نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: تأشيرة خروج نهائي ( لزول كبير ) (Re: عبد الوهاب المليك)
|
مغذرة أخي عبد الرحمن لاحتلال البوست ..
انت الفتحت شهيتي للكتابة
صاحبي منصور كان مجتهد في عمل لوحة المكتبة والـ R و الـ M ديل طلع روحهم مرة فوق ومرة تحت ومرة مش عارف كيف والشكل دا أحلى ولا دا .. معظم ساعات الدوام منصور مشغول باللوحة .. في الآخر طلبت منه يروق المنقة شوية ويدي الخبز لخبازه واستعنا بالله ثم بأخونا عبد الرحمن يوسف خريج معهد الفنون الجميلة وفنان الخط العربي بجريدة عكاظ ومصمم كلمة (عكاظ) الموجودة بالجريدة حتى يومنا هذا قبل ظهور الخطوط بالكمبوتر .. وفعلاً قام بتصميم لوحة عيني بااارده عليها ..
اجتهاد صاحبي منصور حرك في نفسي بعض السكون والجمود الذي أعيش فيه .. وتعلمت منه أنه لازم الواحد يلتفت لي روحه شويه ويعمل حساب لي مستقبله (كما قال عادل إمام في مسرحية مدرسة المشاغبين) .. لكن كيييييف ؟
منصور أمه وزوجته وبناته وبس واللي يعوزه البيت يحرم على الجامع .. ماسك ومكنكش فيها وعاضي عليها بالنواجذ ..
أما العبد الفقير إلى الله واللحمة الأسرية والاجتماعية التي قل أن تجدها في غيرنا .. وناس أنا عايز أعرس دايرك ترسل لي الشيلة .. أنا في شهري الثامن دايراك ترسل لي الريحة .. أنا مش عارف ايه عايزك تعمل ايه .. والعمم والشالات والثياب والهدايا الموسمية .. (زميل البورد أسامه سنجاوي تعال مارق على البوست دا واحكي لينا قصة العمم الما لابسه فوق راسك) .. دا الفرق بيني وبين منصور .. حق الجامع نكمله دين وسلف ..
بعدين يا حبايب ما تنسوا منصور لي وقتنا دا أعتقد انهم بتعاملوا بقرش تعريفه والأسعار عندهم شبه مستقرة وإن زادت بتزيد زياده مقدور عليها .. لكن ناس نحن .. تفكر تشتري قطعة أرض .. تمشي شايل قروشك تنقص شوية .. تقول خلاص الاجازة الجاية أكمل الناقص .. تجي السنة الجاية تلقى السعر تضاعف .. تجري وراء الأسعار لما نفسك ينقطع ..
فكرت قلت أعصر نفسي شوية وأعمل لي مشروع يدر على عملة محلية تساعدني أسوة بمكتبة صاحبي منصور .. أسست أكاديمية المليك لعلوم الحاسوب في عام 2001م اشتغلت عال العال والتقارير المالية التي تصلني بالايميل أسبوعياً جعلتني أحلق بعيداً بخيالي وقلت خلاص قربت أكون زي منصور ..
وبعد عام وفي احدى الاجازات وأنا داخل على الاكاديمية وسارح طيلة الطريق في أحلام زلوط وشواطيء الاسكندرية ولا شرم الشيخ لما أمشي لي صاحبي منصور.. لقيت جماعه معاهم شرطي شايلين جهاز من المحل والشباب يحنسوا فيهم .. قلت ياربي ديل ناس الأمر بالمعروف والنهي عن المنكر شالوا الجهاز لقوا عليه حاجات ما كويسه ولا شنو ؟ لقيتهم ديل ناس الزكاة قالوا المحل ما دفع الزكاة .. يا جماعة انتوا ما قاعدين تدفعوا الزكاة ؟ الزكاة دي بتزكي المال وتعدل الحال .. قالوا لي ياخي فترنا ندفع لناس الزكاة وندفع للمحلية وندفع للضرائب وندفع للنفايات وندفع وندفع .. فترنا عدييييييل .. والحل ؟؟؟ قالوا الحل عندك .. وهسه عندنا متأخرات ايجار .. قلت ليهم انتو فيكم زول عايز مني حاجة ؟ قالوا يعني .. فهمت يعني دي .. قلت ليهم طيب أقفلوا الباب .. وقفلنا الباب .. وبدأ الحساب والعتاب ورحلة العذاب وتجرعت مرارة الفشل ووأد الأحلام وكانت تجربة فاشلة بكل ما تحمل الكلمة من معان .. وحملت أحلامي وعدت بها متلفعاً بالليل والصمت ..
