دينق ,, فى الفيديو ده تجد الفكرة التى احاول ايصالها لك زى رامسفيلد ده يستحق الدعاء عليه ,, لكن النسوان ديل والناس الـ سَيَّروهو ديل يدعوا عليهم فى شنو. امريكا فيها ناس زى ديل مابكون عندى معاها مُعضلة اريت عضلاتك بانثى الانوفليس الـ ترقّدك نامن تفوتك الطيارة امش كمان افتح ليك بوست وقول الفاضلابى يدعو على دينق. بعدين يادينق الظَّلمة ديل فى كل مكان فى الدنيا دى يعنى إنت عاوز المسلمين ديل يسكنوا فى المريخ ولا فهمك ده نفرو شنو؟ وبعدين ياخ اوروبا وامريكا ديل غير انهم بينظروا لى كلام زى الـ فى بوست على إنه حرية تعبير تانى شنو؟ إنت عاوز تديهو اكبر من حجمه وعاوز تعمل منه جريمة وترهب بيهو الناس ,, وانت اول العارفين انه الاوروبيين والامريكييين لايجرِّمون اقولاً كهذه لأنهم ببساطة لايؤمنون بها ولايعتبرونها حتى تحريضاَ ,, ياخى ديل شتموا نبى الاسلام افضل البشر وقالوا دى حرية تعبير فشنو الـ بخليهم يقولوا ودالسقاى خرج عن اطار حرية التعبير فإن قالوا يبقوا هم الواقعين فى ازمة ,, زول بسأل ربه لاشال ليهو عكاز ولا سكين وانتوا مامقتنعين بى ربه الـ مخوِّفكن شنو؟ صحيح انت بتقول انو عايش فى Conflict ويمكن يكون كلامك ده صحيح فى حالات وامثلة اخرى بس فى حالة اخونا ود السقاى دى زى ما وريتك مافيها ازمة ولا شيئ ,, أها ايه رايك انا بنتى بتقرأ فى Charter School بتاعة يهود واتعرضت لمشكلة عنصرية قبل كده فهل تأزمت العلاقة بينى وبينهم ؟ وهل وضعت كل اليهود فى سلَّة واحدة ومرقت بنتى من المدرسة؟ ,, لم افعل مع ان الخيارات قدّامى كتيرة ,, ليييه ؟ لأن دينى علَّمنى أن اهل الكتاب ليسوا سواء حيث يقول الله سبحانه وتعالى: {: لَيْسُوا سَوَاءً مِنْ أَهْلِ الْكِتَابِ أُمَّةٌ قَائِمَةٌ يَتْلُونَ آيَاتِ اللَّهِ آنَاءَ اللَّيْلِ وَهُمْ يَسْجُدُونَ} ودونك هذا الفيدو فهل أعامل هذه السيدة بنفس التقدير الذى اعامل به رامسفيلد؟ بعدين ياخ ودالسقاى ده ما حدد شخص بعينه ,, فانت فى كل البوستات اللى لعنت فيها ناس الإنقاذ ديل فى زول قال ليك انت بتلعن فى المسلمين؟ ولاَّ فى زول فتح بوست قال انت فى ازمة . بعدين يادينق كل زول فارق بلده ليهو اسبابه الخاصة ,, ومشى لى بلد شاف انه ضرر اخف من ضرر وقبل بالوضع رغم انه لايرضيه كل الرضا تجى انت عاوز الناس تعيش فى الغرب بالطريقة اللى عاوزها انت؟ وإنت واحد من الناس تركت ارض آبائك واجدادك لظروف يعلمها الكل وبالتأكيد فى وطنك الأصلى فقدت اشياء ماتزال تحن اليها ولو مارستها فى الغرب لاتُقبل منك فوجدت نفسك مجبراً على التخلى عنها ولن تفوت الفرصة فى الإستمتاع بها او ممارستها حين تتاح لك ,, فاذا اتيحت لود السقاى حرية تعبير رضى بها أهل البلد فماتجى انت وتعمل فيها سلطان اكثر من السلطان نفسه . دينق قوم لف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالعزيز الفاضلابى
فيس بوك
تويتر
انستقرام
يوتيوب
بنتيريست