليفة بفكرة المهدية ومهدية المهدي ينفي عنه بكل تاكيد حكاوي الحبوبات الاتحفتنا بيها دي عن اغتيال تم في حق المهدي ويضد فكرة بان كل الحروب التي تمت تاتي في اطار ايمان الخليفة بفكرة المهدية ووعيه الذي يضعه في مكانة الخليفة الصديق رضوان الله عليه والخارجين عنه بمثابة مرتدين وهذا الخط لم يتبناه الخليفة وحده المهدي في ايامه القليلة بعد تحرير الخرطوم قام بالكثير من الاجراءات المشابهة

يا ابوروضه حكايات شنو وحبوبات مين الاتحفتك بيها عن اغتيال المهدي إنت يا زول بتقرأ بي كراعك والله راميك قعود

Quote: خامساً الخلافة التركيية التي كانت في وعي الكثير من الشعوب ويقينهم بان حكام الامبراطية التركية هم خلفاء المسلمين التي يجب طاعتهم وانتاج فكرة المخلص من الخلافة الفاسدة فكرة ذكية تدل على عمق تفكير الرجل ودهائه السياسي وقراته الجيدة لما يحفز الشعوب ويدغدغ وجدانها لتطلاعات الخلاص واعتقد الخليفة نجح في ذلك

دهائه السياسي ما قلنا حاجه بدليل كل المنقول شفاهةً والمكتوب بقول إن الخلافة آلت إلية بالمكر والدهاء ولعلمك هو من اوحي للمهدي بإختبار ولاء الملك ادم ام دبالو عندما جاء مهنئاً بسقوط الابيض
فعندما رأي المهدي طيلة زيارة الملك أدم له كان يحمل طعامة ويسعي للملك حافياً عرفاناً منه بدورة في تأمين الثورة ومدها بالرجال فدفع بفكرة ان يدعو الملك أدم للذهاب مع الدراويش لإسقاط الخرطوم
فاعتذر الملك لانه جاء مهنئاً وليس مستعداً لمثل تلك المشوار وأشار إن جنودة معكم حتي النصر فأوحي للمهدي إن الملك فترة عزيمته وولاءهـ والا كيف يرفض لمهدي الله طلب فقتله في ابشع محاكمه ديكتاتوريه غادرة
وفي نفس المكان التم إستقباله فيهو ونفس الحشد الاستقبلوهو بيهو وعين ولدة بدلاً عنه
بالمناسبة كانت زي محاكم التفتيش الانقاذ بت العشرة ملكات مقارنةً بذلك العهد شغل مخك شوية وخلي الفهم بي نختك دا قلنا مقارنةً دا ما إقرار للإنقاذ للبي تعمل فيهو في خلق الله

Quote: سادساً وده المهم نقد فترة حكم الخليفة عبدالله لا يتم الا عبر استحضار المنهج الذي اختاره المهدي وليس الخليفة ولا يختلف كثيراً عن منهج المؤتمر الوطني وريسك البشير يا ريت تنتقد لينا سلطة الانقاذ وترفض جرائم القتل والابادة الجماعية التي تمت في عهد الانقاذ وفي زمن الديمقراطية ومفاهيم دولة المجتمع المدني وحقوق الانسان واضعاً في اعتبارك بان المهدي وخليفته قاموا بتحرير ارض من قبضة مستبد وبان المهدي وخليفته كانت تهددهم دولة احتلال واستكبار عالمي وبان مفاهيم الدولة الوطنية ومقوماتها لم تترسخ في وعي قادة القبائل والكثيرين ممن عملوا على تقويض المهدية وبان برنامج الثورة المهدية بعد التحرير لم يوفق في ان يكون جامع لكل السودانيين وكل ذلك مقبول في اطار النقد البناء

طيب يا روح الروضة إنت مستنكر علي الانقاذ البي تعمل فيهو لييييه ما برضو ما ترسخت ...وإستحضار المنهج .... والجبهة الثوريه عايز تقوض النظام وهلمجراااا

Quote: سابعاً حكاية الخرطوم مركز قرار وما مركز قرار بالرغم من انها ما موضوعنا وجات ضفاري هنا لربما تكون في وجدان من كانت لهم مصالح مع التركية والثابت بان جل الشعب السوداني يعلم بان العاصمة الوطنية هي ام درمان فضلاً عن ان ود مدني كانت عاصمة وسنار كانت مركز قرار عظيم والفاشر كما مملكة تقلي

بالله يعني أمدرمان كنت عاصمة وكمان وطنية قبل ينزل بها المهدي وجيوشه طيب ما قلت لسع المفاهيم الوطنية ما ترسخت دي محن شنووو يا جماعه
يااارااااجل إنت التاريخ دا بتقلاهو وييين يا ابوروضه إنت

Quote: تسجيل خروج انت بتقرا التاريخ ده من وين ياخ غردون اراد ان يرشي المهدي بعد حملة هكس باشا على طريقة مكره اخاك لابطل ولان الامبراطورية العظمى كانت تلاحقها الازمات وثورات تحرر الشعوب فاراد مهادنه المهدي وثواره الي حين ولكن انتبه المهدي لذلك ورد على غردون بوثيقة شهيرة الكلام ده فيه شنو ؟؟؟؟؟؟؟؟؟؟؟عشان تنقطروا لينا هنا لو قصدك بان غردون تجاوز الخليفة مافي اي تجاوز لان المهدي هو قائد الثورة المهدية وطبيعي ان تتم مخاطبته من قبل غردون وامبراطوريته ولكن السؤال هل تجاوز المهدي الخليفة عبدالله في رده على غردون بكل تاكيد

ياخي ماشاء الله تراك ماعندك عوجه ...
والله يا ابو روضة باقي لي احسن قراية الكرعين علي الاقل ظاااهرة
قال غردون اتجاوز قال
:
:
:
:
:
:
:
:
:
مع التحيات لله الزاكيات