|
مفارقات في الغربة
|
من مفارقات الغربة (1) الشغالة وضعته أم العيال بين خيارين أما يؤجر لها شغالة أو زيارة لامها لآنها على وشك الوضوع .. حسبها سريعا في دماغه وتذكر زيارة أم النسب في الولدة السابقة حيث ( ورته الويل وسهر الليل ) أمرأة متسلطة كانت تتدخل حتى في ملابسه الخاصة ( يا راجل البشتة العليك شنو عليك الله هسع في السعودية دي في زول بيمشي الشغل بشبشب ؟ كان ما الجزم عندكم رخاص شوف عيني في السوق يومداك في جزم بتلاتين ريال ) .. مر هذا الشريط في ذهنه سريعا وقال في نفسه علي باليمين كان أاجر شغالات براتبي كله ولا أجيب أمها ديك اسبوع واحد .) وقال محاولا يتظارف . - والله زيارة الحاجة ما بناباها برانا مشتاقين ليها لكن هي زاتها كبرت ومرضها كتر أحسن نجيب ليك شغالة تساعدك وتريحك .. - أنا كمان قلت كدا وعارفاك ما بتقصر يا أبو عاطف .. واستدرك سريعا : لكن بشرط أول ما تقومي من النفاس نتخارج منها يعني شهر بس كفاك . - خلاص مافي مانع .. - طيب أها الشغالات ديل قعد يجيبوهن من وين ؟ - بعرفوا اسأل صاحبك عثمان لامن سعاد نفست جابها ليها من وين ؟ - والله صحي فكرة (بعد اتصال مع صديقه عرف المصدر ) وبعد اسبوع جاءه اتصال آخر يروح يستلم الشغالة الاندونيسية ..راح استلمها بشنطتها فرح بها كل البيت الصغار وألأم . وكعادة السودانيين أعتبروها ضيفا عزيزا ربما خدموها أكثر مما تخدمهم .. أول ما دخلت الشغالة وادخلت شنطتها أتته أم العيال تحمل ورقة فيها طلبات غريبة ( رز بسمتي .تونة . كاري .. كرتونة أندومي .. صلصة الصويا .. خل التفاح .. ملح أنجليزي .. قوانص دجاج .. مكرونة) قرأ الورقة سريعا ( دا شنو دا يا ولية أنتو عندكم دقة زار ولا شنو ؟ الحاجات دي شنو كمان ؟. - أجي دي ما طلبات الشغالة .. كمان عايزنا نفرض عليها أكلنا يمكن ما يعجبها.. على مضض بعد أن هز رأسه ومص شفتيه مصدرا كل ما يتقن من أصوات الامتعاض خرج الى السوبر ماركت محضرا الطلبات الغريبة عليه . أصبحت الشغالة واقعا مريرا.. في الظهير يرقد في الصالون يريد أن يأخذ القيلولة بين الدوامين تقطع نومته محاسن ( خضر.. خضر... قوم ) في شنو يا حاجة .( اتحول لغرفة النوم ميري عايزة تنظف الصالون ..وأنت زاتك النايم ليها شنو كفاك طلع ليها هدومك الوسخانات عشان تغسل ) .يوم آخر منتظرا الغداء بالصالون مع عياله تأتيه صينية الغداء بها أطباق غريبة ( مكرونة مخلوطة بقطع الدجاج ) وسلطة بها قطع من الجبن ورز مخلوط بالخضروات ..( محاسن تعالي هنا ... في شنو يا راجل مالك ؟ .. دا أكل شنو دا وبعدين ريحته غريبة كدا زي سوق البطحا ..) .( أهااا دي ميري أصرت قالت تسوي لينا الغدا هي .. قالت زي ما أنا ضقت أكلكم أنتو كمان لازم تضوقوا أكلنا ..... يا سلام ؟ يعني هو نحن كنا عزمناها على أكلنا ولا هي كانت بتضوقوا بس .. دي كانت تلهط أكثر مننا في المفروكة والقراصة .. يخسي عليك يا خضر خلي عندك انسانية وما تجرح مشاعرها ..