ولي عودة ..
|
|
 
|
|
|
|
|
| العنوان |
الكاتب |
Date |
| تأشيرة خروج نهائي ( لزول كبير ) | عبدالرحمن أحمد السعادة | 10-13-15, 03:25 PM |
| Re: تأشيرة خروج نهائي ( لزول كبير ) | مني عمسيب | 10-13-15, 05:04 PM |
| Re: تأشيرة خروج نهائي ( لزول كبير ) | عبدالرحمن أحمد السعادة | 10-14-15, 11:03 AM |
| Re: تأشيرة خروج نهائي ( لزول كبير ) | عبدالرحمن أحمد السعادة | 10-15-15, 08:22 AM |
| Re: تأشيرة خروج نهائي ( لزول كبير ) | عبدالرحمن أحمد السعادة | 10-16-15, 11:04 AM |
| Re: تأشيرة خروج نهائي ( لزول كبير ) | عبدالرحمن أحمد السعادة | 10-18-15, 08:02 AM |
| Re: تأشيرة خروج نهائي ( لزول كبير ) | عبدالرحمن أحمد السعادة | 10-18-15, 03:25 PM |
| Re: تأشيرة خروج نهائي ( لزول كبير ) | عبدالرحمن أحمد السعادة | 10-19-15, 11:29 AM |
| Re: تأشيرة خروج نهائي ( لزول كبير ) | عبد الوهاب المليك | 10-20-15, 10:08 AM |
| Re: تأشيرة خروج نهائي ( لزول كبير ) | عبدالرحمن أحمد السعادة | 10-21-15, 08:19 AM |
| Re: تأشيرة خروج نهائي ( لزول كبير ) | جعفر محي الدين | 10-21-15, 01:36 PM |
| Re: تأشيرة خروج نهائي ( لزول كبير ) | عبدالرحمن أحمد السعادة | 10-22-15, 08:17 AM |
| Re: تأشيرة خروج نهائي ( لزول كبير ) | عبد الوهاب المليك | 10-22-15, 11:08 AM |
| Re: تأشيرة خروج نهائي ( لزول كبير ) | مني عمسيب | 10-22-15, 11:20 AM |
| Re: تأشيرة خروج نهائي ( لزول كبير ) | عبد الوهاب المليك | 10-22-15, 06:57 PM |
| Re: تأشيرة خروج نهائي ( لزول كبير ) | عبد الوهاب المليك | 10-22-15, 09:17 PM |
| Re: تأشيرة خروج نهائي ( لزول كبير ) | عبد الوهاب المليك | 10-23-15, 08:19 AM |
| Re: تأشيرة خروج نهائي ( لزول كبير ) | عبدالرحمن أحمد السعادة | 10-23-15, 11:08 AM |
| Re: تأشيرة خروج نهائي ( لزول كبير ) | عبدالرحمن أحمد السعادة | 10-24-15, 10:59 AM |
| Re: تأشيرة خروج نهائي ( لزول كبير ) | عبدالرحمن أحمد السعادة | 10-25-15, 11:02 AM |
| Re: تأشيرة خروج نهائي ( لزول كبير ) | ismeil abbas | 12-10-15, 09:41 AM |
| Re: تأشيرة خروج نهائي ( لزول كبير ) | حماد الطاهر عبدالله | 12-10-15, 04:55 PM |
| Re: تأشيرة خروج نهائي ( لزول كبير ) | عبدالرحمن أحمد السعادة | 12-11-15, 11:05 AM |
| Re: تأشيرة خروج نهائي ( لزول كبير ) | عمر دهب | 12-11-15, 11:51 AM |
| Re: تأشيرة خروج نهائي ( لزول كبير ) | عبدالرحمن أحمد السعادة | 12-13-15, 08:13 AM |
| Re: تأشيرة خروج نهائي ( لزول كبير ) | عبدالرحمن أحمد السعادة | 12-14-15, 08:06 AM |
| Re: تأشيرة خروج نهائي ( لزول كبير ) | محمد حيدر المشرف | 12-14-15, 09:04 AM |
| Re: تأشيرة خروج نهائي ( لزول كبير ) | عبدالرحمن أحمد السعادة | 12-15-15, 08:04 AM |
| Re: تأشيرة خروج نهائي ( لزول كبير ) | الحاج حمد الحاج | 09-28-17, 08:15 AM |
| Re: تأشيرة خروج نهائي ( لزول كبير ) | Basamat Alsheikh | 09-28-17, 09:36 AM |
| Re: تأشيرة خروج نهائي ( لزول كبير ) | ياسر السر | 09-28-17, 09:36 AM |
| Re: تأشيرة خروج نهائي ( لزول كبير ) | أحمد الشايقي | 09-28-17, 10:22 AM |
| Re: تأشيرة خروج نهائي ( لزول كبير ) | الحاج حمد الحاج | 09-28-17, 12:15 PM |
| Re: تأشيرة خروج نهائي ( لزول كبير ) | الحاج حمد الحاج | 10-01-17, 11:04 AM |
|
| |
عبد الوهاب المليك
فيس بوك
تويتر
انستقرام
يوتيوب
بنتيريست