|
Re: +++ يا اخوانا .. خلو بالكم من واحده اسمها andquo (Re: علي دفع الله)
|
العم العزيز أرنست.. تحياتي وإحتراماتي،،،تعرف مع نهاية موسم الضرائب الفات في شهر أبريل، جاني إتصال هاتفي من رقم من كاليفورنيا والمتحدث بلكنة أهل الجزر قال لي إنو عميل من مكتب مكافحة جرايم الأموال والتهرب الضريبي بالـ IRS والغرض من الإتصال تنبيهي لخطأ ضربيبي حدث لي أثناء إدخال البيانات الضربية الخاصة بي. الزول عشان يقنعني بمصداقيتو أداني عنواني بالكامل وإسمي الثلاثي. المهم قلتا ليهو المطلوب مني شنو... قال لي المطلوب إنك ترجع للدولة 4,322 دولار اليوم قبل بكرة عشان بكرة حـ يرفعوا فيني قضية قدام المحكمة الفيرالية.أها قلتا ليهو القروش دي عاوزيني أرجعها بياتو طريقة.. قال لي بالوسترن يونيون لأنو سريع والقروش حتصل في نفس اللحظة وسيتم ععمل تسوية قبل نهاية اليوم. وطبعاً لغاية حكاية الوسترن يونيون دي أنا كنتا شاكي في الأمر وخاصة من الرقم الجاني من كاليفورنيا.. بس بعد ما قال لي حول لينا القروش حسع قلتا صاحبنا ده أكيد زول من إياهم.وفي أثناء الحديث قلتا ليهو دقيقة بس خليك على الخط أرد على مكالمة وأجيك راجع. وطوالي إتصلت بصديقة بالـ FBI بقسم مكافحة جرايم الأموال وكلمتها بالموضوع ودخلتها في الخط... ورجعتا لزولنا الحسّ إنو لقى ليهو صيدة ثمينة بعد تشجيعي ليهو بالإحساس الوصلتو ليهو بإني زول ما ناقش شيء في الدنيا دي. وإتواصل الحديث معاهو وصاحبتي بتسمع في الكلام والضحك غالبها. وبعد فترة من إعادة الكلام ووصف طريقة إيصال المبلغ... قلتا ليهو إنو أنا شاكر لإتصالو الكريم ده وأنا سأبلغ الضرايب بالمكالمة الهامة دي وسأحاول عمل تسوية معاهم لأنو المبلغ عالي وما عندي... صاحبنا قال لي أنا ممكن أكلم البُوُص بتاعي وأرجع ليك... قلتا ليهو سمح وختاني في الهولد شوية. صاحبتنا دخلت وقالت لي يا محمد زولك ده ضارب من جزيرة في المحيط ولغاية هنا ممكن تقطع المكالمة. قلتا ليها لازم أكمل ونستي معاهو. والراجل رجع لي بعرض تخفيض مغري وقال إنو المسؤول بتاعو وافق بعد جهد وإشترط إرسال المبلغ فوراً.عند هذا الحد قلت ليهو أنو مسؤولة مكافحة جرايم الأموال معانا في الخط وهي إستمعت لكامل المكالمة تقريباً.. وتدخلت عميلة الـ FBI وقالت له أنهم إستمعوا للمكالمة وأعطته درساً في القانون. المصيبة صاحبنا الجاتو خوفة في الأول بعد فترة إستعاد رباطة جأشه وقال ليها أعملي العاوزاهو لو قدرتي توصلي لينا... وده بيوريك إنو الناس ديل شبكات منظمة للجريمة الدولية.أما موضوع الإيميلات دي فحدث ولا حرج... المهم عدم فتح الإيميل المشكوك فيهو أو عدم الضغط على أي لينك فيهو تفادياً للـ viruses and spywares المضرة!مع كامل الود والتقدير،،،
|
|
|
|
|
|
|
العنوان |
الكاتب |
Date |
+++ يا اخوانا .. خلو بالكم من واحده اسمها " ناهد طاهر" .. +++ | Sudany Agouz | 12-07-15, 06:48 PM |
Re: +++ يا اخوانا .. خلو بالكم من واحده اسمها andquot; | علي دفع الله | 12-07-15, 07:04 PM |
Re: +++ يا اخوانا .. خلو بالكم من واحده اسمها andquo | عوض محمد احمد | 12-07-15, 08:02 PM |
Re: +++ يا اخوانا .. خلو بالكم من واحده اسمها andquo | عبدالعزيز الفاضلابى | 12-07-15, 08:21 PM |
Re: +++ يا اخوانا .. خلو بالكم من واحده اسمها andquo | Mohamed Yassin Khalifa | 12-07-15, 09:00 PM |
Re: +++ يا اخوانا .. خلو بالكم من واحده اسمها andquo | عبدالعزيز الفاضلابى | 12-07-15, 10:15 PM |
Re: +++ يا اخوانا .. خلو بالكم من واحده اسمها andquo | Mohamed Yassin Khalifa | 12-07-15, 10:26 PM |
Re: +++ يا اخوانا .. خلو بالكم من واحده اسمها andquo | Sudany Agouz | 12-07-15, 11:24 PM |
Re: +++ يا اخوانا .. خلو بالكم من واحده اسمها andquo | عبدالعزيز الفاضلابى | 12-07-15, 11:52 PM |
Re: +++ يا اخوانا .. خلو بالكم من واحده اسمها andquo | Sudany Agouz | 12-08-15, 02:06 PM |
Re: +++ يا اخوانا .. خلو بالكم من واحده اسمها andquo | muntasir | 12-08-15, 05:43 PM |
Re: +++ يا اخوانا .. خلو بالكم من واحده اسمها andquo | Sudany Agouz | 12-09-15, 02:28 AM |
|
|
|