أوفففف تأفف.. وفي الصباح مع جوطة الاطفال والاستعداد للمدرسة العيال يا بابا زيد لي المصاريف . يابابا قالوا لينا جيبوا حق اليوم المفتوح .يا بت الله يفتح راسك وراسهم . استغفر الله العظيم .. تأتي محاسن . هوي هوي هوسسسسسسسسسسسس . في شنو يا مرة مالك ؟؟ . وطوا صوتكم الشغالة نايمة .. يا سلام وهي الشغالة دي جاية تقضي اجازتها معانا ولا شنو ؟.. يا خضر حرام عليك ياخ دي بتصحى من عشرة صباحا لغاية عشرة بالليل على فد وقفة ..وكمان بتصحى من النوم عشرة صباحا ؟.. حرام عليك ياخ خلي عندك انسانية .. وذات ليل أتى من عمله مستعجلا ومحصلا مباراة هلال مريخ أجل كل غشواته الليلية . حضر الشوط الآول منتشيا وناسيا همومه . قبل أن تأتي محاسن .. خلاص يا خضر قوم كفاك .. كيف يعني كفاي يا داب الشوط الأول .. خلاص كفاك شوط واحد .شنو كفاي شوط واحد هو أنا لاعب ؟ . ولي شنو أقوم . ياخ ميري متابعة المسلسل التركي خليها تحضر الحلقة .. شنو هي ميري دي حتى ترفيهها بقى مقدم على ترفيه ناس البيت ؟ حرام عليك هي ما بشر زينا طول اليوم تعبانة تخدم فينا خليها ترفه شوية . قام يغلي بالغيظ وما زاد غله وجد ميري مختبئة خلف باب الصالون وتتبسم فرحة بالانتصار . لدرجة كاد يلطمها من شدة غيظه .. ويلفظ زفراته الحرة التي تحكاي المايكرويف وراح يغالب النوم عساه يأتي . كان يعد الأيام بل يكاد ينتزع من النتيجة كل يوم أكثر من ورقة حتى يمر هذا الشهر العجيب الحمد لله بشر بالمولود الجديد من قبل اسبوعين . وأصبحت أم العيال تتحرك وتباشر عملها .. الى أن جاء الشهر .. صرف الراتب أول خطوة جرى ناحية الصراف الآلي سحب راتب الشغالة قبل كل شئ .. وجاء يحمله فرحا مستبشرا بالتخلص من هذا الكابوس . - محاسن ( بصوت عالي ) - خير يا خضر في شنو خلعتني نعلو ما في زول مات .؟ - ما في زول مات هاك ادي الشغالة راتبها وقولي ليها لمي هدومك عشان نرجعها لآهلها . - وووب علي هو الشهر مر سريع كدا ؟ - آآآي ما انتي ما بتحسي بيه ما مرتاحة حا تحسي كيف. - بعدين هيثومي لسع صغير - وهي مالها وما هيثومي قعد ترضعو .؟ بعد قليل يتحول البيت الى عويل وبكاء الاطفال ومحاسن والشغالة نفسها ويعد قليل تأتيه محاسن محاولة الغاء هذا القرار أو تأجيله على الأقل . - يا خضر ياخ البت دي أتعلقت بينا واتعلقنا بيها خليها ياخ وحتى هي كمان قالت بعمل ليكم خصم . - تتعلق بينا شنو ما لقت الراحات دي كيف ما تتعلق هي في البيت دا بقت مرتاحة أكثر مننا . - حرام عليك خلي عندك انسانية ما تكون غليظ القلب . - أنسانية شنو الشابكانا ليها دي ياخ الانسانية يعني أنا اتخلى عن راحتي في بيتي ؟ بعد شوية يدخل الاطفال بصحبة الشغالة محاولين الضغط عليه .. هو حسبها سريعا رأى أن الأمر ذاهب الى تثبيت الشغالة بصورة دائمة .. و يا ويله اذا حدث ذلك . هو ما صدق أن هذا الشهر قد عدى .أذا ما هو الحل ما هو الحل يا خضر كثرت عليك الضغوط ..