ول ابا منصور..حبابك يا صديقي
كتر خيرك على المرور والمطايبة..
نعم يا صديقي ، اكثر الناس يدها في الموية الباردة ، عشان كده بتشرع يمين وشمال..وهسع ده يا منصور لوقمت ساكت من باب المناورة وفكيت ليك طلب الجماعة ح يدخلوهو في الأجندة ، طبعا قصدي ناس قطيع الشمال ، بس يكون طلب جاري في هواهم..!
كتر خيرك على ذكر اسم اخونا القائد تلفون كوكو..وهو رجل من زمن الحرب الأولى عندو القدرة على الحسابات الدقيقة والموازنات..فهو كان حينما اقتضت الضرورة ان يحمل السلاح ويقاتل فعل ذلك دون تردد ، وحينما اكتشف ان السلاح قد يخرج عن مراميه الثورية ويجلب مزيدا من الأذى على مواطن المنطقة المسكين ، فكان رأيه واضح للغاية..
المضحك يا منصور ، بعض من ناس قطيع الشمال ، زعلانين عشان اخونا ود الباوقة جاب صور اخوتنا في وفد النوبة ووصوله للخرطوم ، قاموا بعض من ناس القطيع بيشمتوا بيسألوا: اين قادة حقيقيين امثال تلفون كوكو..!
يعني لمن يبقى الأمر يختص بناس خارج القطيع فبتم الشماتة التسفيه ..وفات على ناس قطيع الشمال انو المواطن العادي ممكن يسألهم: القائد تلفون كوكو افنى جل سنين عمره مناضلا من اجل قضايا النوبة ، وقطيع الشمال عامل فيها متحدث باسم النوبة في المفاوضات فلماذا لم يكن تلفون كوكو طرف في الوفد؟..انا اقول ليكم: لأني رجل واضح ويرفض الاعيب الحزب الشيوعي عبر مخالبه القذرة في قطيع الشمال..
كتر خيرك يا منصور..
كبر