العقوبات تجعل جهاز أمن النظام يحرك الخلايا النائمة في أمريكا - الآن كشف خلية للجهاز - صور

Quote: حافظ الإمام محي الدين · كالغاري كتب المواطن جورج بووك (عاطف عمر كوز، ولكنه من المتخفين، فهو يدافع على نظام الإنقاذ ولكن بطريقة خجولة). إنتهى ممكن تدينا أمثله لو سمحت، والمداخلات بالطريقه الخجوله دي بتكون كيف؟ يعني بكون في إحمرار في الوجنتين وللا ما بقدرن يدخلن علي الرجال. تعرف يا جورج كلمة كوز الصرفتها في البورد ده لو فعلاً جات ديقراطيه في السودان كما تدعي أنك ما تريد لفاز الكيزان بأغلبيه ساحقه. نصيحتي ليك تبقي حريص على الحكومه دي لأنها بتديك عذر شرعي إنك تعارضها لكن لو جات عن طريق ديمقراطيه ياهو جبونك الطار. لكن الكلمه دي أصبحت لا معنى لها علي الأقل بالنسبه لي خاصه عندما وصفتني بها وأنا أسكن معك في نفس المدينه لأكثر من عشرين سنه ولنا من المعارف المشتركه ما يؤكد عدم كوزنتي ولكن مشكلتك إنك قليل حيله وتلجأ للإسلوب ده لنيل عطف الآخرين ودعمهم لأنك لا تقدر علي المواجهه. توصلت لقناعه يا جورج إنك عندك مشكله مع من يجيد فن الكتابه والأمثله كثيره لو عايز بنجيب ليك. الشغله حساده بس، حتي الناس الماشين في نفس خطك في كراهية النظام ويكتبون بإسلوب جميل لا أراك تحتفي بكتاباتهم، يا أخي الكتابه موهبه ربانيه يعطيها الله لمن يشاء. مستغرب فيك في إنك عايز تاخد كردت في نجاح سودانيز وتحارب في نفس الوقت المبدعين. صدقني لولا عاطف عمر وآخرين من المبدعين لما أضعنا ثانيه من زمننا في تصفح المنبر. يشهد البورد لعاطف عمر معارك فكريه كثيره خاصه مع الجمهوريين وفيهم من نشأ معه في رفاعه ولكننا لم نسمع من رماه بالكوزنه، تجي إنت يا الحمبره ترمي ليك كلام وتجري. كدي أنا بتحداك تفتح ليه بوست وتواجهه بالتهمه دي وجيب ماعندك، هل تقبل التحدي؟ المره الفاتت وقفناه منك لكن المره دي لو تفتح بوست تآخدعلي رأسك لمان تقول بس وأنا بكلمك إحذر غضب الحليم