أخيرا وجدتها ( هذه الشغالة سأخرجها من الباب البجيب الريح ذاته ) مش المثل بيقول سدو واستريح لا أنا لازم أفتحه .. - محاسن خلي الاولاد ديل يمشوا بيغادي عندي ليك كلام خاص. - سجمي في شنو كمان . يلا يا ميري خديهم بيغادي . وما تخافي بابا بيهزر أنتي قاعدة معانا قاعدة يلا أفرحي وفرحي العيال معاك . - أها في شنو خير .؟ - تعرفي البت دي قعادة معانا ما شرعي . - كيف يعني ..؟ - يعني هي تلاقيها لافة وسطنا بالبرمودا ومرات ببطنلون الجينز وشعرها كمان ماشاء الله نازل في نص ضهرها وناعم .. كل ما يزيد خضر جملة يلاحظ الى عيون محاسن بدأت تتسع وتحمر ..وهو مكمل وكمان الواحد صعب في بيته يكون طول اليوم مغمد عيونه ويداقش في العفش .. وجسمها كمان .. - خلاص كفا .. نهرته محاسن بعد أن تكحلت عيناها بالشطة .وقامت بسرعة وهو يسمعها . - يلا يا ميري لمي هدومك في الشنطة راح نوديك هسع لآهلك .. طرب خضر وكاد أن يفرك يديه طربا وفرحا لو لا الخوف من كشف مكيدته .. بعد قليل خرجت الشغالة تحمل شنطتها وبعد ما لبست عبايتها .. خضر محاولا التظارف : كمان كان قلتي انسانية وكدا خليها أنا غايتو بحاول أغض بصري . - خلاص قفل الموضوع دا أنتهينا منه . - ممكن أوصلها ما عندي مانع . - أقعد هنا ولا تعتب من البيت دا أنا أديتها حق الليموزين خلاص . وفي ذاك اليوم نام بخضر بعمق تعلوا وجهه ابتسامة باتت معه حتى الصبح . وبرضو تقول لي الشيطان شاطر .
|
|
|
|
|
|
|
العنوان |
الكاتب |
Date |
مفارقات في الغربة | درديري كباشي | 01-26-15, 10:04 AM |
Re: مفارقات في الغربة | ismeil abbas | 01-26-15, 11:02 AM |
Re: مفارقات في الغربة | درديري كباشي | 01-26-15, 02:23 PM |
Re: مفارقات في الغربة | درديري كباشي | 01-26-15, 02:53 PM |
Re: مفارقات في الغربة | محمد فضل ابراهيم | 01-26-15, 03:14 PM |
Re: مفارقات في الغربة | درديري كباشي | 01-26-15, 03:47 PM |
Re: مفارقات في الغربة | محمد فضل ابراهيم | 01-26-15, 04:22 PM |
Re: | محمد البشرى الخضر | 01-26-15, 06:12 PM |
Re: | درديري كباشي | 01-26-15, 07:48 PM |
Re: مفارقات في الغربة | درديري كباشي | 01-26-15, 07:29 PM |
Re: مفارقات في الغربة | درديري كباشي | 01-26-15, 07:54 PM |
Re: مفارقات في الغربة | درديري كباشي | 01-26-15, 08:01 PM |
Re: مفارقات في الغربة | Dahab Telbo | 01-26-15, 09:41 PM |
Re: مفارقات في الغربة | عمر عبد الكريم علي | 01-26-15, 10:24 PM |
Re: مفارقات في الغربة | درديري كباشي | 01-27-15, 06:07 AM |
Re: مفارقات في الغربة | درديري كباشي | 01-27-15, 06:10 AM |
Re: مفارقات في الغربة | درديري كباشي | 01-27-15, 06:33 AM |
Re: مفارقات في الغربة | درديري كباشي | 01-27-15, 06:03 AM |
Re: مفارقات في الغربة | درديري كباشي | 01-27-15, 08:48 AM |
Re: مفارقات في الغربة | محمد فضل ابراهيم | 01-27-15, 09:14 AM |
Re: مفارقات في الغربة | درديري كباشي | 01-27-15, 09:41 AM |
