مع هجمات الهكر تأكد من ان جهازك غير مخترق

Quote: وعليكم السلام يا محمد زين‎ ... ‎ اعمل ابديت للويندوز يا‎ ‎محمد واتاكد انو الانتي فيروس بتاعك برضو محدث ومن الكنترول بانل تاكد ‏انو الفيروول‎ ‎بتاع الويندوز مفعل‎ ‎ ‎ ولو واجهتك اي مشاكل في تحديث الويندوز او الانتي فيروس ممكن‎ ‎اساعدك فيها

؟ ، عاد هي داب مُشكلة ، عليك أمان الله مشاكل بالْكوم والرّدوم !. ‏
وواللهِ يا معاوية ياخويْ كلامك الفوق دا تب ما جا معايْ كلُّو كلُّو ، وما عرفتَ أدخُل للفيرويل دا من وين ، ‏دِلّني ياخُويْ خطوة خطوة ، عشان أفهم ، دا طبعًا أوّل تَبادي .‏
تاني التّبادي يا معاوية ياخُويْ بدور أشتكيلك كمبوتري دا : أها أنا ليْ قريب الأُسبوع كمبيوتري دا ما بفتح ‏لَيْ الإيميل حقّي ، وماني عارف الحاصل عليهو شنو ؟ ، ماني عارف أكّان انطماسة منُّو ساي ، ولَّ شيتًا ‏تاني ما بعرفو ! . أها وكتين أجي أشيّك علي إيميلي في شان أقرا الرّسايل الْجاياني واللهِ تب ما بفتح معايْ ، ‏يعني تلقاني بدخل على النت عادي ، وبفتح القوقل عادي ، أها وكتين أكتب في مستطيل القوقل داك ‏hotmail.com sign in ‎‏ ، أها يا سيدي يقوم تفتح معايْ صفحة مكتوب جزء منّها بالإنجليزي ( ناس ‏ويندوز وحاجات كِدَة ) أها والباقي لغة ما معروفة ، أها وبعد ما أكتب في المستطيلين ، البريد الإلكتروني ، وكلمة السّر ، يقوم يقول لَيْ الصفحة ما موجودة .
‏




شُفتَ كيف ! ، عليك الله آمعاوية آخويْ جِنِس عمايل كمبيوتري دا لاقتك ؟.