سبحان الله .. يدّى الحلق

Quote: وليد سلامات و رمضان كريم بالضبط العملوا معاك دينق في بوستك عن حال المدارس في السودان هو دورو البلعب فيهو في المنبر من فترة طويلة " و كل مسخر لما خلق له " . دينق للاسف الشديد بآكد علي روحو الشكوك في انو سودانيزاولاين هي اكل عيشو و ياريت الجميع يراجع ارشيف و مساهمات دينق في سودانيزاونلاين بتلقاها في مجملها بتتفق في استفزاز الاخرين و اتهامهم بواحد من تهمتين رائجتين هذه الايام - العنصرية - العمالة للمؤتمر الوطني و تكنيكو في رمي الاتهامات دي هو نفس التكنيك الساذج البمارسوهو بتاعين المباحث في السودان مع المجرمين . يرمي ليك تهمة بدون حيثيات او معلومات كاملة او ادلة و يطالبك بانك تنكرها و تبعا لي محاولاتك كمتهم انك تنفي التهمة عنك يكون دينق حصل علي داتا كبيرة جدا يقدر يواصل بيها اتهامك و هو يضحك من سذاجتك كخصم برئ امام خبثو و سعيو الحثيث لتشويه صورة كل مخالفيه . التكنيك ده يا وليد بالمناسبة كان تكنيك " ود الحرامي" :) و ود الحرامي ده كان ود حلتنا زمان و درس معانا في المدارس الابتدائية لكنو كان طالب مهمل و قدراتو الذهنية محدودة { الغريبة كان بشبه دينق ده الخالق الناطق - طول و عرض و قلب كبير :) - } المهم يا سيدي .. ود الحرامي كان برنامجو الاساسي كل صباح انو يلصق ليك اقرب تهمة علي شاكلة الحكاية الاشهر في عوالم الحيوان حين باغت القط الفار في عرض البحر " بتكشح مالك بالتراب ". و نحن نشيل و ننكر و تنتهي القبقبة باننا نشففو في الاختبار او نساعدو بصوت واطي اثناء التسميع .. الخ الخ :) و عليه من الان فصاعدا اقترح علي الجميع تسمية دينق بود الحرامي طالما هو مصر يخلينا كلنا في المنبر ده نحلف و نتقطع يوميا لنفي تهم عن انفسنا لا علاقة لنا بها .