Re: مفارقات في الغربة | درديري كباشي | 01-27-15, 10:49 AM |
Re: مفارقات في الغربة | درديري كباشي | 01-27-15, 06:49 PM |
Re: مفارقات في الغربة | درديري كباشي | 01-28-15, 09:18 AM |
Re: مفارقات في الغربة | معاذ الفحل | 01-28-15, 09:32 AM |
Re: مفارقات في الغربة | أحمد يوسف مولود | 01-28-15, 11:37 AM |
Re: مفارقات في الغربة | محمد حمزة الحسين | 01-28-15, 03:15 PM |
Re: مفارقات في الغربة | درديري كباشي | 01-28-15, 04:14 PM |
Re: مفارقات في الغربة | درديري كباشي | 01-28-15, 08:01 PM |
Re: مفارقات في الغربة | درديري كباشي | 01-28-15, 08:00 PM |
Re: مفارقات في الغربة | درديري كباشي | 01-28-15, 07:58 PM |
Re: مفارقات في الغربة | درديري كباشي | 01-28-15, 09:06 PM |
Re: مفارقات في الغربة | درديري كباشي | 01-29-15, 10:53 AM |
Re: مفارقات في الغربة | درديري كباشي | 01-29-15, 03:39 PM |
Re: مفارقات في الغربة | احمد محمد بشير | 01-29-15, 09:41 PM |
Re: مفارقات في الغربة | درديري كباشي | 01-30-15, 11:16 AM |
Re: مفارقات في الغربة | درديري كباشي | 01-31-15, 09:58 AM |
Re: مفارقات في الغربة | درديري كباشي | 01-31-15, 04:53 PM |
Re: مفارقات في الغربة | درديري كباشي | 02-01-15, 10:44 AM |
Re: مفارقات في الغربة | ابوحراز | 02-01-15, 10:45 AM |
Re: مفارقات في الغربة | درديري كباشي | 02-01-15, 02:57 PM |
Re: مفارقات في الغربة | درديري كباشي | 02-01-15, 04:40 PM |
Re: مفارقات في الغربة | احمد محمد بشير | 02-08-15, 02:28 AM |
Re: مفارقات في الغربة | درديري كباشي | 02-09-15, 08:10 PM |
Re: مفارقات في الغربة | درديري كباشي | 02-09-15, 08:36 PM |
Re: مفارقات في الغربة | درديري كباشي | 02-09-15, 09:02 PM |
Re: مفارقات في الغربة | اميرة السيد | 02-20-15, 00:02 AM |
Re: مفارقات في الغربة | درديري كباشي | 02-20-15, 04:50 AM |
Re: مفارقات في الغربة | محمد فضل ابراهيم | 04-14-15, 04:52 PM |
Re: مفارقات في الغربة | درديري كباشي | 04-14-15, 05:08 PM |
Re: مفارقات في الغربة | درديري كباشي | 02-19-15, 10:32 PM |
Re: مفارقات في الغربة | محمد فضل ابراهيم | 04-14-15, 05:09 PM |
Re: مفارقات في الغربة | درديري كباشي | 04-14-15, 05:35 PM |
Re: مفارقات في الغربة | اميرة السيد | 04-14-15, 08:40 PM |
Re: مفارقات في الغربة | درديري كباشي | 04-15-15, 06:21 AM |
Re: مفارقات في الغربة | اميرة السيد | 04-15-15, 02:27 PM |
Re: مفارقات في الغربة | درديري كباشي | 04-16-15, 09:22 AM |
Re: مفارقات في الغربة | درديري كباشي | 04-16-15, 09:30 AM |
Re: مفارقات في الغربة | درديري كباشي | 04-16-15, 10:13 AM |
Re: مفارقات في الغربة | ismeil abbas | 04-16-15, 11:20 AM |
Re: مفارقات في الغربة | اميرة السيد | 04-16-15, 03:38 PM |
Re: مفارقات في الغربة | اميرة السيد | 04-16-15, 05:50 PM |
Re: مفارقات في الغربة | محمد عبد الله الحسين | 04-16-15, 06:23 PM |
Re: مفارقات في الغربة | درديري كباشي | 04-16-15, 11:18 PM |
Re: مفارقات في الغربة | درديري كباشي | 04-18-15, 07:28 AM |
Re: مفارقات في الغربة | درديري كباشي | 04-18-15, 08:24 AM |
Re: مفارقات في الغربة | درديري كباشي | 04-19-15, 06:52 AM |
Re: مفارقات في الغربة | درديري كباشي | 04-19-15, 08:16 AM |
Re: مفارقات في الغربة | درديري كباشي | 04-21-15, 09:23 AM |
Re: مفارقات في الغربة | درديري كباشي | 04-22-15, 07:06 AM |
Re: مفارقات في الغربة | درديري كباشي | 04-22-15, 09:07 AM |
Re: مفارقات في الغربة | درديري كباشي | 04-22-15, 04:13 PM |
Re: مفارقات في الغربة | درديري كباشي | 04-23-15, 06:09 AM |
Re: مفارقات في الغربة | ALWALEED ALSHEIKH | 04-23-15, 06:19 AM |
Re: مفارقات في الغربة | درديري كباشي | 04-23-15, 08:09 AM |
Re: مفارقات في الغربة | درديري كباشي | 04-23-15, 10:42 AM |
Re: مفارقات في الغربة | درديري كباشي | 04-23-15, 05:25 PM |
Re: مفارقات في الغربة | اميرة السيد | 04-24-15, 03:50 PM |
Re: مفارقات في الغربة | درديري كباشي | 04-24-15, 07:24 PM |
Re: مفارقات في الغربة | درديري كباشي | 04-26-15, 07:58 AM |
Re: مفارقات في الغربة | درديري كباشي | 04-27-15, 10:37 AM |
Re: مفارقات في الغربة | درديري كباشي | 04-28-15, 06:16 AM |
Re: مفارقات في الغربة | درديري كباشي | 04-28-15, 04:08 PM |
Re: مفارقات في الغربة | اميرة السيد | 04-28-15, 05:59 PM |
Re: مفارقات في الغربة | درديري كباشي | 05-05-15, 04:49 PM |
Re: مفارقات في الغربة | درديري كباشي | 05-06-15, 04:15 PM |
Re: مفارقات في الغربة | درديري كباشي | 08-24-15, 05:05 PM |
Re: مفارقات في الغربة | الطيب عباس | 10-02-15, 11:25 AM |
Re: مفارقات في الغربة | درديري كباشي | 10-02-15, 11:40 AM |
Re: مفارقات في الغربة | درديري كباشي | 12-07-15, 04:10 PM |
Re: مفارقات في الغربة | درديري كباشي | 01-07-16, 09:07 AM |
Re: مفارقات في الغربة | Anas Babekr | 01-07-16, 02:54 PM |
Re: مفارقات في الغربة | درديري كباشي | 01-09-16, 06:33 AM |
Re: مفارقات في الغربة | الطيب عباس | 01-09-16, 10:47 AM |
Re: مفارقات في الغربة | ست البنات | 01-09-16, 08:54 PM |
Re: مفارقات في الغربة | درديري كباشي | 01-10-16, 03:00 PM |
Re: مفارقات في الغربة | درديري كباشي | 01-10-16, 02:56 PM |
Re: مفارقات في الغربة | الطيب عباس | 01-11-16, 06:29 AM |
Re: مفارقات في الغربة | درديري كباشي | 01-12-16, 04:00 PM |
Re: مفارقات في الغربة | درديري كباشي | 02-04-16, 10:24 AM |
Re: مفارقات في الغربة | درديري كباشي | 02-05-16, 04:56 PM |
|
|
|